ഫലസ്തീൻ പ്രധാനമന്ത്രി ഡോ. മുഹമ്മദ് ഇഷ്തയ്യയുമായി ഒമാൻ ഡെപ്യൂട്ടി പ്രധാനമന്ത്രി സയ്യിദ് അസ്അദ് കൂടിക്കാഴ്ചയിൽ
മസ്കത്ത്: ഒമാനിൽ ത്രിദിന സന്ദർശനത്തിനെത്തിയ ഫലസ്തീൻ പ്രധാനമന്ത്രി ഡോ. മുഹമ്മദ് ഇഷ്തയ്യയുമായി ഡെപ്യൂട്ടി പ്രധാനമന്ത്രി സയ്യിദ് അസ്അദ് കൂടിക്കാഴ്ച നടത്തി. സുൽത്താൻ ഹൈതം ബിൻ ത്വാരിഖിെൻറ നിർദേശമനുസരിച്ചാണ് അന്താരാഷ്ട്ര സഹകരണ വകുപ്പ് കൈകാര്യം ചെയ്യുന്ന സയ്യിദ് അസ്അദ് ചർച്ച നടത്തിയത്.
കൂടിക്കാഴ്ചയിൽ ഒമാനും ഫലസ്തീനും തമ്മിലെ ഉഭയകക്ഷി ബന്ധം അവലോകനം ചെയ്തു. ഇരുരാജ്യത്തിൻെറയും സഹോദര ജനതയുടെയും പൊതു താൽപര്യങ്ങൾ നിറവേറ്റുന്നതിനായി ഇരുപക്ഷവും തമ്മിലുള്ള നിലവിലെ സഹകരണം വർധിപ്പിക്കുന്നതിനെ കുറിച്ചും ചർച്ച നടന്നു. വിദേശകാര്യ മന്ത്രി സയ്യിദ് ബദ്ർ ഹമദ് അൽ ബുസൈദി, ഫലസ്തീൻ വിദേശകാര്യമന്ത്രി റിയാദ് നജീബ് അൽ മാലികി എന്നിവരും ഉന്നത ഉദ്യോഗസ്ഥരും പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.