വി​ദേ​ശി വ​ക്കീ​ല​ന്മാ​ർ​ക്ക് വി​ല​ക്ക്; നി​യ​മ ജോ​ലി​ക​ൾ സ്വ​ദേ​ശി​ക​ൾ​ക്ക് മാ​ത്രം

മ​സ്ക​ത്ത്: നി​യ​മ മേ​ഖ​ല​യി​ലെ തൊ​ഴി​ലു​ക​ൾ പൂ​ർ​ണ​മാ​യും സ്വ​ദേ​ശി​വ​ത്ക​രി​ക്കാ​നൊ​രു​ങ്ങു​ന്നു. ഈ ​മേ​ഖ​ല​യി​ലെ തൊ​ഴി​ലു​ക​ൾ സ്വ​ദേ​ശി​ക​ൾ​ക്ക് മാ​ത്ര​മാ​യി നി​ജ​പ്പെ​ടു​ത്തി ഒ​മാ​ൻ ഭ​ര​ണാ​ധി​കാ​രി സു​ൽ​ത്താ​ൻ ഹൈ​തം ബി​ൻ താ​രി​ഖ് അ​ടു​ത്തി​ടെ രാ​ജ​കീ​യ ഉ​ത്ത​ര​വ് പു​റ​പ്പെ​ടു​വി​ച്ചി​രു​ന്നു.

ഇ​ത​നു​സ​രി​ച്ച് വി​ദേ​ശി​ക​ളു​മാ​യി പ​ങ്കാ​ളി​ത്ത​ത്തി​ൽ ന​ട​ത്തു​ന്ന നി​യ​മ സ്ഥാ​പ​ന​ങ്ങ​ൾ മൂ​ന്ന് വ​ർ​ഷ​ത്തി​നു​ള്ളി​ൽ സ്വ​ദേ​ശി​വ​ത്ക​രി​ക്ക​ണം. വി​ദേ​ശി​ക​ൾ മാ​ത്രം ന​ട​ത്തു​ന്ന നി​യ​മ സ്ഥാ​പ​ന​ങ്ങ​ൾ, ലീ​ഗ​ൽ ക​ൺ​സ​ൾ​ട്ടൻ​സി എ​ന്നി​വ ഒ​രു വ​ർ​ഷ​ത്തി​നു​ള്ളി​ൽ ഈ ​നി​യ​മം ന​ട​പ്പാ​ക്ക​ണം.

ഇ​ത്ത​രം സ്ഥാ​പ​ന​ങ്ങ​ളി​ൽ ജോ​ലി ചെ​യ്യു​ന്ന വി​ദേ​ശി​ക​ൾ​ക്ക് ഒ​രു വ​ർ​ഷം വ​രെ തു​ട​രാ​വു​ന്ന​താ​ണ്. ഈ ​കാ​ല​യ​ള​വി​ൽ ഇ​ത്ത​രം സ്ഥാ​പ​ന​ങ്ങ​ളു​ടെ ഷ​യ​റു​ക​ൾ കൈ​മാ​റ്റം ചെ​യ്യു​ന്ന​തും നി​രോ​ധി​ച്ചി​ട്ടു​ണ്ട്.

മ​ന്ത്രി​മാ​ർ, സ്റ്റേ​റ്റ് കൗ​ൺ​സി​ൽ, മ​ജ്‍ലി​സ് ശൂ​റ, പ​ബ്ലി​ക് പ്രേ​സി​ക്യൂ​ഷ​ൻ, സ്റ്റേ​റ്റ് ഭ​ര​ണ മേ​ഖ​ല, ക​മ്പ​നി​ക​ൾ, സ്വ​കാ​ര്യ സ്ഥാ​പ​ന​ങ്ങ​ൾ തു​ട​ങ്ങി​യ മേ​ഖ​ല​ക​ളി​ൽ വ​ക്കീ​ലായോ നി​യ​മ ഉ​പ​ദേ​ഷ്ടാ​വാ​യോ ജോ​ലി ചെ​യ്യു​ന്ന​വ​ർ​ക്ക് ആ ​മേ​ഖ​ല​യി​ൽ പൂ​ർ​ണമാ​യി ജോ​ലി ചെ​യ്യാ​ൻ ക​ഴി​യി​ല്ല.

