അ​ഫ്ഗാ​ൻ ച​ർ​ച്ച 30 മു​ത​ൽ ദോ​ഹ​യി​ൽ; താ​ലി​ബാ​ൻ പ​​ങ്കെ​ടു​ക്കും

ദോ​ഹ: അ​ഫ്ഗാ​നി​സ്താ​നി​ലെ മാ​നു​ഷി​ക സ​ഹാ​യ വി​ത​ര​ണ​വും നി​ക്ഷേ​പ​വും സു​ഗ​മ​മാ​ക്കാ​ൻ യു.​എ​ന്നി​ന്റെ ആ​ഭി​മു​ഖ്യ​ത്തി​ൽ വി​ളി​ച്ച സി​വി​​ൽ സൊ​സൈ​റ്റി ഗ്രൂ​പ്പു​ക​ളു​ടെ യോ​ഗം ജൂ​ൺ 30, ജൂ​ലൈ ഒ​ന്ന് തീ​യ​തി​ക​ളി​ൽ ഖ​ത്ത​റി​ലെ ദോ​ഹ​യി​ൽ ന​ട​ക്കും. താ​ലി​ബാ​ൻ ഭ​ര​ണ​കൂ​ടം പ്ര​തി​നി​ധി​ക​ളെ അ​യ​ക്കാ​മെ​ന്ന് സ​മ്മ​തി​ച്ചി​ട്ടു​ണ്ട്.

ഫെ​ബ്രു​വ​രി​യി​ൽ ര​ണ്ടാം റൗ​ണ്ട് ച​ർ​ച്ച​ക്കു​ള്ള ക്ഷ​ണം താ​ലി​ബാ​ൻ നി​ര​സി​ച്ചി​രു​ന്നു. ഒ​രു​വ​ർ​ഷം മു​മ്പാ​ണ് യു.​എ​ൻ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സ് സി​വി​ൽ സൊ​സൈ​റ്റി ഗ്രൂ​പ്പു​ക​ളെ ച​ർ​ച്ച​ക്കി​രു​ത്താ​ൻ നീ​ക്ക​മാ​രം​ഭി​ച്ച​ത്. യോ​ഗ​ത്തി​ന്റെ അ​ജ​ണ്ട, പ​​ങ്കെ​ടു​ക്കു​ന്ന​വ​ർ എ​ന്നി​വ​യു​മാ​യി ബ​ന്ധ​​​പ്പെ​ട്ട് ക​ഴി​ഞ്ഞ ആ​ഴ്ച​ക​ളി​ൽ താ​ലി​ബാ​നും യു.​എ​ന്നും അ​നൗ​ദ്യോ​ഗി​ക ച​ർ​ച്ച​ക​ളി​ൽ ഏ​ർ​പ്പെ​ട്ടി​രു​ന്നു. അ​ജ​ണ്ട, പ്ര​തി​നി​ധി​ക​ൾ എ​ന്നി​വ​യി​ൽ മാ​റ്റ​മു​ണ്ടാ​യാ​ൽ പ​​ങ്കെ​ടു​ക്കു​മെ​ന്ന ത​ങ്ങ​ളു​ടെ തീ​രു​മാ​ന​ത്തി​ലും മാ​റ്റ​മു​ണ്ടാ​കു​മെ​ന്ന് താ​ലി​ബാ​ൻ വി​ദേ​ശ​കാ​ര്യ മ​ന്ത്രാ​ല​യ വ​ക്താ​വ് അ​ബ്ദു​ൽ ഖ​ഹ​ർ ബ​ൽ​ഖി പ​റ​ഞ്ഞു. യോ​ഗം അ​ഫ്ഗാ​നി​സ്താ​ന്റെ താ​ൽ​പ​ര്യ​ങ്ങ​ൾ​ക്ക് ഗു​ണ​ക​ര​മാ​യ​തി​നാ​ൽ പ്ര​തി​നി​ധി​ക​ളെ അ​യ​ക്കാ​ൻ തീ​രു​മാ​നി​ച്ച​താ​യി താ​ലി​ബാ​ൻ വ​ക്താ​വ് സ​ബീ​ഉ​ല്ല മു​ജാ​ഹി​ദ് അ​ഫ്ഗാ​ൻ ടെ​ലി​വി​ഷ​ൻ ചാ​ന​ലി​നോ​ട് പ​റ​ഞ്ഞു.

സി​വി​ൽ സൊ​സൈ​റ്റി ഗ്രൂ​പ്പു​ക​ൾ യോ​ഗ​ത്തി​ൽ സം​ബ​ന്ധി​ക്കു​മെ​ന്ന് നേ​ര​ത്തേ അ​റി​യി​ച്ചി​ട്ടു​ണ്ട്. അ​ഫ്ഗാ​നി​സ്താ​നെ പ്ര​തി​നി​ധീ​ക​രി​ക്കേ​ണ്ട​ത് ത​ങ്ങ​ൾ മാ​ത്ര​മാ​ണെ​ന്നാ​യി​രു​ന്നു താ​ലി​ബാ​ന്റെ നി​ല​പാ​ട്. എ​ന്നാ​ൽ, ഇ​ത് യു.​എ​ൻ അം​ഗീ​ക​രി​ക്കു​ന്നി​ല്ല. പ​ല രാ​ജ്യ​ങ്ങ​ളും താ​ലി​ബാ​ൻ ഭ​ര​ണ​കൂ​ട​ത്തെ അം​ഗീ​ക​രി​ക്കാ​ത്ത​തി​നാ​ൽ സി​വി​ൽ സൊ​സൈ​റ്റി ഗ്രൂ​പ്പു​ക​ളു​ടെ കൂ​ടി പ​ങ്കാ​ളി​ത്ത​ത്തോ​ടെ മാ​ത്ര​മെ നി​ക്ഷേ​പ​വും സ​ഹാ​യ വി​ത​ര​ണ​വും ഫ​ല​പ്ര​ദ​മാ​കൂ എ​ന്നാ​ണ് യു.​എ​ൻ നി​ല​പാ​ട്.

സ്ത്രീ​ക​ൾ ഉ​ൾ​പ്പെ​ടു​ന്ന സി​വി​ൽ സൊ​സൈ​റ്റി ഗ്രൂ​പ്പു​ക​ളെ​യാ​ണ് യു.​എ​ൻ ച​ർ​ച്ച​യി​ലേ​ക്ക് ക്ഷ​ണി​ച്ച​ത്. 2021 ആ​ഗ​സ്റ്റി​ൽ അ​ഫ്ഗാ​നി​ൽ ഭ​ര​ണ​ത്തി​ൽ തി​രി​ച്ചെ​ത്തി​യ താ​ലി​ബാ​ൻ കൂ​ടു​ത​ൽ തു​റ​ന്ന സ​മീ​പ​നം വാ​ഗ്ദാ​നം ചെ​യ്തി​രു​ന്നെ​ങ്കി​ലും സ്ത്രീ​ക​ൾ​ക്കും പെ​ൺ​കു​ട്ടി​ക​ൾ​ക്കും മേ​ൽ നി​യ​ന്ത്ര​ണ​ങ്ങ​ൾ തു​ട​രു​ക​യാ​ണ്.