കൊറിയയുടെ നേവൽ ഓപറേഷൻസ് മേധാവി അഡ്മിറൽ കിം ജുങ് സൂവിന്‍റെ നേതൃത്വത്തിലുള്ള പ്രതിനിധി സംഘം മാരിടൈം സെക്യൂരിറ്റി സെന്‍റർ സന്ദർശിച്ചപ്പോൾ
മസ്‌കത്ത്: കൊറിയയുടെ നേവൽ ഓപറേഷൻസ് മേധാവി അഡ്മിറൽ കിം ജുങ് സൂ മാരിടൈം സെക്യൂരിറ്റി സെന്‍റർ (എം.എസ്‌.സി) സന്ദർശിച്ചു. എം.എസ്‌.സി ഉപമേധാവിയുടെ നേതൃത്വത്തിൽ കൊറിയൻ സംഘത്തിന് സ്വീകരണം നൽകി. സമുദ്ര സുരക്ഷ നിലനിർത്തുന്നതിൽ മാരിടൈം സെക്യൂരിറ്റി സെന്‍റർ വഹിക്കുന്ന പങ്കിനെക്കുറിച്ചും ചുമതലകളെക്കുറിച്ചും കൊറിയൻ പ്രതിനിധി സംഘത്തിന് വിശദീകരിച്ചുകൊടുത്തു.
കേന്ദ്രത്തിന്‍റെ സൗകര്യങ്ങളെക്കുറിച്ചും പുതിയ ഉപകരണങ്ങളും സാങ്കേതികവിദ്യകളും കൊറിയൻ സംഘം മനസ്സിലാക്കുകയും ചെയ്തു. കിം ജുങ് സൂ റോയൽ നേവി ഓഫ് ഒമാൻ (ആർ.എൻ.ഒ) കമാൻഡർ റിയർ അഡ്മിറൽ സെയ്ഫ് നാസർ അൽ റഹ്ബിയുമായി കൂടിക്കാഴ്ച നടത്തി. ഇരുരാജ്യങ്ങളുടെയും നാവികസേനകൾ തമ്മിലുള്ള സമുദ്ര സഹകരണത്തെ കുറിച്ച് കൂടിക്കാഴ്ചയിൽ അവലോകനം ചെയ്തു. പൊതുതാൽപര്യമുള്ള നിരവധി വിഷയങ്ങളിൽ ഇരുവരും ചർച്ച നടത്തുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.