ഈ ​വി​ഭാ​ഗ​ക്കാ​ർ പ്ര​ക്ടീ​സ് ചെ​യ്യാ​ത്ത വ​ക്കീ​ല​ന്മാ​ർ, പ്രാ​ക്ടീ​സ് ചെ​യ്യാ​ത്ത നി​യ​മ ഉ​പ​ദേ​ഷ്ടാ​ക്ക​ൾ എ​ന്ന പേ​രി​ലാ​ണ് അ​റി​യ​പ്പെ​ടു​ക. എ​ന്നാ​ൽ, വി​ദേ​ശി വ​ക്കീ​ല​ന്മാ​ർ​ക്ക് ക​ൺ​സ​ൾ​ട്ടി​ങ് ഓ​ഫി​സു​ക​ൾ തു​റ​ക്കാ​ൻ അ​നു​വാ​ദ​മു​ണ്ട്. ഇ​ത് വി​ദേ​ശി​ക​ൾ​ക്ക് സ്വ​ന്ത​മാ​യോ ഒ​മാ​നി​ക​ളു​ടെ പ​ങ്കാ​ളി​ത്ത​ത്തോ​ടെ​യോ ന​ട​ത്താ​ൻ ക​ഴി​യും.

വ​ക്കീ​ല​ന്മാ​രു​ടെ​യോ നി​യ​മ ഉ​പ​ദേ​ഷ്ടാ​ക്ക​ളു​ടെ​യോ വി​ഷ​യ​ത്തി​ൽ നി​ല​വി​ൽ ന​ട​പ്പാ​ക്കു​ന്ന നി​യ​മം ലം​ഘി​ക്കു​ന്ന​വ​ർ​ക്ക് ആ​റ് മാ​സം മു​ത​ൽ മൂ​ന്ന് വ​ർ​ഷം വ​രെ ത​ട​വും 300 റി​യാ​ൽ മു​ത​ൽ 1000 റി​യാ​ൽവ​രെ പി​ഴ​യും ശി​ക്ഷ​യാ​യി ല​ഭി​ക്കും.

മ​തി​യാ​യ ലൈ​സ​ൻ​സി​ല്ലാ​തെ ഇ​ത്ത​രം ജോ​ലി ചെ​യ്യു​ന്ന​വ​ർ​ക്കും ഒ​രു മാ​സം മു​ത​ൽ ഒ​രു വ​ർ​ഷം വ​രെ ത​ട​വും ആ​യി​രം റി​യാ​ൽ മു​ത​ൽ 5000 റി​യാ​ൽവ​രെ പി​ഴ​യും ല​ഭി​ക്കും. ചി​ല​പ്പോ​ൾ ഇ​വ​യി​ൽ ഏ​തെ​ങ്കി​ലുമൊന്ന് ശി​ക്ഷ​യാ​യി ല​ഭി​ക്കും. പ്രാ​ക്റ്റീ​സ് ചെ​യ്യു​ന്ന വ​ക്കീ​ല​ന്മാ​രു​ടെ പ​ട്ടി​ക​യി​ൽ പേ​ര് ര​ജി​സ്റ്റ്​ർ ചെ​യ്യാ​ത്ത​വ​ർ​ക്ക് നി​യ​മ രം​ഗ​ത്തു​ള്ള ഒ​രു ജോ​ലി​യും ചെ​യ്യാ​ൻ പാ​ടി​ല്ല.

ബ​ന്ധ​പ്പെ​ട്ട പാ​ർ​ട്ടി​ക​ൾ​ക്കു വേ​ണ്ടി ഹാ​ജ​രാ​വു​ക, കോ​ട​തി​യിൽ ഇ​ത്ത​ര​ക്കാ​രെ പ്ര​തി​നി​ധീ​ക​രി​ക്കു​ക, പ​ബ്ലി​ക് പ്രോ​സി​ക്യൂ​ഷ​ൻ, ഒ​മാ​നി​ലെ നി​യ​മ ബോ​ഡി​ക​ൾ, തെ​ളി​വു​ക​ൾ ശേ​ഖ​രി​ക്കു​ക തു​ട​ങ്ങി​യ നി​യ​മ ജോ​ലി​ക​ളി​ൽ ഉ​ൾ​പ്പെ​ട്ട​താ​ണ്.

അ​തോ​ടൊ​പ്പം ആ​വ​ശ്യ​മു​ള്ള​വ​ർ​ക്ക് നി​യ​മ ഉ​പ​ദേ​ശം ന​ൽ​കു​ക, ആ​വ​ശ്യ​മു​ള്ള​വ​ർ​ക്ക് പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ ആ​വ​ശ്യ​മാ​യ രേ​ഖ​ക​ൾ ശ​രി​യാ​ക്കി​ക്കൊ​ടു​ക്കു​ക എ​ന്നി​വ​യും ക​മ്പ​നി​ക​ൾ സ്ഥാ​പി​ക്കാ​ൻ ആ​വ​ശ്യ​മാ​യ ന​ട​പ​ടി ക്ര​മ​ങ്ങ​ൾ ന​ട​ത്തു​ക എ​ന്നി​വ​യും നി​യ​മ ജോ​ലി​ക​ളാ​യി പ​രി​ഗ​ണി​ക്കും.