കോസ്മോ വോളി ക്ലബ് സലാലയിൽ സംഘടിപ്പിച്ച വോളിബാൾ ടൂർണമെന്റിൽ വിജയികളായ
താഖ ടീമിന് ദാസ് റീമ ട്രോഫി സമ്മാനിക്കുന്നു
സലാല: കോസ്മോ വോളി ക്ലബിന്റെ ആറാം വാർഷികത്തോടനുബന്ധിച്ച് നടത്തിയ വോളിബാൾ ടൂർണമെന്റിൽ താഖ ക്ലബ് വിജയികളായി. വോളിബാളിന്റെ ശക്തതിയും സൗന്ദര്യവും നിറഞ്ഞുനിന്ന ടൂർണമെന്റ് സുഡാനി ക്ലബ് സ്റ്റേഡിയത്തിലാണ് നടന്നത്. സ്വദേശികളും പ്രവാസികളും ഓരോ ടീമിലും ഉണ്ടായിരുന്നു. അതിനാൽ തന്നെ വാശിയേറിയ മത്സരങ്ങളാണ് നടന്നത്. ഫൈനലിൽ നേരിട്ടുള്ള സെറ്റുകൾക്കാണ് പരാജയപ്പെടുത്തിയതെങ്കിലും 25-23, 29-27, 25-21 എന്ന പോയന്റുകളിൽ മികച്ച മത്സരമാണ് കോസ്മോ കാഴ്ചവെച്ചത്.
ടൂർണമെന്റിലെ മികച്ച കളിക്കാരനായി മുഹമ്മദ് അൽ മാഷനിയെയും, മികച്ച ഒഫന്ററായി മുഹമ്മദ് അൽ അംരിയെയും, മികച്ച ഡിഫന്ററായി മുബല്ല ബിൻ സയീദിനെയും തെരഞ്ഞെടുത്തു. രണ്ട് ദിവസങ്ങളിലായി നടന്ന ടൂർണമെന്റിൽ എട്ട് ടീമുകൾ പങ്കെടുത്തു. അബൂതഹ് നൂൻ എം.ഡി ഒ. അബ്ദുൽ ഗഫൂർ, ബെൻഷാദ് അൽഅംരി, സിറാജ് സെഡ്സ്റ്റോർ, രാജൻ അൽ റീഫ് എന്നിവർ സംബന്ധിച്ചു.
ദാസ് റീമ ഇന്റർനാഷണൽ, ഇസ്മായിൽ റീമാസ്, കാസിം അൽ ബയാദർ എന്നിവർ സമ്മാനങ്ങൾ വിതരണം ചെയ്തു. ക്ലബ് ഭാരവാഹികളായ അയൂബ് ഇരിക്കൂർ, അഹദ് കാഞ്ഞിരപ്പള്ളി, നോബിൾ മാളിയേക്കൽ, മുനാഫ് വടകര, മുജീബ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.