തെ​ര​ഞ്ഞെ​ടു​പ്പ്​ വി​ജ​യാ​ര​വ​ത്തി​ൽ പ്ര​വാ​സ ലോ​ക​വും

കെ.​എം.​സി.​സി​യു​ടെ നേ​തൃ​ത്വ​ത്തി​ൽ ന​ട​ന്ന വി​ജ​യാ​ഘോ​ഷം

മ​സ്ക​ത്ത്​: രാ​ജ്യം ഉ​റ്റു​നോ​ക്കി​യ ലോ​ക്സ​ഭ തെ​ര​ഞ്ഞെ​ടു​പ്പ് ഫ​ല​പ്ര​ഖ്യാ​പ​ന ദി​ന​ത്തി​ൽ ആ​വേ​ശ​പൂ​ർ​വം പ​ങ്കെ​ടു​ത്ത് പ്ര​വാ​സ​ലോ​ക​വും. ചി​ല​രൊ​ക്കെ ലീ​വെ​ടു​ത്തു ടെ​ലി​വി​ഷ​ൻ സെ​റ്റു​ക​ൾ​ക്കും മൊ​ബൈ​ലി​നു മു​ന്നി​ലും ഇ​ടം പി​ടി​ച്ച​പ്പോ​ൾ, മ​റ്റു​ള്ള​വ​ർ ജോ​ലി സ്ഥ​ല​ങ്ങ​ളി​ലേ​ക്കു പോ​കു​ന്ന​തി​നു​മു​മ്പ്​ ത​ന്നെ ഏ​ക​ദേ​ശ ചി​ത്രം വ്യ​ക്ത​മാ​യി​രു​ന്നു. എ​ന്നാ​ൽ എ​ക്സി​റ്റ്​ പോ​ൾ ഫ​ല​ങ്ങ​ളെ നി​രാ​ക​രി​ക്കു​ന്ന ഫ​ല​മാ​യി​രി​ക്കും വോ​ട്ടെ​ണ്ണ​ൽ ന​ട​ക്കു​മ്പോ​ൾ ഉ​ണ്ടാ​വു​ക​യെ​ന്ന മു​ൻ വി​ല​യി​രു​ത്ത​ൽ യാ​ഥാ​ർ​ഥ്യ​മാ​യ​തി​ന്റെ ആ​വേ​ശ​ത്തി​ലാ​യി​രു​ന്നു പ്ര​വാ​സി​ക​ളും.

ദേ​ശീ​യത​ല​ത്തി​ൽ ബി.​ജെ.​പി​ക്ക് തി​രി​ച്ച​ടി​യാ​ണെ​ന്നു​ള്ള റി​പ്പോ​ർ​ട്ടു​ക​ൾ വ​രു​മ്പോ​ഴും കേ​ര​ള​ത്തി​ന്റെ സാം​സ്കാ​രി​ക ത​ല​സ്ഥാ​ന​ത്ത് താ​മ​ര വി​രി​ഞ്ഞു എ​ന്ന വാ​ർ​ത്ത ഇ​ട​തു-​വ​ല​തു അ​നു​കൂ​ലി​ക​ളെ നി​രാ​ശ​യി​ലാ​ഴ്ത്തി. ഒ​രു ഘ​ട്ട​ത്തി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി വാ​ര​ാണസി​യി​ൽ പിറ​കി​ലാ​ണെ​ന്ന വാ​ർ​ത്ത ആ​വേ​ശ​വും ഞെ​ട്ട​ലു​മു​ണ്ടാ​ക്കി. ഇ​ൻ​ഡ‍്യ മു​ന്ന​ണി ന​ട​ത്തി​യ അ​വി​ശ്വ​സനീ​യ മു​ന്നേ​റ്റം എ​ല്ലാ​വ​രെ​യും ആ​വേ​ശ​ത്തി​ലാ​ഴ്ത്തി എ​ന്നാ​ൽ കു​റേ​ക്കൂ​ടി നേ​രത്തേ ഇ​ൻ​ഡ‍്യ മു​ന്ന​ണി ക​ള​ത്തി​ലിറ​ങ്ങി​യി​രുന്നെ​ങ്കി​ൽ വ്യ​ക്ത​മാ​യ ഭൂ​രി​പ​ക്ഷം ല​ഭി​ക്കു​മാ​യി​രുന്നെ​ന്നാ​ണ് വി​ല​യി​രു​ത്ത​ൽ.

അ​തോ​ടൊ​പ്പം ജ​ന​ങ്ങ​ളെ മ​റ​ന്നു​കൊ​ണ്ടു​ള്ള ഭ​ര​ണാ​ധി​കാ​രി​ക​ൾ​ക്ക് ജ​നം തി​രി​ച്ച​ടി ന​ൽ​കുമെ​ന്ന​തി​ന്റെ ഏ​റ്റ​വും വ​ലി​യ ഉ​ദാ​ഹ​ര​ണ​മാ​ണ് ജ​ന​വി​ധി​യെ​ന്നും ആ​ളു​ക​ൾ അ​ഭി​പ്രാ​യ​പ്പെ​ട്ടു. അതേസ​മ​യം ഏ​റ്റ​വും വ​ലി​യ ഒ​റ്റ​ക​ക്ഷി​യാ​യി ഭ​ര​ണ​ത്തു​ട​ർ​ച്ച ഏ​റ​ക്കു​റെ ഉ​റ​പ്പാ​ക്കി​യെ​ങ്കി​ലും ബി.​ജെ.​പി അ​നു​കൂ​ലി​ക​ളി​ൽ നേ​ര​ത്തേ ക​ണ്ട ആ​വേ​ശം പ്ര​ക​ട​മാ​യി​ല്ലെ​ന്ന​താ​ണ് യാ​ഥാ​ർ​ഥ്യം.

