ജ​സ്റ്റ്​ ലു​ക്കി​ങ്​ ലൈ​ക്ക്​ എ ​വൗ...

മ​സ്ക​ത്ത്​: ഫൈ​വ്​​സ്​ ലോ​ക​ക​പ്പ്​ ഹോ​ക്കി​യി​ൽ മി​ന്നും പ്ര​ക​ട​നം ന​ട​ത്തി രാ​ജ്യ​ത്തി​ന്‍റെ കാ​യി​ക ഭൂ​പ​ട​ത്തി​ൽ പു​തി​യ ഏ​ടു​കൂ​ടി എ​ഴു​തി​ച്ചേ​ർ​ത്ത്​ ഒ​മാ​ൻ ഹോ​ക്കി ടീം. ​ക​ഴി​ഞ്ഞ​ദി​വ​സം സ​മാ​പി​ച്ച ഫൈ​വ്​​സ്​ ലോ​ക​ക​പ്പ്​ ഹോ​ക്കി​യി​ൽ മൂ​ന്നാം സ്ഥാ​ന​മാ​ണ്​ ടീം ​സ്വ​ന്ത​മാ​ക്കി​യ​ത്. ആ​ഭ്യ​ന്ത​ര ഹോ​ക്കി​യി​ൽ ഒ​ട്ടേ​റെ ടൂ​ർ​ണ​മെ​ന്റു​ക​ൾ ന​ട​ക്കു​ന്നു​ണ്ടെ​ങ്കി​ലും ഒ​മാ​ൻ ദേ​ശീ​യ ടീ​മി​ന് ഇ​തു​വ​രെ എ​ടു​ത്തു​പ​റ​യ​ത്ത​ക്ക നേ​ട്ട​ങ്ങ​ളൊ​ന്നും ഇ​ല്ലാ​യി​രു​ന്നു. എ​ന്നാ​ൽ ഡ​ച്ചു​കാ​ര​നാ​യ കോ​ച്ച് എ​ഗ്ഗ്‌​ഫ്രീ​ഡ് ചു​മ​ത​ല​യേ​റ്റ​തോ​ടെ മാ​റ്റ​ങ്ങ​ൾ ക​ണ്ടു​തു​ട​ങ്ങി എ​ന്ന​ത​ാണ് ഫൈ​വ്‌​സ് ലോ​ക​ക​പ്പ് ഹോ​ക്കി​യി​ൽ നി​ന്നു​ള്ള ടീ​മി​ന്‍റെ പ്ര​ക​ട​നം ന​ൽ​കു​ന്ന സൂ​ച​ന.

