ഖരീഫ് സീസൺ: പ്ര​തീ​ക്ഷ​യോ​ടെ സ​ലാ​ല​യി​ലെ വ്യാ​പാ​രി​ക​ൾ

മ​സ്ക​ത്ത്​: ഖ​രീ​ഫ് കാ​ലം ആ​രം​ഭി​ച്ച​തോ​ടെ പ്ര​തീ​ക്ഷ​യോ​ടെ കാ​ത്തി​രി​ക്കു​ക​യാ​ണ്​ സ​ലാ​ല​യി​ലെ മ​ല​യാ​ളി​ക​ള​ട​ക്ക​മു​ള്ള വ്യാ​പാ​രി സ​മൂ​ഹം. ഗ​ൾ​ഫ്​ മേ​ഖ​ല​യി​ൽ സ​ലാ​ല​യി​ൽ മാ​ത്രം കാ​ണു​ന്ന സ​വി​ശേ​ഷ​ത​യാ​ണ്​ നി​ര​നി​ര​യാ​യു​ള്ള ഇ​ള​നീ​ർ, പ​ഴം-​പ​ച്ച​ക്ക​റി ക​ട​ക​ൾ. മ​ര​ത്തി​ൽ പ​ണി​ത് തെ​ങ്ങോ​ല​ക​ൾ കൊ​ണ്ടാ​ണ്​ ഇ​ത്ത​രം ക​ട​ക​ളു​ടെ മേ​ൽ​ക്കൂ​ര പ​ണി​യു​ന്ന​ത്. ഖ​രീ​ഫ്​ സീ​സ​ണി​ൽ സ​ജീ​വ​മാ​കു​ന്ന ഇ​ത്ത​രം ക​ട​ക​ൾ കേ​ര​ള​ത്തി​ലെ നാ​ട്ടി​ൻപു​റ​ങ്ങ​ളി​ലെ ആ​ദ്യ​കാ​ല ച​ന്ത​ക​ളു​ടെ ഓ​ർ​മ​ക​ളാ​ണ്​ മ​ല​യാ​ളി​ക്ക്​ സ​മ്മാ​നി​ക്കു​ക.

രാ​ജ്യ​ത്തി​ന്റെ ഇ​ത​ര ഭാ​ഗ​ങ്ങ​ളി​ൽ​നി​ന്നും മ​റ്റു ഗ​ൾ​ഫ് രാ​ജ്യ​ങ്ങ​ളി​ൽ​നി​ന്നും സ​ന്ദ​ർ​ശ​ക​ർ വ​ന്നു തു​ട​ങ്ങു​ന്ന​തോ​ടെ​യാ​ണ്‌ ഇ​ത്തം ക​ട​ക​ൾ കു​ടു​ത​ൽ സ​ജീ​വ​മാ​കു​ന്ന​ത്. സലാ​ല​യി​ലെ തോ​ട്ട​ങ്ങ​ളി​ൽ​നി​ന്ന്​ ഉ​ൽ​പാ​ദി​പ്പി​ക്കു​ന്ന ക​രി​ക്കു​ക​ളും പ​ഴം-​പ​ച്ച​ക്ക​റി​ക​ളു​മാ​ണ്​ ഇ​വി​ടെ വി​പ​ണ​നം ചെ​യ്യു​ന്ന​ത്. മ​ഴ പെ​യ്തു തു​ട​ങ്ങി​യ​തോ​ടെ സ​ലാ​ല പൂ​ർ​ണ​മാ​യും ഖ​രീ​ഫ്​ ​മൂ​ഡി​ലേ​ക്കു നീ​ങ്ങി​ത്തു​ട​ങ്ങി​യി​ട്ടു​ണ്ട്.

വ​രും ദി​വ​സ​ങ്ങ​ളി​ൽ കൂ​ടു​ത​ൽ സ​ഞ്ചാ​രി​ക​ൾ ഇ​വി​ടെ ഒ​ഴു​കു​ന്ന​തോ​ടെ ഇ​ത്ത​രം ക​ട​ക​ളി​ൽ ക​ച്ച​വ​ടം പൊ​ടി​പൊ​ടി​ക്കും. സ​ലാ​ല​യു​ടെ സൗ​ന്ദ​ര്യം ആ​സ്വ​ദി​ക്കു​ന്ന​തി​നൊ​പ്പം ഇ​ത്ത​രം ക​ട​ക​ളി​ൽ നി​ര​ത്തി​വെ​ച്ചി​രി​ക്കു​ന്ന വാ​ഴ​പ്പ​ഴം, പ​പ്പാ​യ, പേ​ര​ക്ക, ഇ​ള​നീ​ർ തു​ട​ങ്ങി​യ​വ​യും രൂ​ചി​ച്ചാ​ണ്​ അ​ധി​ക​പേ​രും സ​ലാ​ല​യോ​ട്​ സ​ലാം പ​റ​യാ​റു​ള്ള​ത്.