രാ​ഹു​ൽ ഗാ​ന്ധി​യു​ടെ വി​ജ​യം

ഇ​ൻ​ഡ്യ മു​ന്ന​ണി​യു​ടെ ശ​ക്ത​മാ​യ മു​ന്നേ​റ്റം സൂ​ചി​പ്പി​ക്കു​ന്ന​ത് ജ​നാ​ധി​പ​ത്യം പു​ല​ർ​ന്ന് കാ​ണാ​ൻ രാ​ജ്യ​ത്തെ മ​ഹാ ഭൂ​രി​പ​ക്ഷം ജ​ന​ങ്ങ​ളും കാ​ത്തി​രി​ക്കു​ന്നു എ​ന്ന​തി​ന്റെ തെ​ളി​വാ​ണെ​ന്ന് സാ​മൂ​ഹി​ക പ്ര​വ​ർ​ത്ത​ക​ൻ ഡോ. ​സ​ജി ഉ​തു​പ്പാ​ൻ പ​റ​ഞ്ഞു.

ഏ​റ്റ​വും ധീ​ര​നാ​യ പോ​രാ​ളി​യാ​യി, നീ​തി​യു​ടെ കാ​വ​ലാ​ളാ​യി വെ​റു​പ്പി​ന്റെ ത​ട്ട​ക​ത്തി​ൽ സ്നേ​ഹ​ത്തി​ന്റെ ക​ട തു​റ​ക്കാ​ൻ രാ​വും പ​ക​ലും പോ​രാ​ടി​യ രാ​ഹു​ൽ ഗാ​ന്ധി​യു​ടെ വി​ജ​യ​മാ​യി ഈ ​വി​ജ​യ​ത്തെ കാ​ണാ​നാ​കും. മു​ന്ന​ണി​ക​ളു​ടെ ഏ​കോ​പ​നം കു​റ​ച്ചുകൂ​ടി ഗൗ​ര​വ​ത്തി​ൽ ക​ണ്ടു​കൊ​ണ്ടും മ​മ​ത ബാ​ന​ർ​ജി പോ​ലു​ള്ള നേ​താ​ക്ക​ളെ വി​ശ്വാ​സ​ത്തി​ലെ​ടു​ത്തു മു​ന്നോ​ട്ടു പോ​കാ​ൻ സാ​ധി​ച്ചി​രു​ന്നെ​ങ്കി​ൽ കു​റ​ച്ചു കൂ​ടി മെ​ച്ച​പ്പെ​ട്ട പൊ​സി​ഷ​നി​ലേ​ക്കു ഇ​ൻ​ഡ്യ മു​ന്ന​ണി​ക്ക് വ​രാ​മാ​യി​രു​ന്നെ​ന്നും എ​ന്താ​യാ​ലും ഒ​രു ശ​ക്ത​മാ​യ പ്ര​തി​പ​ക്ഷം ഉ​ണ്ടാ​കുമെ​ന്ന​ത് വെ​ള്ളി വെ​ളി​ച്ച​മാ​ണ്.

കേ​ര​ള​ത്തി​ൽ കൃ​ത്യ​മാ​യ ഭ​ര​ണ വി​രു​ദ്ധ വി​കാ​ര​വും ക​മ്യൂ​ണി​സ്റ്റ് പാ​ർ​ട്ടി​ക​ൾ​ക്ക് ദേ​ശീ​യ ത​ല​ത്തി​ൽ യാ​തൊ​രു പ്ര​സ​ക്തി​യി​ല്ലാ​യെ​ന്നു വീ​ണ്ടും തെ​ളി​യി​ച്ചി​രി​ക്കു​ക​യാ​ണ് ഈ ​തെ​ര​ഞ്ഞെ​ടു​പ്പ് ഫ​ല​മെ​ന്ന് സ​ജി ഉ​തു​പ്പാ​ൻ പ​റ​ഞ്ഞു