ക​ഴി​ഞ്ഞ വ​ർ​ഷം സ​ലാ​ല​യി​ൽ ന​ട​ന്ന ഏ​ഷ്യ​ൻ ഫൈ​വ്‌​സ് ഹോ​ക്കി​യി​ൽ മൂ​ന്നാം സ്ഥാ​നം നേ​ടി​യാ​ണ് ഒ​മാ​ൻ ലോ​ക​ക​പ്പി​ലേ​ക്ക്​ എ​ത്തി​യി​രു​ന്ന​ത്. അ​ന്ന് മ​ലേ​ഷ്യ​യെ തോ​ൽ​പ്പി​ച്ചാ​ണ് വെ​ങ്ക​ല മെ​ഡ​ൽ നേ​ടി​യ​ത്. അ​തേ നേ​ട്ടം ലോ​ക​ക​പ്പി​ലും ആ​വ​ർ​ത്തി​ക്കാ​ൻ ക​ഴി​ഞ്ഞു എ​ന്ന​ത് അ​ഭി​മാ​ന​ക​ര​മാ​യ കാ​ര്യ​മാ​ണ്. ഫൈ​വ്‌​സ് ലോ​ക​ക​പ്പി​ലെ ആ​ദ്യ മ​ത്സ​ര​ത്തി​ൽ ക​രു​ത്ത​രാ​യ മ​ലേ​ഷ്യ​യെ സ​മ​നി​ല​യി​ൽ പി​ടി​ച്ചും തു​ട​ർ​ന്ന് ഫി​ജി, അ​മേ​രി​ക്ക തു​ട​ങ്ങി​യ രാ​ജ്യ​ങ്ങ​ളെ വ​ൻ മാ​ർ​ജി​നി​ൽ പ​രാ​ജ​യ​പ്പെ​ടു​ത്തി​യും ഗ്രൂ​പ് ജേ​താ​ക്ക​ളാ​യാ​യി​രു​ന്നു കോ​ർ​ട്ട​ർ ക​ട​ന്നി​രു​ന്ന​ത്. കോ​ർ​ട്ട​റി​ൽ കെ​നി​യ​യെ​യാ​ണ്​ പ​രാ​ജ​യ​പ്പെ​ടു​ത്തി​യ​ത്. സെ​മി​യി​ൽ ടൂ​ർ​ണ​മെ​ന്റ് ജേ​താ​ക്ക​ളാ​യ നെ​ത​ർ​ലാ​ൻ​ഡ്​​സു​മാ​യാ​ണ് ഏ​റ്റു​മു​ട്ടി​യ​ത്. ടൂ​ർ​ണ​മെ​ന്റി​ലെ ത​ന്നെ മി​ക​ച്ച മ​ത്സ​ര​ത്തി​ൽ പൊ​രു​തി ത​ന്നെ​യാ​ണ് ഒ​മാ​ൻ കീ​ഴ​ട​ങ്ങി​യ​ത്.

മൂ​ന്നാം​സ്ഥാ​ന നി​ർ​ണ​യ​ത്തി​ൽ പോ​ള​ണ്ടി​നെ ര​ണ്ടി​നെ​തി​രെ മൂ​ന്നു ഗോ​ളു​ക​ൾ​ക്കു തോ​ൽ​പ്പി​ച്ച്​ രാ​ജ്യ​ത്തി​ന്റെ അ​ഭി​മാ​ന​മാ​യി​മാ​റാ​ൻ ടീ​മി​നു സാ​ധി​ച്ചു. ഒ​മാ​ന്റെ ഹോ​ക്കി ച​രി​ത്ര​ത്തി​ലെ ഏ​റ്റ​വും മി​ക​ച്ച പ്ര​ക​ട​ന​മാ​ണ് ഫൈ​വ്‌​സ് ലോ​ക​ക​പ്പ് ഹോ​ക്കി​യി​ൽ മൂ​ന്നാം സ്ഥാ​നം. ഇ​തി​ന്റെ മു​ഴു​വ​ൻ നേ​ട്ട​വും പ​രി​ച​യ​സ​മ്പ​ന്ന​നാ​യ പ​രി​ശീ​ല​ക​ൻ എ​ഗ്ഗ്‌​ഫ്രീ​ഡി​നാ​ണ്. പാ​കി​സ്താ​ൻ, ജ​പ്പാ​ൻ തു​ട​ങ്ങി​യ ടീ​മു​ക​ളെ പ​രി​ശീ​ലി​പ്പി​ച്ച എ​ഗ്ഗ്‌​ഫ്രീ​ഡ് ഒ​രു വ​ർ​ഷം മു​മ്പാ​ണ് ഒ​മാ​ൻ ദേ​ശീ​യ ടീ​മി​ന്റെ കോ​ച്ചാ​യി ചു​മ​ത​ല ഏ​റ്റെ​ടു​ക്കു​ന്ന​ത്. വ​രും നാ​ളു​ക​ളി​ൽ ഈ ​ടീ​മി​ൽ​നി​ന്നും ഒ​ട്ടേ​റെ നേ​ട്ട​ങ്ങ​ൾ പ്ര​തീ​ക്ഷി​ക്കാമെന്ന് ആ​രാ​ധ​ക​ർ പ​റ​യു​ന്ന​ത്.

