മത്ര: മത്ര സുൽത്താൻ ഖാബൂസ് തുറമുഖത്ത് നിർത്തിയിട്ടിരുന്ന കോസ്റ്റ്ഗാർഡ് ബോട്ടിന് തീ പിടിച്ചു. ഞായറാഴ്ച രാവിലെ 11നാണ് സംഭവം. തീഗോളങ്ങളും കറുത്ത പുകയും ഉയരുന്നത് ദൂരെനിന്നുവരെ കാണാൻ സാധിക്കുമായിരുന്നു. സുല്‍ത്താ‍െൻറ അല്‍സഈദ് കപ്പലും നിരവധി ബോട്ടുകളും നിര്‍ത്തിയിടുന്ന സ്ഥലത്ത് ബോട്ടിന് തീപിടിച്ചത് ഭീതി പരത്തി. സുരക്ഷ ഗാര്‍ഡും സിവിൽ ഡിഫൻസും ഉടൻ സംഭവസ്ഥലത്തെത്തി. സാേങ്കതിക തകരാറാണ് കാരണമെന്നും ആർക്കും പരിക്കില്ലെന്നും സിവിൽ ഡിഫൻസ് അറിയിച്ചു. ബോട്ട് സുരക്ഷിതമായ സ്ഥലത്തേക്ക് മാറ്റിയശേഷമാണ് തീയണച്ചത്. വൈകുന്നേരത്തോടെയാണ് തീ പൂർണമായും അണക്കാൻ സാധിച്ചതെന്നും സിവിൽ ഡിഫൻസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.