സൂർ ദാറുൽ ഖുർആൻ ഹയർ സെക്കൻഡറി മദ്റസയിൽ നടന്ന മീലാദ് ഫെസ്റ്റ്
സൂർ: സൂർ കേരള മുസ്ലിം ജമാഅത്തിന്റെ നേതൃത്വത്തിലുള്ള ദാറുൽ ഖുർആൻ ഹയർ സെക്കൻഡറി മദ്റസയിൽ മീലാദ് ഫെസ്റ്റ് സംഘടിപ്പിച്ചു.
ഹുബ്ബുന്നബീ മൗലൂദ് സദസ്സിന്റെ സമാപന സമ്മേളനം ഒമാൻ ഔഖാഫ് പ്രതിനിധി ശൈഖ് സ്വലാഹ് റബീഹ് അൽ മുഖൈനി ഉദ്‌ഘാടനം ചെയ്തു. സൂർ കേരള മുസ്ലിം ജമാഅത്ത് പ്രസിഡന്റ് മുഹിയുദ്ദീൻ മുസ്ലിയാർ അധ്യക്ഷത വഹിച്ചു. സ്വദർ മുഅല്ലിം ബശീർ ഫൈസി മുഖ്യ പ്രഭാഷണം നിർവഹിച്ചു. ഹാഫിള് അബൂബക്കർ സിദ്ദീഖ് മൗലവി ഖിറാഅത്ത് നടത്തി. സെക്രട്ടറി ആബിദ് മൗലവി സ്വാഗതവും കൺവീനർ ശിഹാബ് വാളക്കുളം നന്ദിയും പറഞ്ഞു.
സമസ്ത പൊതുപരീക്ഷയിൽ ഒന്നാം സ്ഥാനം നേടിയ ഏഴാംതരത്തിലെ ആഇശ സ്വാലിഹ, രണ്ടാം സ്ഥാനം നേടിയ അഫ്റ ഫാത്വിമ, അഞ്ചാം തരത്തിൽ ഒന്നാം സ്ഥാനം നേടിയ മിൻഹ മെഹ്റിൻ, രണ്ടാം സ്ഥാനം നേടിയ അഹ്മദ് സഹീൻ എന്നിവരെയും മറ്റു വിദ്യാർഥികളെയും സദസ്സിൽ അനുമോദിച്ചു.
സ്റ്റേജിതര മത്സരങ്ങളിൽ സ്വഫ ഗ്രൂപ് ഒന്നാം സ്ഥാനവും മർവ ഗ്രൂപ് രണ്ടാം സ്ഥാനവും കരസ്ഥമാക്കി. വിദ്യാർഥികളുടെ ഫ്ലവർ ഷോ, സുന്നി ബാലവേദിയുടെ ദഫ് മുട്ട്, മുതിർന്നവരുടെ സുറുറേ സൂർ ബുർദ ആലാപനം തുടങ്ങിയ വിവിധ കലാ പരിപാടികളും അരങ്ങേറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.