എ.​പി. മ​ണി​ക​ണ്ഠ​ൻ: അ​ധ്യ​ക്ഷ പ​ദ​വി​യി​ൽ ര​ണ്ടാ​മൂ​ഴം

ദോ​ഹ: 25ാം വ​യ​സ്സി​ൽ കേ​ര​ള​ത്തി​ലെ ഏ​റ്റ​വും പ്രാ​യം കു​റ​ഞ്ഞ പ​ഞ്ചാ​യ​ത്ത് പ്ര​സി​ഡ​ന്റാ​യി വാ​ർ​ത്ത​ക​ളി​ൽ ഇ​ടം​പി​ടി​ച്ച വ്യ​ക്തി​യാ​ണ് തൃ​ശൂ​ർ വ​ല​പ്പാ​ട് സ്വ​ദേ​ശി​യാ​യ എ.​പി. മ​ണി​ക​ണ്ഠ​ൻ. യു​വ​ത്വ​ത്തി​ന്റെ ചു​റു​ചു​റു​ക്കി​ൽ വ​ല​പ്പാ​ട് പ​ഞ്ചാ​യ​ത്തി​ന്റെ ഭ​ര​ണ​ച​ക്രം നി​യ​ന്ത്രി​ച്ച അ​നു​ഭ​വ സ​മ്പ​ത്തു​മാ​യി 2005ൽ ​ഖ​ത്ത​റി​ലേ​ക്ക് പ്ര​വാ​സി​യാ​യെ​ത്തി​യ മ​ണി​ക​ണ്ഠ​ന്റെ കൈ​ക​ളി​ലേ​ക്ക് ഇ​തു ര​ണ്ടാം ത​വ​ണ​യാ​ണ് ഖ​ത്ത​റി​ലെ ഇ​ന്ത്യ​ക്കാ​രു​ടെ കൂ​ട്ടാ​യ്മ​യാ​യ ഇ​ന്ത്യ​ൻ ക​ൾ​ച്ച​റ​ൽ സെ​ന്റ​റി​ന്റെ അ​ധ്യ​ക്ഷ പ​ദ​വി​യെ​ത്തു​ന്ന​ത്.

വെ​ള്ളി​യാ​ഴ്ച ന​ട​ന്ന വോ​ട്ടെ​ടു​പ്പി​ന്റെ ഫ​ലം ശ​നി​യാ​ഴ്ച രാ​ത്രി പു​റ​ത്തു​വ​രു​മ്പോ​ൾ എ​തി​ർ സ്ഥാ​നാ​ർ​ഥി​യേ​ക്കാ​ൾ ബ​ഹു​ദൂ​രം മു​ന്നി​ലാ​യി​രു​ന്നു ഇ​ദ്ദേ​ഹം. എം​ബ​സി അ​പെ​ക്സ് സം​ഘ​ട​ന​യാ​യ ഐ.​സി.​സി​യു​ടെ അ​ധ്യ​ക്ഷ പ​ദ​വി​യി​ൽ വീ​ണ്ടു​മെ​ത്തു​മ്പോ​ൾ 2019-2020 കാ​ല​യ​ള​വി​ൽ പ്ര​സി​ഡ​ന്റാ​യി പ്ര​വ​ർ​ത്തി​ച്ച​തി​ന്റെ അ​നു​ഭ​വ സ​മ്പ​ത്ത് ആ​ത്മ​വി​ശ്വാ​സം ന​ൽ​കു​ന്നു​വെ​ന്ന് മ​ണി​ക​ണ്ഠ​ൻ പ​റ​യു​ന്നു.

ഖ​ത്ത​റി​ലെ ഇ​ന്ത്യ​ൻ സ​മൂ​ഹ​ത്തി​ന്റെ ക​ലാ,സാം​സ്കാ​രി​ക മേ​ഖ​ല​ക​ളി​ൽ നേ​തൃ പ​ദ​വി വ​ഹി​ക്കു​ന്ന ഐ.​സി.​സി​യെ കൂ​ടു​ത​ൽ ജ​ന​കീ​യ​മാ​ക്കു​ന്ന​തി​ലും വ്യ​ത്യ​സ്ത പ​രി​പാ​ടി​ക​ളു​മാ​യി തൊ​ഴി​ലാ​ളി​ക​ൾ ഉ​ൾ​പ്പെ​ടെ​യു​ള്ള പ്ര​വാ​സി​ക​ളി​ൽ കൂ​ടു​ത​ൽ സ്വീ​കാ​ര്യ​ത ന​ൽ​കു​ന്ന​തി​ലും നേ​ര​ത്തേ​യു​ള്ള കാ​ല​യ​ള​വി​ൽ ക​ഴി​ഞ്ഞു. വീ​ണ്ടും പ്ര​സി​ഡ​ന്റാ​യി തെ​ര​ഞ്ഞെ​ടു​ക്ക​പ്പെ​ടു​മ്പോ​ൾ വോ​ട്ട​ർ​മാ​ർ അ​ർ​പ്പി​ച്ച വി​ശ്വാ​സ​ത്തി​ന് ദൗ​ത്യ​നി​ർ​വ​ഹ​ണ​ത്തി​ലൂ​ടെ ന​ന്ദി​യ​ർ​പ്പി​ക്കു​മെ​ന്ന് ഇ​ദ്ദേ​ഹം പ​റ​യു​ന്നു.

