മസ്കത്ത്: മദ്റസ വിദ്യാർഥികളുടെ നബിദിനാഘോഷത്തിൽ കൗതുകമായി രക്ഷിതാക്കളുടെ ദഫ് പ്രദർശനം. മസ്കത്തിലെ മബേല ശിഹാബ് തങ്ങൾ സ്മാരക ഹയർ സെക്കൻഡറി ഖുർആൻ മദ്റസയിലെ വിദ്യാർഥികളുടെ രക്ഷിതാക്കളാണ് ദഫിൽ അദ്ഭുതം തീർത്തത്.
വേഷവിധാനങ്ങളോടെ ചടുലമായ താളത്തിൽ ദഫ് പ്രദർശനം നടത്തിയ രക്ഷിതാക്കളുടെ പ്രകടനം കണ്ടപ്പോൾ കുട്ടികൾക്കും കൗതുകം. ഉപ്പമാരുടെ താളത്തിനൊത്ത് അവരും കളിച്ചപ്പോൾ അതും വേറിട്ട കാഴ്ചയായി. വേദിയിൽ ദൃശ്യവിരുന്നൊരുക്കിയ രക്ഷിതാക്കളുടെ ദഫ് ടീം ആയ ടീം ഖുർതുബ കാണികളിലും ഗൃഹാതുരത്വം നിറച്ചു.
ബഹുരാഷ്ട്ര കമ്പനിയുടെ മാനേജർ മുതൽ സംരംഭകരും സാധാരണക്കാരായ പ്രവാസികളും തങ്ങളുടെ ജോലിത്തിരക്കുകൾ ഒഴിഞ്ഞ സമയം മാറ്റി ഒത്തുകൂടിയാണ് ദഫ് പ്രദർശനത്തിന് വേണ്ടി പ്രാക്ടീസ് ചെയ്തത്. മബേല അഫ്റാ പാലസ് ഓഡിറ്റോറിയത്തിൽ നടന്ന മീലാദ് ഫെസ്റ്റിൽ മദ്റസ വിദ്യാർഥികളുടെ വിവിധ കലാസാഹിത്യ മത്സരവും നബിദിന റാലിയും അരങ്ങേറി.
5,7,10 ക്ലാസുകളിലെ പൊതുപരീക്ഷയിൽ ഡിസ്റ്റിങ്ഷൻ നേടിയ വിദ്യാർഥികൾക്കുള്ള ഉപഹാരങ്ങൾ പരിപാടിയിൽ സമ്മാനിച്ചു. പത്താം ക്ലാസിൽ സഫുവാൻ സിദ്ദീഖ്, ഏഴാം ക്ലാസിൽ സിയാ ഫാത്തിമ, ഷഹസിയ, അഞ്ചാം ക്ലാസിൽ വി.വി. മുഹമ്മദ്, ഉസൈദ് മുഹമ്മദ് സിഫ്സീർ എന്നിവർ സമ്മാനങ്ങൾ ഏറ്റുവാങ്ങി.
അസ്മാഉൽ ഹുസ്ന 48 സെക്കൻഡിൽ പറഞ്ഞുതീർത്തതിന് ഏഷ്യ ബുക്ക് ഓഫ് റെക്കോഡിൽ ഇടം നേടിയ മദ്റസയിലെ ഒന്നാം ക്ലാസ് വിദ്യാർഥിനി നോഹാ സൈനബിന് ശൈഖ് ജമീൽ ഉപഹാരം നൽകി. മസ്കത്ത് കെ.എം.സി.സി സെക്രട്ടറി ഉസ്മാൻ പന്തല്ലൂർ ഉദ്ഘാടനം ചെയ്തു. മദ്റസ കമ്മിറ്റി പ്രസിഡന്റ് സയ്യിദ് എ.കെ.കെ. തങ്ങൾ അധ്യക്ഷത വഹിച്ചു. ഒമാനി പൗരപ്രമുഖൻ ശൈഖ് ജമീൽ മുഖ്യാതിഥി ആയി. സദർ മുഅല്ലിം മുസ്തഫ റഹ്മാനി മുഖ്യ പ്രഭാഷണം നടത്തി. ഇബ്രാഹിം ഒറ്റപ്പാലം, ഹുസൈൻ വയനാട്, സലീം അന്നാര, യാക്കൂബ് തിരൂർ, ഇബ്രാഹിം ലുലു, എം.ടി. അബൂബക്കർ, ഖാലിദ് കുന്നുമ്മൽ, ഗഫൂർ താമരശ്ശേരി, അബൂബക്കർ പറമ്പത്ത്, ഹമീദ് അൽഖൂദ്, റഫീഖ് ശ്രീകണ്ഠപുരം, അമീർ കാവനൂർ, ഷാഫി കോട്ടക്കൽ, റിയാസ് മത്ര, നൗഷാദ് മുസന്ന, മുർഷിദ് തങ്ങൾ എന്നിവർ സംബന്ധിച്ചു. മൻസൂർ അലി സ്വാഗതവും അഷ്റഫ് പൊയ്ക്കര നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.