ലോ​ക​ക​പ്പ് ഫു​ട്‌​ബാ​ള്‍ യോ​ഗ്യ​ത; പ്ര​തീ​ക്ഷ സ​ജീ​വ​മാ​ക്കി ഒ​മാ​ൻ ടീം ​കു​വൈ​ത്തി​ൽ

മ​സ്ക​ത്ത്: ലോ​ക​ക​പ്പ് ഫു​ട്‌​ബാ​ള്‍ യോ​ഗ്യ​ത മൂ​ന്നാം റൗ​ണ്ടി​ലെ നി​ർ​ണാ​യ​ക മ​ത്സ​ര​ത്തി​നാ​യി ഒ​മാ​ൻ ടീം ​കു​വൈ​ത്തി​ലെ​ത്തി.

ചൊ​വ്വാ​ഴ്ച ഒ​മാ​ൻ​സ​മ​യം രാ​ത്രി 10.15ന് ​ജാ​ബി​ർ അ​ഹ​മ്മ​ദ് അ​ന്താ​രാ​ഷ്ട്ര സ്റ്റേ​ഡി​യ​ത്തി​ലാ​ണ് മ​ത്സ​രം. കു​വൈ​ത്തി​ലെ​ത്തി​യ ഒ​മാ​ൻ ടീം ​അം​ഗ​ങ്ങ​ൾ​ക്ക് ഊ​ർ​ജി​ത വ​വേ​ൽ​പ്പാ​ണ് അ​ധി​കൃ​ത​ർ ന​ൽ​കി​യ​ത്. ശ​ക്ത​രാ​യ ദ​ക്ഷി​ണ കൊ​റി​യ​യെ അ​വ​രു​ടെ നാ​ട്ടി​ൽ സ​മ​നി​ല​യി​ൽ ത​ള​ച്ചി​ടാ​ൻ ക​ഴി​ഞ്ഞ​തി​ന്റെ ആ​ത്മ വി​ശ്വാ​സ​വു​മാ​യി​ട്ടാ​ണ് റെ​ഡ് വാ​രി​യേ​ഴ്സ് കു​വൈ​ത്തി​ന്റെ മ​ണ്ണി​ലേ​ക്ക് വി​മാ​ന​മി​റ​ങ്ങി​യി​രി​ക്കു​ന്ന​ത്.

വ​രും ദി​വ​സ​ങ്ങ​ളി​ൽ കോ​ച്ച് റ​ഷീ​ദ്ജാ​ബി​റി​ന്റെ നേ​തൃ​ത്വ​ത്തി​ൽ ടീം ​ഊ​ർ​ജി​ത പ​രി​ശീ​ല​ന​ത്തി​ലേ​ർ​പ്പ​ടു​ക​യും ചെ​യ്യും. ദ​ക്ഷി​ണ കൊ​റി​യ​യെ സ​മ​നി​ല​യി​ൽ ത​ള​ച്ച​തോ​ടെ ലോ​ക​ക​പ്പി​ലേ​ക്ക് നേ​രി​ട്ട് യോ​ഗ്യ​ത നേ​ടാമെന്നു​ള്ള പ്ര​തീ​ക്ഷ​ക​ൾ സ​ജീ​വ​മാ​ക്കാ​ൻ ഒ​മാ​നാ​യി​ട്ടു​ണ്ട്. ഏ​ഴു ക​ളി​ക​ളി​ൽ നി​ന്നും അ​ത്ര​യും പോ​യ​ന്റു​മാ​യി ഗ്രൂ​പ് ബി​യി​ൽ നാ​ലാം സ്ഥാ​ന​ത്താ​ണ് ഒ​മാ​ൻ. ഇ​ത്ര​യും ക​ളി​യി​ൽ​നി​ന്ന് 15പോ​യ​ന്റു​മാ​യി ദ​ക്ഷി​ണ കൊ​റി​യ ഏ​താ​ണ്ട് ​ലോ​ക​ക​പ്പ് യോ​ഗ്യ​ത ഉ​റ​പ്പി​ച്ചി​ട്ടു​ണ്ട്.

12 പോ​യ​ന്റു​മാ​യി ജോ​ർ​ഡ​നും ഇ​റാ​ഖു​മാ​ണ് ര​ണ്ടും മൂ​ന്നും സ്ഥാ​ന​ത്തു​ള്ള​ത്. അ​ഞ്ചു പോ​യ​ന്റു​മാ​യി കു​വൈ​ത്ത് അ​ഞ്ചും മൂ​ന്ന് പോ​യ​ന്റു​മാ​യി ഫ​ല​സ്തീ​ൻ ആ​റാം സ്ഥാ​ന​ത്തു​മാ​ണു​ള്ള​ത്. അ​വ​സാ​ന​മാ​യി ഒ​മാ​ൻ കു​വൈ​ത്തു​മാ​യി അ​റേ​ബ്യ​ൻ ഗ​ൾ​ഫ് ക​പ്പി​ൽ ന​ട​ന്ന മ​ത്സ​രം സ​മ​നി​ല​യി​ൽ ക​ലാ​ശി​ച്ചി​രു​ന്നു. സ്വ​ന്തം കാ​ണി​ക​ൾ​ക്ക് മു​ന്നി​ൽ ക​ളി​ക്കാ​നി​റ​ങ്ങു​ന്ന​ത് കു​വൈ​ത്തി​ന് അ​നു​കൂ​ല ഘ​ട​ക​മാ​ണെ​ങ്കി​ലും എ​ന്തു​വി​ല​കൊ​ടു​ത്തും വി​ജ​യം സ്വ​ന്ത​മാ​ക്കാ​നാ​യി​രി​ക്കും ഒ​മാ​ൻ ബൂ​ട്ട് കെ​ട്ടി ഇ​റ​ങ്ങു​ക.