ഫിലിപ്പീൻസ് എംബസിയിൽ പാർപ്പിച്ച തൊഴിലാളികളെ ഒഴിപ്പിച്ചു

കു​വൈ​ത്ത് സി​റ്റി: കു​വൈ​ത്തി​ലേ​ക്കു​ള്ള വി​സ ന​ട​പ​ടി​ക​ൾ നി​ർ​ത്തി​വെ​ച്ച​തി​ന് പി​റ​കെ ഫി​ലി​പ്പീ​ൻ​സ് എം​ബ​സി​യു​ടെ കീ​ഴി​ൽ ഗാ​ര്‍ഹി​ക തൊ​ഴി​ലാ​ളി​ക​ളെ പാ​ർ​പ്പി​ച്ച കേ​ന്ദ്ര​ത്തി​ല്‍നി​ന്ന് ആ​ളു​ക​ളെ ഒ​ഴി​പ്പി​ച്ചു. സ്ത്രീ​ക​ളും പു​രു​ഷ​ന്മാ​രും ഉ​ൾ​പ്പെ​ടെ​യു​ള്ള നാ​നൂ​റി​ലേ​റെ പേ​രെ​യാ​ണ് ഒ​ഴി​പ്പി​ച്ച​തെ​ന്ന് പ്രാ​ദേ​ശി​ക മാ​ധ്യ​മ​മാ​യ അ​ല്‍ ഖ​ബ​സ് റി​പ്പോ​ര്‍ട്ട് ചെ​യ്തു. എം​ബ​സി ഷെ​ൽ​ട്ട​റി​ൽ​നി​ന്ന് ഒ​ഴി​പ്പി​ച്ച​വ​രെ സ​ര്‍ക്കാ​ര്‍ ഷെ​ൽ​ട്ട​റി​ങ് കേ​ന്ദ്ര​ത്തി​ലേ​ക്ക് മാ​റ്റി. ഇ​വ​രെ ഉ​ട​ന്‍ നാ​ടു​ക​ട​ത്തു​മെ​ന്നാ​ണ് സൂ​ച​ന.

നേ​ര​ത്തേ തൊ​ഴി​ലാ​ളി​ക​ളെ എം​ബ​സി​യി​ൽ പാ​ർ​പ്പി​ക്കു​ന്ന​തി​നെ​തി​രെ പ​ബ്ലി​ക് അ​തോ​റി​റ്റി മാ​ന്‍പ​വ​ര്‍ ആ​രോ​പ​ണം ഉ​യ​ർ​ത്തി​യി​രു​ന്നു. കു​വൈ​ത്തും ഫി​ലി​പ്പീ​ൻ​സും ത​മ്മി​ൽ ഒ​പ്പു​വെ​ച്ച ക​രാ​റി​ന്റെ അ​ടി​സ്ഥാ​ന​ത്തി​ൽ തൊ​ഴി​ൽ ത​ർ​ക്ക ഇ​ട​പാ​ടു​ക​ൾ തൊ​ഴി​ലാ​ളി​ക​ളും കു​വൈ​ത്ത് മാ​ൻ‌​പ​വ​ർ അ​തോ​റി​റ്റി​യും ത​മ്മി​ൽ നേ​രി​ട്ടാ​യി​രി​ക്ക​ണ​മെ​ന്ന് വ്യ​വ​സ്ഥ​യു​ണ്ട്. ക​രാ​ര്‍ പ്ര​കാ​രം പ്ര​ശ്ന​ങ്ങ​ൾ ഉ​ള്ള തൊ​ഴി​ലാ​ളി​ക​ളെ എ​ത്ര​യും പെ​ട്ടെ​ന്ന് ഗാ​ർ​ഹി​ക തൊ​ഴി​ൽ വ​കു​പ്പ് അ​ധി​കൃ​ത​ർ മു​മ്പാ​കെ ഹാ​ജ​രാ​ക്ക​ണ​മെ​ന്നാ​ണ് വ്യ​വ​സ്ഥ.

ഇ​തി​നി​ടെ​യാ​ണ് ഫി​ലി​പ്പീ​ന്‍സു​കാ​ര്‍ക്കു​ള്ള തൊ​ഴി​ല്‍-​സ​ന്ദ​ര്‍ശ​ക വി​സ​ക്ക് കു​വൈ​ത്ത് താ​ല്‍ക്കാ​ലി​ക വി​ല​ക്ക് ഏ​ര്‍പ്പെ​ടു​ത്തി​യ​ത്. ഇ​രു രാ​ജ്യ​ങ്ങ​ളും ത​മ്മി​ല്‍ ഒ​പ്പു​വെ​ച്ച തൊ​ഴി​ൽ ക​രാ​റി​ലെ വ്യ​വ​സ്ഥ​ക​ള്‍ പാ​ലി​ക്കാ​ത്ത പ​ശ്ചാ​ത്ത​ല​ത്തി​ലാ​ണ് വി​സ വി​ല​ക്ക് ഏ​ര്‍പ്പെ​ടു​ത്തി​യ​ത്.

കു​വൈ​ത്ത് ആ​വ​ശ്യ​പ്പെ​ട്ട വ്യ​വ​സ്ഥ​ക​ൾ പാ​ലി​ക്കാ​ൻ ഫി​ലി​പ്പി​നോ പ്ര​തി​നി​ധി​സം​ഘം വി​സ​മ്മ​തി​ച്ച​താ​യി കു​വൈ​ത്ത് അ​ധി​കൃ​ത​ർ അ​റി​യി​ച്ചി​രു​ന്നു. കു​വൈ​ത്തി​ല്‍ ര​ണ്ട​ര ല​ക്ഷ​ത്തി​ലേ​റെ ഫി​ലി​പ്പീ​ന്‍സ് തൊ​ഴി​ലാ​ളി​ക​ള്‍ ജോ​ലി​യെ​ടു​ത്തി​രു​ന്നു.