ലോ​ക​ക​പ്പ്​ ഫൈനലിലെ തോൽവി; ഇ​ന്ത്യ​ൻ പ്ര​വാ​സി​ക​ളി​ൽ നി​രാ​ശ

മ​ത്ര (ഒമാൻ): ക്രിക്കറ്റ് ലോ​ക​ക​പ്പ്​ ഫൈ​ന​ലി​ലെ ടീ​മി​ന്‍റെ പ​രാ​ജ​യം ഇ​ന്ത്യ​ൻ പ്ര​വാ​സി​ക​ളി​ൽ നി​രാ​ശ പ​ട​ർ​ത്തി​. സെമിഫൈനലിൽ പോലുമെത്താതെ നാണംകെട്ട് പുറത്തായ പാ​കി​സ്താ​നി​ക​ളും ബം​ഗ്ലാ​ദേ​ശു​കാ​രും അവസരം മുതലെടുത്ത് ട്രോ​ളു​ക​ളും പരിഹാസവുമായി രം​ഗ​ത്തുവന്നെങ്കിലും കലാശക്കളി വരെയുള്ള വീറുറ്റ പ്രകടനം ചൂണ്ടിക്കാട്ടി പ്രവാസ ഇന്ത്യക്കാർ തിരിച്ചടിച്ചു.

തകർപ്പൻ കുതിപ്പിനുശേഷം കലാശക്കളിയിൽ കു​റ​ഞ്ഞ സ്​​കോ​റി​ന്​ ഇ​ന്ത്യ പു​റ​ത്താ​യ​പ്പോ​ൾ ത​ന്നെ പ​ല​ർ​ക്കും പ​രാ​ജ​യം മ​ണ​ത്തി​രു​ന്നു. എ​ന്നാ​ൽ, ജസ്പ്രീത് ബും​റ​യും മുഹമ്മദ് ഷ​മി​യും നയിക്കുന്ന പേ​സ്​ പ​ട ഓ​സീ​സി​നെ വ​രി​ഞ്ഞു​മു​റു​ക്കും എ​ന്ന ആ​ത്​​മ വി​ശ്വാ​സ​ത്തി​ലാ​യി​രു​ന്നു മ​ല​യാ​ളി​ക​ള​ട​ക്ക​മു​ള്ള ഇ​ന്ത്യ​ക്കാ​ർ ടി.​വി​യി​ലും മൊ​ബൈ​ലി​ലും ക​ളി ക​ണ്ടി​രു​ന്ന​ത്. 

തു​ട​ക്ക​ത്തി​ൽ 47 റൺസെടുക്കുന്നതിനിടെ ആ​സ്​​ട്രേ​ലി​യ​യു​ടെ മൂ​ന്ന്​ വി​ക്ക​റ്റു​ക​ൾ വീ​ണ​തോ​ടെ കൂ​ടെ ക​ളി​ക​ണ്ടി​രു​ന്ന ബം​ഗ്ലാ​ദേ​ശു​കാ​രെ​യും പാ​കി​സ്താ​നി​ക​ളെ​യും മ​ല​യാ​ളി​ക​ൾ ട്രോ​ളാ​നും ക​ളി​യാ​ക്കാ​നും തു​ട​ങ്ങി. പി​ന്നീ​ട്​ ക​ളി​യി​ൽ ആ​സ്​​ട്രേ​ലി​യ പി​ടി​മു​റു​ക്കി​യ​തോ​ടെ ഓരോ റണ്ണിനും പാ​കി​സ്താ​നി​ക​ളും ബം​ഗ്ലാ​​ദേ​ശു​കാ​രും പതിയെ ‘തിരിച്ചുവന്നു’. ഇ​ന്ത്യ​യു​ടെ അ​പ​രാ​ജി​ത കു​തി​പ്പി​ല്‍ അ​സൂ​യ പൂ​ണ്ട പാ​കി​സ്താ​നി​ക​ള്‍ക്കാ​യി​രു​ന്നു ഇ​ന്ത്യ​ന്‍ പ​രാ​ജ​യ​ത്തി​ല്‍ ആ​വേ​ശം കൂ​ടു​ത​ല്‍. ബംഗ്ലാദേശുകാരിൽ വലിയൊരു വിഭാഗം​ ഇ​ന്ത്യ​യാ​യി​രു​ന്നു ജ​യി​ക്കേ​ണ്ട​ത് എ​ന്ന ആഗ്രഹക്കാരായിരുന്നു.

അ​ന്തി​യോ​ളം വെ​ള്ളം കോ​രി ക​ലം ഉ​ട​ച്ച പ​രു​വ​ത്തി​ല്‍ മ​ത്സ​ര​ഗ​തി നീ​ങ്ങി​യ​പ്പോ​ള്‍ ഇന്ത്യക്കാർ ആശ കൈവിട്ട പോലെയായിരുന്നു. ട്രാവിഡ് ഹെഡും ലബൂഷെയ്നും ചേർന്നുള്ള കൂട്ടുകെട്ട് മുന്നേറിയതോടെ തോറ്റെന്ന് ഉറപ്പിച്ച മട്ടിലായി അവർ. പലരും മത്സരം കഴിയുന്നതിനു മുമ്പേ തന്നെ കളി കാണുന്നത് നിർത്തി ജോലിയിൽ വ്യാപൃതരായി.