സം​ഘാ​ട​ന​ത്തി​ലും മി​ക​വ്​;  ഹോ​ക്കി​ക്ക് മാ​ത്ര​മാ​യി സ്റ്റേ​ഡി​യം നിലവിൽവന്നു

പാ​രിസ് ഒ​ളി​മ്പി​ക്സി​നു​ള്ള യോ​ഗ്യ​താ മ​ത്സ​ര​ങ്ങ​ളും ഫൈ​വ്സ് ഹോ​ക്കി ലോ​ക​ക​പ്പും അ​വ​സാ​നി​ച്ച​പ്പോ​ൾ ഒ​മാ​ൻ ഹോ​ക്കി​ക്കി​ത്​ അ​ഭി​മാ​ന നി​മി​ഷം. ഫു​ട്ബാ​ളി​നും ക്രി​ക്ക​റ്റി​നും ശേ​ഷം കാ​ണി​ക​ൾ കൂ​ട്ട​ത്തോ​ടെ ഹോ​ക്കി സ്റ്റേ​ഡി​യ​ത്തി​ലേ​ക്കും ഒ​ഴു​കി​യെ​ത്തി എ​ന്ന​താ​ണ് സം​ഘാ​ട​ക​രെ സ​ന്തോ​ഷി​പ്പി​ച്ച കാ​ര്യം. അ​തിനെ​ക്കാ​ളു​പ​രി ഹോ​ക്കി​ക്ക് മാ​ത്ര​മാ​യി സ്റ്റേ​ഡി​യം എ​ന്ന​ ചി​ര​കാ​ലാ​ഭി​ലാ​ഷം പൂ​വ​ണി​ഞ്ഞു എ​ന്ന​താ​ണ് സ​ന്തോ​ഷി​ക്കാ​ൻ വ​ക​ന​ൽ​കു​ന്ന മ​റ്റൊ​രു​ കാ​ര്യം.

യു​ദ്ധ​കാ​ലാടി​സ്ഥാ​ന​ത്തി​ൽ കേ​വ​ലം ഏ​ഴു​മാ​സം കൊ​ണ്ടാ​ണ്​ അ​മ​റാ​ത്തി​ലെ ക്രി​ക്ക​റ്റ് സ്റ്റേ​ഡി​യ​ത്തി​നു സ​മീ​പം പു​തി​യ ഒ​മാ​ൻ ഹോ​ക്കി സ്റ്റേ​ഡി​യം പ​ണി​തു​യ​ർ​ത്തി​യ​ത്. ഇ​ത്ര​യും നാ​ൾ സു​ൽ​ത്താ​ൻ ഖാ​ബൂ​സ് സ്​​റ്റേ​ഡി​യ​ത്തി​നോ​ട് ചേ​ർ​ന്നു​ള്ള ഹോ​ക്കി ഗ്രൗ​ണ്ടി​ലാ​ണ് സു​ൽ​ത്താ​ൻ ക​പ്പ് ഉ​ൾ​പ്പ​ടെ​യു​ള്ള മ​ത്സ​ര​ങ്ങ​ൾ ന​ട​ന്നി​രു​ന്ന​ത്.