- ഡോ. ​സ​ജി ഉ​തു​പ്പാ​ൻ

ന​ല്ല നാ​ളെ​യു​ടെ സൂ​ച​ന

ദേ​ശീ​യ രാ​ഷ്ട്രീ​യ​ത്തി​ൽ എ​ക്സി​റ്റ് പോ​ൾ ഫ​ല​ങ്ങ​ളെ മ​റി​ക​ട​ന്ന് ഇ​ൻ​ഡ്യ മു​ന്ന​ണി നേ​ടി​യ മു​ന്നേ​റ്റം നാ​നാ​ത്വ​ത്തി​ൽ ഏ​ക​ത്വമെന്ന ജ​വ​ഹ​ർ ലാ​ൽ നെ​ഹ്രു​വി​ന്റെ പ്ര​സി​ദ്ധ​മാ​യ പ​രാ​മ​ർ​ശ​ത്തോ​ടു ചേ​ർ​ന്ന് നി​ൽ​ക്കു​ന്ന​താ​ണെ​ന്ന് ഇ​ൻ​കാ​സ് ഒ​മാ​ൻ പ്ര​സി​ഡ​ന്‍റ്​ അ​നീ​ഷ് ക​ട​വി​ൽ പ​റ​ഞ്ഞു. ഏ​കാ​ധി​പ​ത്യ​ത്തി​ലേ​ക്കും മ​നു​ഷ്യ​നെ ത​മ്മി​ല​ക​റ്റു​ന്ന വെ​റു​പ്പി​ന്റെ ലോ​ക​ത്തേ​ക്കും ന​ട​ന്നുനീ​ങ്ങി​യ ഇ​ന്ത്യ​ൻ രാ​ഷ്ട്രീ​യ​ത്തെ ജ​നാ​തി​പ​ത്യ ബോ​ധ​മു​ള്ള ഇ​ന്ത്യ​ൻ വോ​ട്ട​ർ​മാ​ർ ചെ​റു​ത്തു തോ​ൽ​പ്പി​ക്കു​ന്ന കാ​ഴ്ച​യാ​ണ് നാം ​കാ​ണു​ന്ന​ത്. വ​രാ​ൻ പോ​കു​ന്ന ന​ല്ല നാ​ളെ​യു​ടെ സൂ​ച​ന​യാ​ണി​ത്.

അ​തു​പോ​ലെ ത​ന്നെ, ഇ​ൻഡ്യ മു​ന്ന​ണി​യു​ടെ ഭാ​ഗ​മാ​യി​ട്ടും കേ​ര​ള​ത്തി​ൽ ഇ​ട​തു​പ​ക്ഷ​ത്തി​നു​ണ്ടാ​യ ക​ന​ത്ത പ​രാ​ജ​യം നി​ല​നി​ൽ​ക്കു​ന്ന ശ​ക്ത​മാ​യ ഭ​ര​ണ വി​രു​ദ്ധ വി​കാ​ര​ത്തി​ന്റെ തെ​ളി​വാ​ണെ​ന്നും വി​ല​ക്ക​യ​റ്റ​വും തൊ​ഴി​ലി​ല്ലാ​യ്മ​യും ആ​ഭ്യ​ന്ത​ര വ​കു​പ്പി​ന്റെ പി​ടി​പ്പു​കേ​ടും മൂ​ലം പൊ​റു​തി​മു​ട്ടി​യ ജ​ന​ങ്ങ​ൾ പി​ണ​റാ​യി ഗ​വ​ൺ​മെ​ന്റി​നു കൊ​ടു​ത്ത ഷോ​ക്ക് ട്രീ​റ്റ്മെ​ന്റാ​ണി​തെ​ന്നും വ​രാ​ൻ പോ​കു​ന്ന ത​ദ്ദേ​ശ സ്ഥാ​പ​ന​ങ്ങ​ളി​ലേ​ക്കും നി​യ​മസ​ഭ​യി​ലേ​ക്കു​മു​ള്ള വി​ധി​യു​ടെ മു​ന്നോ​ടി​യാ​യി ഇ​തി​നെ നോ​ക്കി​ക്കാ​ണാ​മെ​ന്നും അ​നീ​ഷ് ക​ട​വി​ൽ കൂ​ട്ടി​ച്ചേ​ർ​ത്തു

-അ​നീ​ഷ് ക​ട​വി​ൽ

ബ​ഹു​സ്വ​ര​ത തി​രി​ച്ചു​വ​രു​ന്നു എ​ന്ന​തി​ന്റെ തെ​ളി​വ്​

ബ​ഹു​സ്വ​ര​ത തി​രി​ച്ചു​വ​രു​ന്നു എ​ന്ന​തി​ന്റെ തെ​ളി​വാ​ണ് തെ​ര​ഞ്ഞെ​ടു​പ്പ് ഫ​ല​മെ​ന്ന് സാ​മൂ​ഹി​ക പ്ര​വ​ർ​ത്ത​ക​ൻ സി​ദ്ദി​ക്ക് ഹ​സ്സ​ൻ പ​റ​ഞ്ഞു.

