ദോഹ: ഔദ്യോഗിക സന്ദർശനത്തിനായി ദോഹയിലെത്തിയ സിയറ ലിയോൺ റിപ്പബ്ലിക് പ്രസിഡൻറ് ജുലിയൻ മാദ ബിയോയുമായി അമീർ ശൈഖ് തമീം ബിൻ ഹമദ് ആൽഥാനി കൂടിക്കാഴ്ച നടത്തി. അമീരി ദീവാനിൽ നടന്ന കൂടിക്കാഴ്ചയിൽ ഖത്തർ–സിയറ ലിയോൺ ഉഭയകക്ഷി ബന്ധം സംബന്ധിച്ച് ഇരുരാഷ്ട്രനേതാക്കളും ചർച്ച ചെയ്തു. കൂടാതെ വിവിധ മേഖലകളിൽ പ്രത്യേകിച്ചും കാർഷികം, വിദ്യാഭ്യാസം, ടൂറിസം, അടിസ്ഥാന സൗകര്യവികസനം, നിക്ഷേപം തുടങ്ങിയ മേഖലകളിൽ സഹകരണം ശക്തമാക്കുന്നതുമായി ബന്ധപ്പെട്ടും അമീർ–സിയറ ലിയോൺ പ്രസിഡൻറ് ചർച്ചയിൽ ധാരണയായി. അന്താരാഷ്ട്ര, പ്രാദേശിക വിഷയങ്ങളും ഏറ്റവും പുതിയ രാഷ്ട്രീയ സാഹചര്യങ്ങളും ഇരുവരും കൂടിക്കാഴ്ചയിൽ വിലയിരുത്തി. അമീരി ദിവാനിലെത്തിയ ജൂലിയസ് മാദ ബിയോയെ അമീർ സ്വാഗതം ചെയ്തു. ഖത്തറിെൻറ ഉൗഷ്മളമായ സ്വീകരണത്തിന് അദ്ദേഹം നന്ദി രേഖപ്പെടുത്തുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.