അ​ന്ത​ർ​ദേ​ശീ​യ നി​ല​വാ​ര​ത്തി​ലാ​ണ് ഗ്രൗ​ണ്ട്​ ഒ​രു​ക്കി​യി​രി​ക്കു​ന്ന​ത്.​ ഗാ​ല​റി, മീ​ഡി​യാ​ റൂം, വി​ശാ​ല​മാ​യ പാ​ർ​ക്കി​ങ് സൗ​ക​ര്യ​വും സ​ജ്ജീ​ക​രി​ച്ചി​ട്ടു​ണ്ട് . ഹോ​ക്കി ഒ​മാ​ൻ ചെ​യ​ർ​മാ​ൻ ഡോ. ​മ​ർ​വാ​ൻ ബി​ൻ ജു​മാ അ​ൽ ജു​മാ​യു​ടെ മി​ക​വു​റ്റ നേ​തൃ​ത്വ​മാ​ണ് ഇ​ത്ര മി​ക​ച്ച പ്ര​ക​ട​നം കാ​ഴ്ച​വെ​ക്കാ​ൻ ഹോ​ക്കി ഒ​മാ​ന് സാ​ധി​ച്ച​ത്. അ​തെസ​മ​യം കാ​ര്യ​മാ​യ പ​ര​സ്യ പ്ര​ചാ​ര​ണം ഇ​ല്ലാ​തെ​യാ​ണ് ര​ണ്ട് അ​ന്ത​ർ​ദേ​ശീ​യ ടൂ​ർ​ണ​മെ​ന്റു​ക​ളും അ​ര​ങ്ങേ​റി​യ​ത്. എ​ന്നി​ട്ടും മി​ക​ച്ച രീ​തി​യി​ലു​ള്ള ജ​ന​പ​ങ്കാ​ളി​ത്ത​മാ​ണ് ടൂ​ർ​ണ​മെ​ന്റി​ന് ല​ഭി​ച്ച​ത്. വ​നി​താ വി​ഭാ​ഗ​ത്തി​ൽ ഇ​ന്ത്യ​യു​ടെ മ​ത്സ​ര​ങ്ങ​ൾ ന​ട​ക്കു​ന്ന ദി​വ​സം പ​ര​മാ​വ​ധി കാ​ണി​ക​ളെ സ്റ്റേ​ഡി​യ​ത്തി​ലെ​ത്തി​ക്കാ​ൻ യു.​ടി.​എ​സ്.​സി അം​ഗ​ങ്ങ​ൾ പ്ര​യ​ത്നി​ച്ചി​രു​ന്നു.

ഒ​മാ​നി​ലെ ഇ​ന്ത്യ​ൻ സ്ഥാ​ന​പ​തി അ​മി​ത് നാ​ര​ങ്ങും എം​ബ​സി​യി​ലെ ഉ​ന്ന​ത ഉ​ദ്യോ​ഗ​സ്ഥ​രും മിക്ക ​ദി​വ​സ​വും ക​ളി​കാ​ണാ​ൻ എ​ത്തി​യി​രു​ന്നു. ഇ​ന്ത്യ​ൻ സോ​ഷ്യ​ൽ ക്ല​ബ്, മ​സ്‌​ക​ത്തി​ലെ ഇ​ന്ത്യ​ൻ സ്‌​കൂ​ൾ വി​ദ്യാ​ർ​ഥി​ക​ൾ എ​ന്നി​വ​ർ​ക്കു​പു​റ​മെ ഇ​ന്ത്യ​ൻ വ​നി​ത​ക​ൾ ഫൈ​ന​ലി​ൽ ക​ളി​ച്ച ദി​വ​സം മ​സ്ക​ത്ത്​ പ​ഞ്ച​വാ​ദ്യ സം​ഘം ചെ​ണ്ട​മേ​ളം അ​വ​ത​രി​പ്പി​ച്ചു​കൊ​ണ്ട് ടീ​മി​ന് പി​ന്തു​ണ​യു​മാ​യി എ​ത്തി​യി​രു​ന്നു. രാ​ജ്യ​ത്തി​നും ഹോ​ക്കി ഒ​മാ​നും അ​ഭി​മാ​നി​ക്കാ​വു​ന്ന ഒ​ട്ടേ​റെ സം​ഭാ​വ​ന​ക​ൾ ന​ൽ​കി​യാ​ണ് ര​ണ്ടു ടൂ​ർ​ണ​മെ​ന്റു​ക​ളും വി​ട​വാ​ങ്ങി​യ​ത്.