‘അ​നു​ഭ​വ സ​മ്പ​ത്തു​ള്ള ടീ​മാ​ണ് ഒ​പ്പ​മു​ള്ള​ത്. കൂ​ട്ടാ​യ സം​ഘം എ​ന്ന നി​ല​യി​ൽ മു​ന്നോ​ട്ടു​പോ​കും. നാ​ട്ടി​ൽ​നി​ന്നും തെ​ഴി​ൽ തേ​ടി​യെ​ത്തി​യ പ്ര​വാ​സി​ക​ളി​ൽ ക​ല​യെ സ്നേ​ഹി​ക്കു​ന്ന എ​ല്ലാ​വ​ർ​ക്കും ത​ങ്ങ​ളു​ടെ ക​ഴി​വു​ക​ൾ പ്ര​ക​ടി​പ്പി​ക്കാ​നു​ള്ള വേ​ദി​യാ​യി ഐ.​സി.​സി​യെ മാ​റ്റും.

ഭാ​ര​ത​ത്തി​ന്റെ വൈ​വി​ധ്യ​മാ​ർ​ന്ന സം​സ്കാ​രം, ക​ല, ജീ​വി​തം ഉ​ൾ​പ്പെ​ടെ എ​ല്ലാം പ്ര​ദ​ർ​ശി​പ്പി​ക്കാ​നും പ്ര​വാ​സി​ക​ൾ​ക്കി​ട​യി​ൽ പ​രി​ച​യ​പ്പെ​ടു​ത്താ​നും ഐ.​സി.​സി​യു​ടെ പ്ലാ​റ്റ്ഫോ​മി​ന് ക​ഴി​യും. വി​വി​ധ സം​സ്ഥാ​ന​ങ്ങ​ളു​ടെ ത​ന​ത് ക​ല​ക​ൾ ഭാ​വി ത​ല​മു​റ​ക​ളി​ലേ​ക്ക് പ​രി​ച​യ​പ്പെ​ടു​ത്താ​ൻ കൂ​ടി ക​ഴി​യു​ന്ന വേ​ദി​യാ​യി ക​ൾ​ച്ച​റ​ൽ സെ​ന്റ​ർ മാ​റും.

പാ​സേ​ജ് ടു ​ഇ​ന്ത്യ ഉ​ൾ​പ്പെ​ടെ പ​തി​നാ​യി​ര​ങ്ങ​ൾ പ​​ങ്കെ​ടു​ക്കു​ന്ന ക​ലാ പ​രി​പാ​ടി​ക​ൾ അ​തി​ന്റെ ഭാ​ഗ​മാ​ണ്. ഇ​തി​ന്റെ​യെ​ല്ലാം തു​ട​ർ​ച്ച എ​ന്ന​തി​നൊ​പ്പം എ​ല്ലാ വി​ഭാ​ഗം പ്ര​വാ​സി​ക​ളി​ലേ​ക്കും ഇ​റ​ങ്ങി​ചെ​ല്ലാ​ൻ പ​രി​ശ്ര​മി​ക്കും’-​എ.​പി. മ​ണി​ക​ണ്ഠ​ൻ ‘ഗ​ൾ​ഫ് മാ​ധ്യ​മ’​വു​മാ​യി പ​ങ്കു​വെ​ച്ചു.

കൊ​ടു​ങ്ങ​ല്ലൂ​ർ ഗ​വ. ​ഗേ​ൾ​സ് ഹൈ​സ്കൂ​ൾ അ​ധ്യാ​പി​ക​യാ​യ സീ​ന​യാ​ണ് ഭാ​ര്യ. ഖ​ത്ത​റി​ൽ ത​ന്നെ​യു​ള്ള അ​ഭി​ന​വ് മ​ണി​ക​ണ്ഠ​ൻ, ബം​ഗ​ളൂ​രു​വി​ൽ എം.​ബി.​ബി.​എ​സ് വി​ദ്യാ​ർ​ഥി​യാ​യ അ​ദ്വൈ​ത് എ​ന്നി​വ​ർ മ​ക്ക​ളാ​ണ്.