ഒമാനിൽ ഇനി മാമ്പഴക്കാലം

സു​ഹാ​ർ: പ്ര​വാ​സി​ക​ൾക്ക് ​​ഗൃ​ഹാ​തു​ര​ത്വ ഓ​ർ​മ​ക​ൾ സ​മ്മാ​നി​ച്ച്​ സു​ഹാ​റി​ലും പ​രി​സ​ര പ്ര​ദേ​ശ​ങ്ങ​ളി​ലും മാ​വു​ക​ൾ കായ്ച്ചു. പ്ര​വാ​സി​ക​ളു​ടെ നാ​ട്ടോ​ർ​മയി​ൽ നി​ന്ന് മാ​ഞ്ഞു​പോ​കാ​ത്ത ചി​ത്ര​മാ​ണ് വി​ള​ഞ്ഞു നി​ൽ​ക്കു​ന്ന മാ​മ്പ​ഴ​ങ്ങ​ൾ. ഏ​പ്രി​ൽ അ​വ​സാ​ന​ത്തി​ലും മേയ് മാ​സ​ത്തി​ലും സു​ൽ​ത്താ​നേ​റ്റി​ലെ വ​ഴി​യോ​ര​ത്തും കൃ​ഷി​യി​ട​ങ്ങ​ളി​ലും വീ​ട്ടുമു​റ്റ​ത്തും ഒ​ഴി​ഞ്ഞ തൊ​ടി​യി​ലും നി​റ​യെ കാ​യ്ചു നി​ൽ​ക്കു​ന്ന മാ​വു​ക​ൾ കാ​ണാം. ഒ​മാ​ന്റെ വ​ള​ക്കൂ​റു​ള്ള മ​ണ്ണി​ൽ ത​ഴ​ച്ചു​വ​ള​രു​ന്ന മാ​വു​ക​ളി​ൽ നി​റ​യു​ന്ന മാ​ങ്ങ​ പ്ര​വാ​സി​ക​ൾ​ക്ക് ക​ണ്ണി​ന് കു​ളി​ർ​മ​യേ​കു​ന്ന കാ​ഴ്ച​യാ​ണ്.

ഇ​വി​ടെ​നി​ന്ന് വി​ള​വെ​ടു​ക്കു​ന്ന മാ​ങ്ങ മ​റ്റു രാ​ജ്യ​ങ്ങ​ളി​ലേ​ക്ക് ക​യ​റ്റി അ​യ​ക്കു​ന്നു​ണ്ട്. ഒ​മാ​ന്റെ ത​ന​ത് മാ​മ്പ​ഴ​ത്തി​ന് ജി.​സി.​സി​ രാ​ജ്യ​ങ്ങ​ളി​ൽ ആ​വ​ശ്യ​ക്കാ​ർ ഏ​റെ​യാ​ണ്. പ​ഴു​ത്ത മാ​മ്പ​ഴ​ത്തി​ന്​ മേ​യ്, ജൂ​ൺ മാ​സ​ങ്ങ​ളി​ൽ ഒ​മാ​ൻ വി​പ​ണി​യി​ൽ ന​ല്ല വി​ൽപന ല​ഭി​ക്കും. പ​ര​മ്പ​രാ​ഗ​ത​മാ​ർ​ക്ക​റ്റി​ലും സൂ​ഖി​ലെ പ​ഴം പ​ച്ച​ക്ക​റി കേ​ന്ദ്ര​ത്തി​ലും മാ​മ്പ​ഴം ല​ഭ്യ​മാ​കും.

കേ​ര​ള​ത്തി​ന്‍റെ നാ​ട്ടി​ലെ പ​റ​മ്പി​ൽ കാ​യ്ക്കു​ന്ന പോ​ലെ​ത​ന്നെ അ​ധി​കം വ​ലു​ത​ല്ലാ​ത്ത ചെ​റി​യത​ര​ത്തി​ലു​ള്ള മാ​മ്പ​ഴ​മാ​ണ്​ ഇ​വി​ടെ​യു​ള്ള​ത്. സീ​സ​ൺ ആ​കു​ന്ന​തോ​ടെ പാ​ത​യോ​ര​ത്തു​നി​ന്ന് മാ​മ്പ​ഴം വാ​ങ്ങി​ക്കാ​ൻ കി​ട്ടും. ഒ​മാ​ന്റെ പ​ഴം പ​ച്ച​ക്ക​റി മാ​ർ​ക്ക​റ്റി​ലും സൂ​പ്പ​ർ മാ​ർ​ക്ക​റ്റു​ക​ളി​ലും ലോ​ക​ത്തി​ലെ വി​വി​ധ രാ​ജ്യ​​ങ്ങ​ളി​ലെ മ​ധു​ര​വും രു​ചി​യും ഏ​റെ​യു​ള്ള പ​ഴു​ത്ത വ​ലി​യ മാ​മ്പ​ഴ​ങ്ങ​ൾ വാ​ങ്ങി​ക്കാ​ൻ ല​ഭി​ക്കു​മെ​ങ്കി​ലും, മാ​വി​ൽ നി​ന്ന് പ​റി​ച്ചെ​ടു​ത്ത, ചെ​റി​യ മാ​മ്പ​ഴ​ത്തി​ന്റെ രു​ചി അ​ത് വേ​റെ ത​ന്നെ​യാ​ണ്. വ​രും ദി​വ​സ​ങ്ങ​ളി​ൽ വ​ലി​യ ഹൈ​പ്പ​ർ മാ​ർ​ക്ക​റ്റു​ക​ളി​ൽ മാ​മ്പ​ഴ ഫെ​സ്റ്റു​ക​ളും മാ​മ്പ​ഴ പ്ര​ദ​ർ​ശ​ന​ങ്ങ​ളും ന​ട​ക്കും. ക​ഴി​ഞ്ഞ വി​ഷു​വി​ന് പ​ല​രും ക​ണി​വെ​ച്ച​ത് ഒ​മാ​നി​ലു​ണ്ടാ​യ മാ​ങ്ങ​യാ​ണ്.