ന​മ്മു​ടെ രാ​ജ്യം ഇ​ന്ത്യ​യാ​യി നി​ല​നി​ൽ​ക്ക​ണ​മെ​ന്നാ​ണ് ഭൂ​രി​ഭാ​ഗം പേ​രും ആ​ഗ്ര​ഹി​ക്കു​ന്ന​ത്. ഇ​തു​വ​രെ ഒ​രു പ്ര​ധാ​ന​മ​ന്ത്രി​യും ന​ട​ത്താ​ത്ത രീ​തി​യി​ലു​ള്ള വി​ദ്വേ​ഷ പ്ര​ചാ​ര​ണ​മാ​ണ് ന​രേ​ന്ദ്ര മോ​ദി ന​ട​ത്തി​യ​ത്. അ​ത്ത​രം പ്ര​സ്താ​വ​​ന​ക​ളെ​യൊ​ക്കെ ഇ​ന്ത്യ​ൻ ജ​ന​ത ത​ള്ളിക്ക​ള​യു​ന്ന കാ​ഴ്ച​യാ​യി​രു​ന്നു ക​ണ്ടി​രു​ന്ന​ത്. രാ​ജ​സ്ഥാ​ൻ പോ​ലു​ള്ള സ്ഥ​ല​ങ്ങ​ളി​ൽ കോ​ൺ​ഗ്ര​സ് ന​ട​ത്തി​യ മു​​ന്നേ​റ്റം ഇ​തി​ന്റെ തെ​ളി​വാ​ണ്. എ​ന്നാ​ൽ, ഇ​ൻ​ഡ്യ സ​ഖ്യം കു​റ​ച്ചു​കൂ​ടി മു​ന്നൊ​രു​ക്കം ന​ട​ത്ത​ണ​മാ​യി​രുന്നെ​ന്നാ​ണ് അ​ഭി​പ്രാ​യം.

രാ​ഹു​ൽ ഗാ​ന്ധി​യു​ടെ ഭാ​ര​ത് ജോ​ഡോ യാ​ത്ര മു​ത​ൽ ത​ന്നെ അ​ദ്ദേ​ഹ​ത്തെ പ്ര​ധാ​ന​മ​ന്ത്രി സ്ഥാ​നാ​ർഥി​യാ​യി പ്ര​ഖ്യാ​പി​ച്ച്​ ഇ​തി​നു​ള്ള ത​യാ​റെ​ടു​പ്പു​ക​ൾ ആ​രം​ഭി​ച്ചി​രു​ന്നെ​ങ്കി​ൽ വ്യ​ക്ത​മാ​യ ലീ​ഡ് ല​ഭി​ക്കു​മാ​യി​രു​ന്നു. കേ​ര​ള​ത്തി​ലെ ക​ഴി​ഞ്ഞ എ​ട്ടു വ​ർ​ഷ​ക്കാ​ല​ത്തെ പി​ണ​റാ​യി വി​ജ​യ​ൻ സ​ർ​ക്കാറി​നു കീ​ഴി​ൽ ജ​ന​ങ്ങ​ൾ​ക്ക് അ​നു​ഭ​വി​ക്കേ​ണ്ടി​വ​ന്ന ബു​ദ്ധി​മു​ട്ടി​നും ​കൈയും ക​ണ​ക്കു​മി​ല്ല. അ​തി​നു​ള്ള ശ​ക്ത​മാ​യ മ​റു​പ​ടി​കൂ​ടി​യാ​ണ് ഈ ​തെ​ര​ഞ്ഞെ​ടു​പ്പു ഫ​ലം.

സി​ദ്ദി​ക്ക് ഹ​സ്സ​ൻ

ഇ​ൻ​ഡ്യ മു​ന്ന​ണി​യു​ടെ വി​ജ​യം ആ​ശാ​വ​ഹം

ദേ​ശീ​യ​ത​ല​ത്തി​ൽ ഇ​ൻ​ഡ്യ മു​ന്ന​ണി​ക്കു​ണ്ടാ​യ വി​ജ​യം ഏ​റെ ആ​ശാ​വ​ഹ​മാ​ണെ​ന്ന് ഇ​ട​തു അ​നു​കൂ​ല സാ​മൂ​ഹി​ക പ്ര​വ​ർ​ത്ത​ക​ൻ സ​ന്തോ​ഷ്‌​കു​മാ​ർ പ​റ​ഞ്ഞു.

കേ​ന്ദ്രം ഭ​രി​ക്കു​ന്ന പാ​ർ​ട്ടി​യു​ടെ പ​ണ​ക്കൊ​ഴു​പ്പും വി​ദ്വേ​ഷ​പ​രാ​മ​ർ​ശ​ങ്ങ​ളും കൊ​ണ്ട് ക​ലു​ഷി​ത​മാ​യി​രു​ന്നു ഇ​ത്ത​വ​ണ​ത്തെ തെ​ര​ഞ്ഞെ​ടു​പ്പ്. പ്ര​ധാ​ന​മ​ന്ത്രി​ത​ന്നെ വ​ർ​ഗീ​യ ധ്രു​വീ​ക​ര​ണ​വും പ​ച്ച​യാ​യ മു​സ്​​ലിം വി​രു​ദ്ധ​ത​യും തെ​ര​ഞ്ഞെ​ടു​പ്പു യോ​ഗ​ങ്ങ​ളി​ൽ പ്ര​സം​ഗി​ക്കു​ന്ന​തും കാ​ണാ​ൻ സാ​ധി​ച്ചു. തെ​ര​ഞ്ഞെ​ടു​പ്പി​നു ശേ​ഷം പു​റ​ത്തു വ​ന്ന എ​ക്സി​റ്റ് പോ​ളു​ക​ൾ വ​ലി​യ ഗൂ​ഢാ​ലോ​ച​ന​ക​ളി​ലേ​ക്കാ​ണ് വി​ര​ൽ ചൂ​ണ്ടു​ന്ന​ത്.

