ഫ​ഞ്ച​യി​ലു​ണ്ടൊ​രു വ​റ്റാ​ത്ത കൊ​ച്ചു​കി​ണ​ർ

മ​സ്ക​ത്ത്: മ​നോ​ഹ​ര​മാ​യ ഭൂ​പ്ര​കൃ​തി​ക്കൊ​പ്പം പ്ര​കൃ​തി ക​നി​ഞ്ഞ​രു​ളി​യ അ​നു​ഗ്ര​ഹ​ങ്ങ​ളു​മു​ള്ള പ്ര​ദേ​ശ​മാ​ണ്​ ദാ​ഖി​ലി​യ ഗ​വ​ർ​ണ​റേ​റ്റി​ലെ ഫ​ഞ്ച. ഫ​ഞ്ച വാ​ദി​യി​ലൂ​ടെ ഒ​ഴു​കു​ന്ന കൊ​ച്ച​രു​വി കാ​ണാ​നും നീ​ന്തി​ക്കു​ളി​ക്കാ​നു​മാ​യി നി​ര​വ​ധി വി​നോ​ദ സ​ഞ്ചാ​രി​ക​ളാ​ണ് ദി​വ​സ​വും എ​ത്തു​ന്ന​ത്. കോ​വി​ഡ് ഭീ​തി അ​ക​ന്ന​തോ​ടെ സ്വ​ദേ​ശി​ക​ളും വി​ദേ​ശി​ക​ളു​മാ​യ നി​ര​വ​ധി പേ​രാ​ണ് ഫ​ഞ്ച വാ​ദി​യി​ലും പ​ര​മ്പ​രാ​ഗ​ത മാ​ർ​ക്ക​റ്റി​ലു​മെ​ത്തു​ന്ന​ത്. ഫ​ഞ്ച ന​ഗ​ര​ത്തി​ന് തൊ​ട്ട​ടു​ത്താ​യി ഫ​ഞ്ച വാ​ദി​യി​ലെ കി​ണ​ർ കാ​ണാ​നെ​ത്തു​ന്ന​തും നി​ര​വ​ധി​യാ​ണ്.

അ​ത്ര​യേ​റെ ശ്ര​ദ്ധ​നേ​ടി​യി​ട്ടി​ല്ലാ​ത്ത ഇൗ ​കി​ണ​ർ പ്ര​കൃ​തി​യു​ടെ അ​ത്ഭു​ത പ്ര​തി​ഭാ​സം​ത​ന്നെ​യാ​ണ്. ഒ​രു മീ​റ്റ​ർ മാ​ത്രം വി​സ്തൃ​തി​യു​ള്ള ഇൗ ​കി​ണ​ർ കാ​ഴ്ച​ക്കാ​രി​ൽ കൗ​തു​കം പ​ക​ർ​ത്തു​ന്നു​ണ്ട്. ത​റ​യി​ൽ​നി​ന്ന് മൂ​ന്ന്​ മീ​റ്റ​ർ താ​ഴെ കി​ണ​റി​ൽ തെ​ളി​നീ​ർ കാ​ണാം. ഒ​മാ​െൻറ മ​റ്റു​ ഭാ​ഗ​ങ്ങ​ളി​ലെ കി​ണ​റു​ക​ളെ​ല്ലാം ഏ​റെ ആ​ഴ​ത്തി​ലാ​ണു​ള്ള​ത്.

ന​ഗ​ര​ത്തിെൻറ പ്ര​ധാ​ന ഭാ​ഗ​ങ്ങ​ളി​ലെ​ല്ലാം വെ​ള്ള​മെ​ത്തി​ക്കു​ന്ന​ത് ഫ​ഞ്ച​യി​ലെ ഇൗ ​കൊ​ച്ചു കി​ണ​റി​ൽ നി​ന്നാ​ണ്. ഇ​തി​നാ​യി ടാ​ങ്ക​ർ േലാ​റി​ക​ളു​ടെ നി​ര​ത​ന്നെ ചി​ല സ​മ​യ​ങ്ങ​ളി​ൽ കാ​ണാം. നി​ല​വി​ൽ 31 വ​ലി​യ പ​മ്പ് സെ​റ്റു​ക​ൾ കി​ണ​റി​ൽ സ്ഥാ​പി​ച്ചി​ട്ടു​ണ്ട്. ഒ​രു ടാ​ങ്ക​ർ ലോ​റി​യി​ൽ മി​നി​റ്റു​ക​ൾ കൊ​ണ്ട് വെ​ള്ളം നി​റ​യാ​ൻ എ​ൻ​ജി​ൻ ശ​ക്തി​യു​ള്ള​താ​ണ് പ​മ്പ്സെ​റ്റു​ക​ൾ. എ​ത്ര വെ​ള്ളം അ​ടി​ച്ചാ​ലും ഇൗ ​കി​ണ​റി​ലെ ജ​ല​നി​ര​പ്പ് കു​റ​യാ​റി​ല്ല.