1990ൽ​ത​ന്നെ രാ​ജ്യ​ത്ത്​ മാ​വു​ക​ൾ വ്യാ​പ​മാ​ക്കു​ന്ന​തി​ന് കാ​ർ​ഷി​ക മ​ന്ത്രാ​ല​യം ശ്ര​മ​ങ്ങ​ൾ ന​ട​ത്തു​ക​യും ഇ​ത് സം​ബ​ന്ധ​മാ​യി ഗ​വേ​ഷ​ണം ന​ട​ത്തു​ക​യും ചെ​യ്തി​രു​ന്നു. ഉ​ന്ന​ത ഗു​ണ നി​ല​വാ​ര​മു​ള്ള 25 ഇ​നം മാ​വു​ക​ൾ ഒ​മാെൻറ മ​ണ്ണി​ന് അ​നു​യോ​ജ്യ​മാ​ണെ​ന്ന് പ​ഠ​ന​ത്തി​ൽ ക​ണ്ടെ​ത്തി​യി​രു​ന്നു.മ​സ്ക​ത്ത് ഗ​വ​ർ​ണ​റേ​റ്റി​ലെ ഖു​റി​യാ​ത്തി​ലെ ഹൈ​ൽ അ​ൽ ഗാ​ഫ് ഗ്രാ​മം മാ​ങ്ങാ കൃ​ഷി​ക്ക് ഏ​റെ പ്ര​ശ​സ്ത​മാ​ണ്. ഗ്രാ​മ​ത്തി​ലെ പ്ര​ധാ​ന നാ​ണ്യ​വി​ള​യാ​ണ് മാ​വ്. ഇ​വി​ടെ ഗു​ണ​മേ​ന്മ​യു​ള്ള​തും മ​ധു​ര​മു​ള്ള​തു​മാ​യ മാ​ങ്ങക​ൾ സു​ല​ഭ​മാ​ണ്. ഇ​വി​ടെ​യു​ള്ള ഗു​ണ​മേ​ന്മ​യു​ള്ള പ്ര​ധാ​ന മാ​ങ്ങ​യാ​ണ് ലും​ബ ഹം​ബ. ഇ​ത് മ​റ്റ് പേ​രു​ക​ളി​ലും അ​റി​യ​പ്പെ​ടു​ന്നു​ണ്ട്.

ലും​ബ ഹം​ബ മാ​ങ്ങ​ക​ൾ​ക്ക് ഒ​മാ​നി പ്രാ​ദേ​ശി​ക മാ​ർ​ക്ക​റ്റി​ൽ വ​ൻ ഡി​മാ​ന്‍റാ​ണ്. ഗു​ണ മേ​ന്മ​കൂ​ടി​യ​തി​നാ​ൽ വ​ലി​യ തോ​തി​ൽ ഈ ​ഇ​നം മാ​ങ്ങ ജ​ന​ങ്ങ​ൾ ഉ​പ​യോ​ഗി​ക്കു​ന്നു. പീ​ച്ച​സ്, സ​ർ​സി​ബാ​രി, അ​ൽ ബാ​ബ്, അ​ൽ ഹു​കും, അ​ൽ ഹാ​റ, അ​ൽ വ​ഗ്ല, കാം​ഫോ​ർ, പെ​പ്പ​ർ, ഹോ​ഴ്സ​സ്, ഹി​ലാ​ൽ എ​ന്നി​വ​യാ​ണ് ഒ​മാ​നി​ൽ ക​ണ്ടു​വ​രു​ന്ന പ്ര​ധാ​ന ഇ​നം മാ​വു​ക​ൾ.