ഐ.ഒ.സി സലാലയിൽ സംഘടിപ്പിച്ച ഗാന്ധി അനുസ്മരണം ഡോ. അബൂബക്കർ സിദ്ദീഖ് ഉദ്ഘാടനം ചെയ്യുന്നു
സലാല: ഇന്ത്യൻ ഓവർസീസ് കോൺഗ്രസ് (ഐ.ഒ.സി ) സലാലയിൽ മഹാത്മാഗാന്ധി അനുസ്മരണം സംഘടിപ്പിച്ചു വീണ്ടെടുക്കാം ഇന്ത്യയെ ഗാന്ധിജിയിലൂടെ എന്ന തലക്കെട്ടിൽ മ്യൂസിക് ഇൻസ്റ്റിറ്റ്യൂട്ട് ഹാളിൽ നടന്ന പരിപാടി ഇന്ത്യൻ സ്കൂൾ പ്രസിഡന്റ് ഡോ. അബൂബക്കർ സിദ്ദീഖ് ഉദ്ഘാടനം ചെയ്തു. ഗാന്ധിജിയുടെ വഴിയിലൂടെ തിരിച്ചു നടക്കുകയല്ലാതെ ഇന്ത്യയെ വീണ്ടെടുക്കാൻ വഴിയില്ലെന്ന് അദ്ദേഹം പറഞ്ഞു.
ഐ.ഒ.സി ഒമാൻ കേരള ചാപ്റ്റർ പ്രസിഡന്റ് ഡോ. നിഷ്താർ അധ്യക്ഷത വഹിച്ചു. മഹാത്മജിയുടെ ധീരസ്മരണ, ഭരണഘടനാ സംരക്ഷണത്തിനും ഇന്ത്യയുടെ രക്ഷക്കും വേണ്ടിയുള്ള പ്രവർത്തനങ്ങൾക്ക് പ്രചോദനം നൽകട്ടെ എന്ന് അദ്ദേഹം പ്രത്യാശിച്ചു.
ഇന്ത്യൻ എംബസി കോൺസുലർ ഏജന്റ് ഡോ. കെ.സനാതനൻ, വിവിധ സംഘടന ഭാരവാഹികളായ സണ്ണി ജേക്കബ്, ഡോ.ഷാജി പി. ശ്രീധർ, മണികണ്ഠൻ, ഷബീർ കാലടി, വഹീദുസ്മാൻ, നാസറുദ്ദീൻ സഖാഫി, ഷജീർ ഖാൻ, ഹുസൈൻ കാച്ചിലോടി, രമേഷ് കുമാർ, ശ്രീജി കുമാർ, സിനു കൃഷ്ണൻ, ഉസ്മാൻ വാടാനപ്പിള്ളി, ദീപ ബെന്നി എന്നിവർ സംസാരിച്ചു. അനീഷ് വിഷയാവതരണവും ശ്യം മോഹൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.