ഇ​ത്ര​യൊ​ക്കെ ആ​യി​ട്ടും ക​ഴി​ഞ്ഞ ത​വ​ണ​ത്തേ​ത് പോ​ലു​ള്ള മൃ​ഗീ​യ ഭൂ​രി​പ​ക്ഷ​ത്തി​ലേ​ക്കു പോ​കു​ന്ന​തി​ൽ നി​ന്നും ബി.​ജെ.​പി ന​യി​ക്കു​ന്ന എ​ൻ.​ഡി.​എ മു​ന്ന​ണി​യെ ത​ട​യാ​ൻ ഇ​ൻ​ഡ്യ മു​ന്ന​ണി​ക്ക് സാ​ധിച്ചെ​ന്ന​ത് ഏ​റെ പ്ര​തീ​ക്ഷ ന​ൽ​കു​ന്ന​താ​ണ്. ഇ​ന്ത്യ രാ​ജ്യ​ത്തി​ന്‍റെ ഭാ​വി​യാ​ണ് ഇ​തു​വ​ഴി സം​ര​ക്ഷി​ക്ക​പ്പെ​ട്ട​ത്‌. അ​തേസ​മ​യം കേ​ര​ള​ത്തി​ൽ ഇ​ട​തു​മു​ന്ന​ണി​ക്കു​ണ്ടാ​യ തി​രി​ച്ച​ടി​യെ​ക്കു​റി​ച്ച് പ്ര​തി​ക​രി​ക്കാ​ൻ അ​ദ്ദേ​ഹം ത​യാ​റാ​യി​ല്ല.

-സ​ന്തോ​ഷ്‌​കു​മാ​ർ

ഇ​ൻ​ഡ്യ മു​ന്ന​ണി​യു​ടെ വി​ജ​യം മ​തേ​ത​ര​ത്വ​ത്തി​ന്‌ ശ​ക്തി​പ​ക​രും

ഇ​ൻ​ഡ്യ മു​ന്ന​ണി ഭ​ര​ണ​ഘ​ട​ന​യു​ടെ സം​ര​ക്ഷ​ർ​ക്ക്‌ അ​ണി​നി​ര​ക്കാ​നു​ള്ള ഏ​റ്റ​വും വ​ലി​യ സം​വി​ധാ​ന​മാ​ണെ​ന്ന് മ​സ്ക​ത്ത്‌ കെ.​എം.​സി.​സി​ പ്ര​സി​ഡ​ന്‍റ്​ റ​ഹീ​സ്‌ അ​ഹ​മ്മ​ദ്‌ പ​റ​ഞ്ഞു. അ​തി​ന്റെ മു​ന്ന​ണി​പ്പോ​രാ​ളി​യാ​യ രാ​ഹു​ൽ​ഗാ​ന്ധി​യു​ടെ​യും, മ​ല്ലി​കാ​ർജു​ൻ ഖാ​ർഗെ​യു​ടെ​യും ന​യ​നി​ല​പാ​ടു​ക​ൾ ശ​രി​വെ​ക്കു​ന്ന​താ​ണ്‌ കോ​ൺ​ഗ്ര​സി​ന്റെ നേ​തൃ​ത്വ​ത്തി​ലു​ള്ള മു​ന്ന​ണി കൈ​വ​രി​ച്ച മു​ന്നേ​റ്റം.

രാ​ജ്യ​ത്തെ ജ​ന​ങ്ങ​ളു​ടെ ജ​നാ​ധി​പ​ത്യ മ​തേ​ത​ര കാ​ഴ്ച​പ്പാ​ടു​ക​ൾ​ക്ക്‌ യാ​തൊ​രു കോ​ട്ട​വും സം​ഭ​വി​ച്ചി​ട്ടി​ല്ല എ​ന്ന​തി​ന്റെ ഉ​ദാ​ഹ​ര​ണ​മാ​ണ്‌ ഇ​ന്ന​ത്തെ തെ​ര​ഞ്ഞെ​ടു​പ്പ്‌ ഫ​ലം. സാ​ധാ​ര​ണ ജ​ന​ങ്ങ​ളു​ടെ സ്വൈ​ര്യ ജീ​വി​തം ത​ക​ർ​ക്കു​ന്ന‌ ഫാ​ഷി​സ്റ്റ് ഭ​ര​ണ​കൂ​ട​ങ്ങ​ൾ​ക്കൊ​പ്പ​മ​ല്ല ഭാ​ര​ത​ത്തി​ലെ ജ​ന​ങ്ങ​ളെ​ന്ന തി​രി​ച്ച​റി​വ്‌ അ​ധി​കാ​രി​ക​ളി​ലേ​ക്കെ​ത്തി​ക്കു​ക​യാ​ണ്‌ ഹി​ന്ദി​ഭൂ​മി​ക​യി​ലെ തെ​രെ​ഞ്ഞെ​ടു​പ്പ്‌ ഫ​ലം ന​ൽ​കു​ന്ന സ​ന്ദേ​ശം.

