എസ്.ഐ.സി സലാലയിൽ സംഘടിപ്പിച്ച മീലാദ് സംഗമത്തിൽ അധ്യാപകർക്ക് ഉപഹാരം നൽകുന്നു
സലാല: സമസ്ത ഇസ്‍ലാമിക് സെന്റർ ലുബാൻ പാലസ് ഹാളിൽ മീലാദ് സംഗമം സംഘടിപ്പിച്ചു. പ്രവാചകൻ പ്രക്യതവും പ്രഭാവവും എന്ന പ്രമേയത്തിൽ സംഘടിപ്പിച്ച് വരുന്ന കാമ്പയിനിന്റെ ഭാഗമായാണ് സംഗമം ഒരുക്കിയത്. എസ്.ഐ.സി ചെയർമാൻ അബ്ദുല്ലത്തീഫ് ഫൈസി തിരുവള്ളുർ ഉദ്ഘാടനം ചെയ്തു. പ്രസിഡന്റ് അബ്ദുൽ അസീസ് ഹാജി മണിമല അധ്യക്ഷത വഹിച്ചു. കെ.എം.സി.സി ജനറൽ സെക്രട്ടറി ഷബീർ കാലടി, അബ്ദുല്ല അൻവരി എന്നിവർ സംസാരിച്ചു. വി.പി. അബ്ദുസ്സലാം ഹാജി, അലി ഹാജി എളേറ്റിൽ, ഹമീദ് ഫൈസി, റഈസ് ശിവപുരം, ഹാശിം കോട്ടക്കൽ എന്നിവർ സംബന്ധിച്ചു.
മദ്റസത്തുസ്സുന്നിയ്യയിൽ ഉന്നത വിജയം നേടിയ വിദ്യാർഥികൾക്കും ഉസ്താദുമാർക്കുമുള്ള ഉപഹാരം സ്വദേശി പ്രമുഖരായ ബഖീത് ഹാമിദ് അൽ ഫാളിൽ, സാലം ബിൻ അബ്ദുല്ല അൽ കാഫ്, അസാം മുഹമ്മദ് അബ്ദുല്ല എന്നിവർ വിതരണം ചെയ്തു. അബ്ദുൽ ഫത്താഹ് സ്വാഗതവും ഷനീസ് നന്ദിയും പറഞ്ഞു.
വിദ്യാർഥികളുടെ വിവിധ ഭാഷകളിലുള്ള പ്രഭാഷണങ്ങൾ, ഗാനങ്ങൾ, ദഫ് പ്രദർശനം, ഫ്ലവർ ഷോ, ബുർദ ആലാപനം എന്നിവയും അരങ്ങേറി. അബ്ബാസ് മുസ്ല്യാർ, ശമീർ ഫൈസി, ശുഐബ് മാസ്റ്റർ, അശ്റഫ്, എന്നിവർ നേതൃത്വം നൽകി. കുടുംബങ്ങൾ ഉൾപ്പെടെ നൂറുകണക്കിനാളുകൾ പരിപാടിയിൽ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.