മസ്കത്ത്: െഎ.പി.എൽ ആവേശവുമായി ഗൾഫ് മാധ്യമം സംഘടിപ്പിക്കുന്ന മെഗാ ക്വിസിെൻറ രണ്ടാംഘട്ട പ്രതിദിന വിജയികളെ പ്രഖ്യാപിച്ചു. ഒക്ടോബർ ഒന്നിനാരംഭിച്ച ക്വിസ് മത്സരം നവംബർ പത്തുവരെയാണ്.ഒക്ടോബർ 11 മുതൽ 20 വരെ ശരിയുത്തരങ്ങൾ അയച്ചവരിൽനിന്നുള്ള പ്രതിദിന സമ്മാന ജേതാക്കളെയാണ് തെരഞ്ഞെടുത്തത്. രണ്ടാമത്തെ പത്തു ദിവസത്തെ വിജയികൾ ചുവടെ; ശരീഫ്, ശ്രീജിത്ത്, കെ.ടി. ആഷിഖ് മൻസൂർ, ആർ.എസ്. രാജേഷ്, വി.എ. അൻസാരി, വിജയ, റോണി കുര്യൻ, സനീഷ് വലിയപുരയിൽ, അനുമോൾ ലിജോ, ജിനു മാത്യു.
ഇലക്ട്രോണിക്സ് ഉപകരണരംഗത്തെ പ്രമുഖ സ്ഥാപനമായ ജീപാസ് നൽകുന്ന സ്റ്റെയിൻലെസ് സ്റ്റീൽ ഇലക്ട്രിക് കെറ്റിലും വാബിൻസ് നൽകുന്ന െഎ.പി.എൽ ബ്രാൻഡഡ് സെറാമിക് കപ്പുമാണ് പ്രതിദിന സമ്മാനം. ഒമാനിലെ പ്രമുഖ ധനവിനിമയ സ്ഥാപനമായ അൽ ജദീദ് എക്സ്ചേഞ്ചാണ് മെഗാ ക്വിസിെൻറ മുഖ്യ പ്രായോജകർ. മെഗാ സമ്മാനമായ സാംസങ് എ11 മൊബൈൽ ഫോൺ അൽ ജദീദ് എക്സ്ചേഞ്ചാണ് സ്പോൺസർ ചെയ്യുന്നത്. ഗൾഫ് മാധ്യമം ഇ-പേപ്പറിലൂടെയും www.madhyamam.com വെബ്സൈറ്റിലൂടെയുമാണ് ക്വിസിൽ പെങ്കടുക്കാൻ കഴിയുക. ഒാരോ ദിവസവും ഒാരോ ചോദ്യം വീതമാണ് ഉണ്ടാവുക. ദിവസവും രാത്രി 12 മണി വരെ അതത് ദിവസത്തെ മത്സരത്തിൽ പെങ്കടുക്കാനാകും. ആയിരത്തിലധികം എൻട്രികളാണ് മത്സരത്തിലേക്ക് ദിവസവും ലഭിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.