-റ​ഹീ​സ്‌ അ​ഹ​മ്മ​ദ്‌

ഇ​ത്​ അ​ഹ​ങ്കാ​ര​ത്തി​നു​ള്ള ഇ​ന്ത്യ​ൻ ജ​ന​ത​യു​ടെ തി​രി​ച്ച​ടി

ഇ​ന്ത്യ എ​ന്ന മ​തേ​ത​ര ജ​നാ​ധി​പ​ത്യ രാ​ജ്യം ജീ​വി​ക്കു​ന്ന​ത് ജ​ന​ങ്ങ​ളു​ടെ ഹൃ​ദ​യ​ങ്ങ​ളി​ലാ​ണെ​ന്ന് എ​ല്ലാ​വ​രെ​യും ഓ​ർ​മി​പ്പി​ക്കു​ന്ന ഒ​രു ദി​വ​സ​മാ​യി​ ക​ഴി​ഞ്ഞ ദി​ന​ത്തെ ച​രി​ത്ര​ത്തി​ൽ രേ​ഖ​പ്പെ​ടു​ത്ത​മെ​ന്ന്​ മ​സ്ക​ത്ത്​ കെ.​എം.​സി.​സി കേ​ന്ദ്ര ക​മ്മി​റ്റി അം​ഗം പി.​ടി.​കെ. ഷ​മീ​ർ പ​റ​ഞ്ഞു.

അ​ധി​കാ​ര ദു​ർ​വി​നി​യോ​ഗ​വും ഭ​ര​ണ​ഘ​ട​നാ സ്ഥാ​പ​ന​ങ്ങ​ളെ രാ​ഷ്ട്രീ​യ​വ​ത്ക​രി​ച്ചും ജ​ന​ങ്ങ​ളു​ടെ മ​ത​വി​കാ​ര​ത്തെ ചൂ​ഷ​ണം ചെ​യ്തു ഭി​ന്നി​പ്പി​ച്ചും രാ​ജ്യ​ത്തി​ന്‍റെ ഭ​ര​ണ​ഘ​ട​ന​യു​ടെ നി​ല​നി​ൽപി​നെ പോ​ലും ചോ​ദ്യം ചെ​യ്യു​ന്ന രീ​തി​യി​ൽ കെ​ട്ടി​പ്പ​ടു​ത്ത അ​ഹ​ങ്കാ​ര​ത്തി​ന് ഇ​ന്ത്യ​ൻ ജ​ന​ത തി​രി​ച്ച​ടി ന​ൽ​കി​യി​രി​ക്കു​ക​യാ​ണ്. ഇ​ന്ത്യ ഒ​രു മ​തേ​ത​ര ജ​നാ​ധി​പ​ത്യ രാ​ഷ്ട്ര​മാ​ണെ​ന്നും ര​ണ്ടു ദി​നോ​സ​റു​ക​ളു​ടെ ജു​റാ​സി​ക് റി​പ്പ​ബ്ലി​ക്ക​ല്ലെ​ന്നും ഇ​ന്ത്യ​ൻ ജ​ന​ത ഉ​റ​പ്പി​ച്ചു പ​റ​ഞ്ഞ ദി​വ​സ​മാ​ണി​ത്. ജ​നാ​ധി​പ​ത്യ മ​തേ​ത​ര കാ​ഴ്ച​പ്പാ​ടോ​ടുകൂ​ടി സ​മ്മ​തി​ദാ​നാ​വ​കാ​ശം വി​നി​യോ​ഗി​ച്ച മു​ഴു​വ​ൻ വോ​ട്ട​ർ​മാ​ർ​ക്കും അ​ഭി​വാ​ദ്യ​ങ്ങ​ൾ

-പി.​ടി.​​​കെ. ഷ​മീ​ർ

വ​ർ​ഗീ​യ ഫാ​ഷി​സ​ത്തി​ന് രാ​ജ്യം കീ​ഴ​ട​ങ്ങി​യി​ട്ടി​ല്ലെ​ന്ന​തി​നു തെ​ളി​വ്

മ​സ്ക​ത്ത്​: രാ​ജ്യം വ​ർ​ഗീ​യ ഫാ​ഷി​സ​ത്തി​നു പൂ​ർ​ണമാ​യും കീ​ഴ​ട​ങ്ങി​യി​ട്ടി​ല്ലെ​ന്ന​തി​നു തെ​ളി​വാ​ണ് തെ​ര​ഞ്ഞെ​ടു​പ്പ് ഫ​ല​മെ​ന്ന് പ്ര​വാ​സി വെ​ൽ​ഫെ​യ​ർ ഒ​മാ​ൻ പ്ര​സ്താ​വ​ന​യി​ൽ അ​റി​യി​ച്ചു. ഭ​ര​ണ​ഘ​ട​നാ മൂ​ല്യ​ങ്ങ​ൾ ഉ​യ​ർ​ത്തി​പ്പി​ടി​ക്കു​ന്ന ജ​നാ​ധി​പ​ത്യ മ​തേ​ത​ര വി​ശ്വാ​സി​ക​ൾ ത​ന്നെ​യാ​ണ് രാ​ജ്യ​ത്ത് മ​ഹാ ഭൂ​രി​പ​ക്ഷ​വും. ജ​ന​ങ്ങ​ളെ ത​മ്മി​ൽ വി​ഘ​ടി​പ്പി​ച്ച് എ​ളു​പ്പ​ത്തി​ൽ അ​ധി​കാ​രം പി​ടി​ക്കാ​മെ​ന്നും കോ​ർ​പറേ​റ്റു​ക​ൾ​ക്ക് രാ​ജ്യ​ത്തെ പൊ​തു​മേ​ഖ​ലാ സ്ഥാ​പ​ന​ങ്ങ​ൾ തീ​റെ​ഴു​തിക്കൊ​ടു​ത്ത് ഏ​കാ​ധി​പ​തി​യാ​യി തു​ട​രാ​മെ​ന്നു​മു​ള്ള മോ​ദി​യു​ടെ​യും ബി.​ജെ.​പി​യു​ടെ​യും വ്യാ​മോ​ഹ​ത്തി​നേ​റ്റ ക​ന​ത്ത തി​രി​ച്ച​ടി​യാ​യി ഈ ​ഫ​ല​ത്തെ കാ​ണു​ന്നു.

