രാജ് കലേഷിന് മസ്കത്ത് അന്താരാഷ്ട്ര വിമാനത്താവളത്തിൽ പ്രോഗ്രാം എക്സിക്യൂട്ടിവ് കമ്മിറ്റി
അംഗങ്ങളുടെ നേതൃത്വത്തിൽ നൽകിയ സ്വീകരണം
മസ്കത്ത്: മാനവികതയുടെയും ഒരുമയുടെയും സന്ദേശമുയർത്തുന്ന ഗൾഫ് മാധ്യമം ‘ഹാർമോണിയസ് കേരള’യുടെ അഞ്ചാം പതിപ്പിന്റെ വിളംബര റോഡ്ഷോ വെള്ളിയാഴ്ച നടക്കും. ചിരിയും ചിന്തയുമുണർത്തുന്ന കളികളും പറച്ചിലും മാജിക്കുമായി പ്രമുഖ അവതാരകൻ രാജ് കലേഷാണ് കലാപൂരത്തിന്‍റെ കൊടിയേറ്റ് നിർവഹിക്കുക. പരിപാടിക്കായി മസ്കത്തിലെത്തിയ കല്ലുവിന് മസ്കത്ത് അന്താരാഷ്ട്ര വിമാനത്താവളത്തിൽ പ്രോഗ്രാം എക്സിക്യൂട്ടിവ് കമ്മിറ്റി്യംഗങ്ങളുടെ നേതൃത്വത്തിൽ സ്വീകരണം നൽകി.
വെള്ളിയാഴ്ച വൈകീട്ട് 6.30 മുതൽ റൂവി ലുലു ഹൈപ്പർ മാർക്കറ്റിലാണ് ‘ഹാർമോണിയസ് കേരള’യുടെ റോഡ് ഷോ. കുട്ടികൾക്കും കുടുംബത്തിനും പങ്കെടുക്കാൻ സാധിക്കുന്ന വിവിധ മത്സരങ്ങളാണ് ഒരുക്കിയിട്ടുള്ളത്.
‘ഹാർമോണിയസ് കേരള’ അഞ്ചാം പതിപ്പ് നവംബർ എട്ടിന് മസ്കത്ത് ഖുറം സിറ്റി ആംഫി തിയറ്ററിലാണ് നടക്കുന്നത്. മുൻ പതിപ്പുകളിൽനിന്ന് വ്യത്യസ്തമായി കെട്ടിലും മട്ടിലും ഏറെ പുതുമയോടെയാണ് ഹാർമോണിയസ് കേരള മസ്കത്തിന്റെ മണ്ണിലേക്ക് വീണ്ടുമെത്തുന്നത്.
കുടുംബ പ്രേക്ഷകരുടെ ഇഷ്ടതാരം കൗശിക്, നർത്തകൻ റംസാൻ മുഹമ്മദ്, മിമിക്രി കലാകാരൻ മഹേഷ് കുഞ്ഞിമോൻ എന്നിവരാണ് കളിയും ചിരിയും ചിന്തയും പകർന്ന് മസ്കത്തിനോട് കൂട്ടുകൂടാനെത്തുന്നത്. പരിപാടിയുടെ അവതാരകനായി മിഥുൻ രമേശും കൂടെയുണ്ടാകും.
ഗൾഫ് മാധ്യമം രജതജൂബിലി ആഘോഷ നിറവിലാണ് ഹാർമോണിയസ് കേരള ഇത്തവണ കൊണ്ടാടുന്നത്. രജതജൂബിലിയുടെ ഒമാൻതല ആഘോഷങ്ങൾക്ക് കൂടിയാണ് ഹാർമോണിയസ് കേരളയിലൂടെ തുടക്കമാകുന്നത്. പരിപാടിയുടെ ടിക്കറ്റ് വിൽപന പുരോഗമിക്കുകയാണ്.
പത്ത് റിയാൽ(ഡയമണ്ട്), അഞ്ച് റിയാൽ (പ്ലാറ്റിനം), മൂന്ന് റിയാൽ (ഗോൾഡ്) എന്നീ നിരക്കുകളിൽ ടിക്കറ്റുകൾ ലഭ്യമാണ്. ടിക്കറ്റുകൾക്കായി 9562 9600, 9604 2333 ഈ നമ്പറുകളിൽ ബന്ധപ്പെടാം. ഷാഹി ഫുഡ്‌സ് ആൻഡ് സ്‌പൈസസ്, ലുലു ഹൈപ്പർമാർക്കറ്റ്, സീപേൾസ് ഗോൾഡ് ആൻഡ് ഡയമണ്ട്, ജോയ്ആലുക്കാസ് എക്സചേഞ്ച് എന്നിവരാണ് പരിപാടിയുടെ മുഖ്യ പ്രായോജകർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.