റൂവി മലയാളി അസോസിയേഷൻ നേതൃത്വത്തിൽ ഡോക്ടർ താലിബ് അൽ ബലൂഷിയെ ആദരിക്കുന്നു
മസ്കത്ത്: റൂവി മലയാളി അസോസിയേഷന്റെ (ആർ.എം.എ) നേതൃത്വത്തിൽ ഫാമിഫെസ്റ്റ് 2024 സംഘടിപ്പിച്ചു. ആടുജീവിതം സിനിമയിലൂടെ മലയാളികൾക്ക് പ്രിയങ്കരനായ ഒമാനി നടൻ ഡോക്ടർ താലിബ് അൽ ബലൂഷി മുഖ്യാതിഥിയായി. ആർ.എം.എ പ്രസിഡന്റ് ഫൈസൽ ആലുവ ഉദ്ഘാടനം ചെയ്തു.
നീതു ജിതിൻ റിപ്പോർട്ട് അവതരിപ്പിച്ചു. സുരേന്ദ്രൻ വേലായുധൻ, സുരേഷ് ബാലകൃഷ്ണൻ, ഷാജഹാൻ, സുജിത് സുഗുണൻ, ആഷിഖ്, ഷൈജു, സച്ചിൻ , സുഹൈൽ എന്നിവർ സംസാരിച്ചു. ഡോക്ടർ താലിബ് അൽ ബലൂഷിയെ ആർ.എം. എ പ്രസിഡന്റ് ഫൈസൽ ആലുവ ആദരിച്ചു.
അസോസിയേഷൻ കുടുംബാംഗങ്ങൾ അവതരിപ്പിച്ച കേരളീയ നാടൻ കലാരൂപങ്ങൾ, ഡാൻസ്, പാട്ട്, കഥ പറയൽ, ഫാഷൻ ഷോ, ഗെയിംസ്, ഗാനമേള, മിമിക്രി, മെന്റലിസം ഷോ എന്നിവയും അരങ്ങേറി. എസ്.എസ്.എൽ.സി പരീക്ഷയിൽ ഉന്നത വിജയം നേടിയ അംഗങ്ങളുടെ മക്കൾക്കുള്ള ഉപഹാരം ഡോ. താലിം അൽ ബലൂഷി സമ്മാനിച്ചു. കെ.ആർ. സന്തോഷ് സ്വാഗതവും ആർ.എം.എ വനിത വിങ് കൺവീനർ ബിൻസി സി. ജോയ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.