400ന്​ ​മു​ക​ളി​ൽ സീ​റ്റു​ക​ൾ എ​ന്ന ബി.​ജെ.​പി ക​ണ​ക്കു​കൂ​ട്ട​ലു​ക​ൾ അ​ട്ടി​മ​റി​ച്ച ഇ​ൻ​ഡ‍്യ സ​ഖ്യ​ത്തി​ന് അ​ഭി​ന​ന്ദ​ന​ങ്ങ​ൾ. ഇ​ൻ​ഡ്യ സ​ഖ്യ​ത്തെ​യും അ​തി​നു നേ​തൃ​ത്വം ന​ൽ​കി​യ ഇ​ന്ത്യ​ൻ നാ​ഷ​ന​ൽ കോ​ൺ​ഗ്ര​സി​നെ​യും രാ​ജ്യ​ത്തെ മു​ഴു​വ​ൻ ജ​നാ​ധി​പ​ത്യ വി​ശ്വാ​സി​ക​ളെ​യും അ​ഭി​ന​ന്ദി​ക്കു​ന്നു​വെ​ന്നു പ്ര​വാ​സി വെ​ൽ​ഫെ​യ​ർ ഒ​മാ​ൻ പ​ത്ര​ക്കുറി​പ്പി​ൽ അ​റി​യി​ച്ചു. ​പ്രസിഡ​ന്‍റ് ഷ​മീ​ർ കൊ​ല്ലാ​ക്ക​ൻ അ​ധ്യ​ക്ഷ​ത വ​ഹി​ച്ചു.

ഇ​ൻ​ഡ്യ മു​ന്ന​ണി​ക്ക്​ മാ​റ്റ​ങ്ങ​ൾ കൊ​ണ്ടു​വ​രാ​ൻ സാ​ധി​ക്കും

ഇ​ന്ത്യ​യെ വീ​ണ്ടെ​ടു​ക്കാ​ൻ ഒ​രേ​മ​ന​സ്സോ​ടെ ഒ​ന്നി​ച്ച ഇ​ന്ത്യ​യി​ലെ പ്ര​ബു​ദ്ധ​രാ​യ വോ​ട്ട​ർ​മാ​രെ അ​ഭി​ന​ന്ദി​ക്കു​ന്ന​താ​യി ഇ​ട​തു അ​നു​കൂ​ല സാ​മൂ​ഹി​ക പ്ര​വ​ർ​ത്ത​ക​ൻ സി​യാ​ദ് ഉ​ണി​ച്ചി​റ പ​റ​ഞ്ഞു. ഇ​നി​യും ഒ​ന്നി​ച്ചു​നി​ന്ന് ഇ​ൻ​ഡ്യ മു​ന്ന​ണി മു​ന്നോ​ട്ടു പോ​കു​ന്ന പ​ക്ഷം ഇ​ന്ത്യ​യി​ൽ ഏ​റെ മാ​റ്റ​ങ്ങ​ൾ കൊ​ണ്ടു​വ​രു​വാ​ൻ സാ​ധി​ക്കും.

അ​തെ സ​മ​യം കേ​ര​ള​ത്തി​ൽ ഇ​ട​തു​മു​ന്ന​ണി​ക്കു​ണ്ടാ​യ തി​രി​ച്ച​ടി ഓ​രോ ഇ​ട​തു പ്ര​വ​ർ​ത്ത​ക​നെ​യും ഇ​രു​ത്തി ചി​ന്തി​പ്പി​ക്ക​ണം. സമൂഹ മാ​ധ്യ​മ​ങ്ങ​ൾ വ​ഴി കോ​ൺ​ഗ്ര​സ്-​യു.​ഡി.​എ​ഫ് നേ​താ​ക്ക​ൾ ന​ട​ത്തി​യ പ്ര​ചാ​ര​ണ​ത്തെ പ്ര​തി​രോ​ധി​ക്കാ​ൻ ഇ​ട​തു​മു​ന്ന​ണി സം​വി​ധാ​ന​ത്തി​നാ​യി​ല്ല എ​ന്ന​ത് ഓ​രോ ഇ​ട​തു​പ്ര​വ​ർ​ത്ത​ക​ന്റെ​യും പ​രാ​ജ​യ​മാ​ണ്. എ​ന്നാ​ൽ ഇ​ത്ത​രം തി​രി​ച്ച​ടി​ക​ളി​ൽ നി​ന്നും പാ​ഠം ഉ​ൾ​ക്കൊ​ണ്ടു​കൊ​ണ്ടു മു​ന്നോ​ട്ടു പോ​യ ച​രി​ത്ര​മാ​ണ് ഇ​ട​തു മു​ന്ന​ണി​ക്കു​ള്ള​ത്. അ​തി​നാ​ൽ കേ​ര​ള​ത്തി​ൽ നേ​രി​ട്ട ഈ ​പ​രാ​ജ​യ​വും മ​റി​ക​ട​ന്ന് പാ​ർ​ട്ടി​യും മു​ന്ന​ണി​യും കൂ​ടു​ത​ൽ ക​രു​ത്തോ​ടെ തി​രി​ച്ചു​വ​രും.

