സലാല: ഫുട്ബാൾ കൂട്ടായ്മ ഓണാഘോഷം സംഘടിപ്പിച്ചു. ഒളിമ്പിക് ട്രേഡിങ് ആൻഡ് കാറ്ററിങ്ങിെൻറ നേതൃത്വത്തിൽ ഔഖത്തിലെ സലാല ക്ലബിലാണ് ഓണാഘോഷം ഒരുക്കിയത്. പ്രത്യേകം തയാറാക്കിയ വേദിയിൽ നടന്ന പരിപാടി സോഷ്യൽ ക്ലബ് വൈസ് ചെയർമാൻ എൻ.കെ. മോഹൻ ദാസ് ഉദ്ഘാടനം ചെയ്തു. ഒളിമ്പിക് എം.ഡി സുധാകർ അധ്യക്ഷത വഹിച്ചു.
സലാലയിലെ വിവിധ സാമൂഹിക-സാംസ്കാരിക സംഘടന ഭാരവാഹികളും പരിപാടിയിൽ സംബന്ധിച്ചു. ഘോഷയാത്രയും മാവേലി എഴുന്നള്ളത്തും സോപാനം ടീമിെൻറ ചെണ്ടമേളവും ആഘോഷത്തിന്‌ കൊഴുപ്പേകി. കുട്ടികൾക്കും മുതിർന്നവർക്കുമായി വിവിധ കലാകായിക മത്സരങ്ങളും നടന്നു.
ഓണപ്പാട്ടും വിവിധ കലാപരിപാടികളും വേദിയിൽ അരങ്ങേറി. കുടുംബങ്ങൾ ഉൾെപ്പടെ നിരവധി പേർ ആഘോഷ പരിപാടിയിൽ സംബന്ധിച്ചു. മൻസൂർ പട്ടാമ്പി , അർഷദ്, നൂർ നവാസ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.