ഒാ​രോ ടാ​ങ്ക​ർ ലോ​റി​ക്കാ​രും പ്ര​ത്യേ​കം പ്ര​ത്യേ​കം പ​മ്പ് സെ​റ്റു​ക​ൾ സ്ഥാ​പി​ച്ചി​ട്ടു​ണ്ട്. വെ​ള്ള​ത്തി​ന് വ​രുേ​മ്പാ​ൾ ടാ​ങ്ക​ർ േലാ​റി ഡ്രൈ​വ​ർ​മാ​ർ​ത​ന്നെ​യാ​ണ് പ​മ്പ്സെ​റ്റ് ഉ​പ​യോ​ഗി​ച്ച് വെ​ള്ളം അ​ടി​ക്കു​ന്ന​ത്. ഇ​തി​ന് പ്ര​േ​ത്യ​കം ജോ​ലി​ക്കാ​രോ ജീ​വ​ന​ക്കാ​രോ ഇ​ല്ല. സ​മീ​പ​ത്തെ മ​റ്റു പ​ദ്ധ​തി​ക​ളി​ലേ​ക്കും ഇൗ ​കി​ണ​റി​ൽ നി​ന്ന് വെ​ള്ളം അ​ടി​ക്കാ​റു​ണ്ട്. എ​ന്നാ​ലും അ​ത്ഭു​ത കി​ണ​റി​ലെ വെ​ള്ള​ത്തി​ന് കു​റ​വൊ​ന്നും സം​ഭ​വി​ക്കു​ന്നി​ല്ല. വ​ർ​ഷ​ത്തി​ലെ എ​ല്ലാ സീ​സ​ണി​ലും ഇ​വി​ടെ ശു​ദ്ധ​ജ​ലം സു​ല​ഭ​മാ​യി ല​ഭി​ക്കു​ന്നു. ഇ​ത് ഫ​ഞ്ച​യി​ലെ താ​മ​സ​ക്കാ​ർ​ക്ക് വ​ലി​യ അ​നു​ഗ്ര​ഹ​മാ​ണ്. അ​തി​നാ​ൽ, രാ​ജ്യ​ത്തിെൻറ മി​ക്ക ഭാ​ഗ​ങ്ങ​ളി​ലും ജ​ല​ത്തി​ന് പൈ​പ്പ്​​ലൈ​ൻ പ​ദ്ധ​തി​ക​ൾ വ​ന്നി​ട്ടും ഫ​ഞ്ച​യി​ൽ ഇ​പ്പോ​ഴും ടാ​ങ്ക​ർ േലാ​റി​ക​ളാ​ണ് വെ​ള്ളം അ​ടി​ക്കു​ന്ന​ത്.

അ​തി​നാ​ൽ, ഫ​ഞ്ച​ക്കാ​ർ​ക്ക് പ്ര​കൃ​തി​ദ​ത്ത​മാ​യ ശു​ദ്ധ​ജ​ലം സു​ല​ഭ​മാ​യി ഉ​പ​യോ​ഗി​ക്കാ​നും ക​ഴി​യു​ന്നു. ഏ​താ​യാ​ലും ഇ​ത്ര​യേ​റെ വെ​ള്ളം വ​ലി​ച്ചെ​ടു​ത്തി​ട്ടും നി​റ​ഞ്ഞു​നി​ൽ​ക്കു​ന്ന ഇൗ ​കൊ​ച്ചു കി​ണ​ർ പ്ര​കൃ​തി​യു​ടെ അ​ത്ഭു​തം​ത​ന്നെ​യാ​ണ്.