-സി​യാ​ദ് ഉ​ണി​ച്ചി​റ

കേ​ര​ള​ത്തി​ലെ ജ​ന​വി​ധി ഇ​ട​തു സ​ർ​ക്കാ​റി​ന് എ​തി​ര​ല്ല

മ​സ്ക​ത്ത്​: കോ​ൺ​ഗ്ര​സ് സ​ഹാ​യ​ത്തോ​ടെ കേ​ര​ള​ത്തി​ൽ​നി​ന്നും ലോ​ക്​സ​ഭ​യി​ലേ​ക്കും ബി.​ജെ.​പി അ​ക്കൗ​ണ്ട് തു​റ​ന്നു എ​ന്നാ​ണ് തൃ​ശൂ​രി​ലെ സു​രേ​ഷ് ഗോ​പി​യു​ടെ വി​ജ​യം കാ​ണി​ക്കു​ന്ന​തെ​ന്ന് പ്ര​വാ​സി ക്ഷേ​മ​നി​ധി ബോ​ർ​ഡ് അം​ഗം വി​ത്സ​ൺ ജോ​ർ​ജ് അ​ഭി​പ്രാ​യ​പ്പെ​ട്ടു. തൃ​ശൂ​രി​ലെ വോ​ട്ടി​ങ് ക​ണ​ക്കു​ക​ൾ അ​താ​ണ് വ്യ​ക്ത​മാ​ക്കു​ന്ന​ത്.

ഇ​ത് അ​പ​ക​ട​ക​ര​മാ​യ പ്ര​വ​ണ​ത​യാ​ണെ​ന്ന് കോ​ൺ​ഗ്ര​സ് മ​ന​സ്സി​ലാ​ക്കു​ന്നി​ല്ല. അ​തെസ​മ​യം, കേ​ര​ള​ത്തി​ലെ ജ​ന​വി​ധി ഇ​ട​തു സ​ർ​ക്കാ​റി​ന് എ​തി​രാ​യ വി​ധി​യാ​ണ് എ​ന്ന് പ​റ​യു​വാ​ൻ സാ​ധി​ക്കി​ല്ല. കാ​ര​ണം കേ​ര​ള​ത്തി​ൽ നി​ന്നും ഇ​ട​തു -വ​ല​തു മു​ന്ന​ണി​ക​ളി​ൽ നി​ന്നും ആ​ര് ജ​യി​ച്ചാ​ലും അ​ത് ഇ​ൻഡ്യ സ​ഖ്യ​ത്തി​ന് മു​ത​ൽ​കൂ​ട്ടാ​യി​രി​ക്കും എ​ന്ന് വോ​ട്ട​ർ​മാ​ർ​ക്ക് അ​റി​യാം. അ​തോ​ടൊ​പ്പം ഇ​ന്ത്യ​യി​ലെ പ്ര​തി​പ​ക്ഷ ക​ക്ഷി​ക​ൾ എ​ടു​ത്ത ത​ന്ത്ര​പ​ര​മാ​യ തീ​രു​മാ​നം ഏ​റെ​ക്കു​റെ നേ​ട്ട​മു​ണ്ടാ​ക്കി.

ബി.​ജെ.​പി വി​രു​ദ്ധ വോ​ട്ടു​ക​ൾ ഭി​ന്നി​ക്കാ​തി​രി​ക്കാ​ൻ ഓ​രോ പാ​ർ​ട്ടി​ക​ളും എ​ടു​ത്ത തീ​രു​മാ​നം മാ​തൃ​കാ​പ​ര​മാ​യി​രു​ന്നു. ബി.​ജെ.​പി സ​ർ​ക്കാ​രി​ന് മു​ൻ​പ​ത്തെ പോ​ലെ ഏ​ക​പ​ക്ഷീ​യ​മാ​യി തീ​രു​മാ​നം എ​ടു​ത്തു മു​ന്നോ​ട്ട് പോ​കു​വാ​ൻ സാ​ധി​ക്കി​ല്ല എ​ന്ന​ത് ഏ​റെ ആ​ശ്വാ​സ​ക​ര​മാ​ണ്.

-വി​ത്സ​ൺ ജോ​ർ​ജ്

ഇൻഡ്യ മുന്നണിയുടെ മുന്നേറ്റത്തിൽ ആഹ്ലാദം പ്രകടിപ്പിച്ച് ഇൻകാസ് ഒമാന്റെ നേതൃത്വത്തിൽ സംഘടിപ്പിച്ച പരിപാടി