സലാല: മലർവാടി ബാലസംഘം സംഘടിപ്പിക്കുന്ന കുട്ടികളുടെ ഉത്സവമായ ബാലോത്സവം മേയ് മൂന്നിന് നടക്കും. നാല് മുതൽ 12 വയസ്സു വരെയുള്ള കുട്ടികൾക്കായാണ് ബാലോത്സവം ഒരുക്കുന്നത്.
കുട്ടികളുടെ കായിക-മാനസിക വളർച്ച സാധ്യമാകുന്ന നവീനമായ പന്ത്രണ്ട് മത്സരങ്ങളാണ് അന്നേ ദിവസം സലാല പബ്ലിക് പാർക്കിൽ ഒരുക്കുകയെന്ന് കൺവീനർ മുസാബ് ജമാൽ പറഞ്ഞു. നാല് വിഭാഗങ്ങളിലായാണ് മത്സരങ്ങൾ നടക്കുക. ഇതിനായി വിപുലമായ സബ് കമ്മിറ്റി രൂപവത്കരിച്ച് പ്രവർത്തനം ആരംഭിച്ചു.
ഫസ്ന അനസ്, റമീസ റഔഫ്, മൻസൂർ വേളം, സലീം സേട്ട്, സാഗർ അലി, നൗഷാദ് മൂസ, കെ.ജെ. സമീർ, അൻസാർ കെ.പി, ഉസ്മാൻ കളത്തിങ്കൽ, ഇ.എം. മുനീർ, കെ.പി. അർഷദ് എന്നിവരെ വിവിധ വകുപ്പ് കോഓഡിനേറ്റർമാരായി തിരഞ്ഞെടുത്തു. ഗൂഗിൾ ഫോറം വഴിയുള്ള രജിസ്ട്രേഷൻ ഇതിനകം ആരംഭിച്ചിട്ടുണ്ട് (https://tinyurl.com/balolsavam2024). കൂടുതൽ വിവരങ്ങൾക്ക്: 93596396, 77470627.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.