ഖ​രീ​ഫ് മ​ഴ​യും മ​ഞ്ഞും മാ​മ​ല​ക​ളു​ടെ സൗ​ന്ദ​ര്യ​വും ആ​സ്വ​ദി​ക്കു​ന്ന​തി​നോ​ടൊ​പ്പം സ​ന്ദ​ർ​ശ​ക​ർ​ക്ക് ഒ​ഴി​വാ​ക്കാ​നാ​കാ​ത്ത കാ​ഴ്ച​യും അ​നു​ഭ​വ​വു​മാ​യി​രി​ക്കും ക​ട​ൽ​തീ​ര​ത്തെ തോ​ട്ട​ങ്ങ​ളോ​ടു ചേ​ർ​ന്ന് റോ​ഡി​ന്റെ ഇ​രു​വ​ശ​ങ്ങ​ളി​ലു​മാ​യി നി​ര​നി​ര​യാ​യി​വെ​ച്ചി​ട്ടു​ള്ള ഇ​ള​നീ​ർ വി​ൽപന ശാ​ല​ക​ൾ. മ​ല​യാ​ളി​ക​ളും ബം​ഗാ​ളി​ക​ളു​മാ​ണ്‌ ഇ​ത്ത​രം ക​ട​ക​ൾ ഏ​റെ​യും ന​ട​ത്തു​ന്ന​ത്.

കാ​ർ​ഷി​ക സ​മൃ​ദ്ധി​ക്ക് പേ​രു​കേ​ട്ട സ്ഥ​ല​മാ​ണ്​ സ​ലാ​ല. വാ​ഴ, നാ​ര​ങ്ങ, പേ​ര​ക്ക, പ​പ്പാ​യ എ​ന്നി​വ​ക്കൊ​പ്പം തെ​ങ്ങ് കൃ​ഷി​യും ഈ ​പ്ര​ദേ​ശ​ത്ത് ധാ​ര​ള​മാ​യി കാ​ണാം. ഈ ​വ​ർ​ഷം കൂ​ടു​ത​ൽ ക​ച്ച​വ​ടം ന​ട​ക്കു​മെ​ന്നാ​ണ്​ വ്യാ​പാ​രി​ക​ൾ ക​ണ​ക്കു​കൂ​ട്ടു​ന്ന​ത്. പ​തി​വി​ൽ​നി​ന്ന്​ വ്യ​ത്യ​സ്ത​മാ​യി ടൂ​റി​സം ഫെ​സ്റ്റി​വ​ൽ പ​രി​പാ​ടി​ക​ൾ 90 ദി​വ​സ​മാ​ക്കി​യ​ത്​ പ്ര​തീ​ക്ഷ​യേ​കു​ന്ന കാ​ര്യ​മാ​ണ്. മു​ൻ​വ​ർ​ഷ​ങ്ങ​ളി​ലി​ത്​ 45 ദി​വ​സ​ങ്ങ​ളി​ലാ​യി​രു​ന്നു ന​ട​ന്ന​ത്.

അ​തി​നാ​ൽ ഈ ​വ​ർ​ഷം കൂ​ടു​ത​ൽ സ​ഞ്ചാ​രി​ക​ളെ​ത്താ​ൻ സാ​ധ്യ​ത​യു​ണ്ട്. സ​ലാ​ല ചൗ​ക്കി​ലും ഹാ​ഫ​യി​ലു​മൊ​ക്കെ​യാ​യി സു​ഗ​ന്ധ​ദ്ര​വ്യ​ങ്ങ​ൾ, കു​ന്തി​രി​ക്കം, ഒ​മാ​നി ഹ​ൽ​വ, പാ​ര​മ്പ​ര്യ വ​സ്ത്ര​ശാ​ല​ക​ൾ, ഭ​ക്ഷ​ണ​ശാ​ല​ക​ൾ തു​ട​ങ്ങി​യ ഒ​ട്ടു​മി​ക്ക വ്യാ​പാ​ര​സ്ഥാ​പ​ന​ങ്ങ​ളും ഖ​രീ​ഫ്കാ​ല ക​ച്ച​വ​ട​ത്തി​ൽ പ്ര​തീ​ക്ഷ​യ​ർ​പ്പി​ച്ച് കാ​ത്തി​രി​ക്കു​ക​യാ​ണ്‌.