ഫിഫ 2022 നോടനുബന്ധിച്ച് ഖത്തർ കെ.എം.സി.സി പുളിക്കൽ പഞ്ചായത്ത് കമ്മിറ്റി സംഘടിപ്പിച്ച പ്രതിദിന ഓൺലൈൻ ക്വിസ് മത്സരത്തിൽ ഒന്നാം സ്ഥാനം നേടിയ നസീഫ് സനീൽ അരീക്കോടിന് സംസ്ഥാന പ്രസിഡന്റ് എസ്.എ.എം. ബഷീർ സമ്മാനം നൽകുന്നു
ദോഹ: 2022 ഫിഫ ലോകകപ്പിനോടനുബന്ധിച്ച് ഖത്തർ കെ.എം.സി.സി പുളിക്കൽ പഞ്ചായത്ത് കമ്മറ്റി സംഘടിപ്പിച്ച പ്രതിദിന ഓൺലൈൻ ക്വിസ് മത്സര വിജയികൾക്കുള്ള സമ്മാനദാനവും പുതുതായി തിരഞ്ഞെടുക്കപ്പെട്ട കെ.എം.സി.സി മലപ്പുറം ജില്ല, കൊണ്ടോട്ടി മണ്ഡലം കമ്മിറ്റി ഭാരവാഹികൾക്കുള്ള സ്വീകരണവും സംഘടിപ്പിച്ചു. സംസ്ഥാന പ്രസിഡന്റ് എസ്.എ.എം. ബഷീർ ഉദ്‌ഘാടനം നിർവഹിച്ചു.
കെ.എം.സി.സി നേതാക്കളായ കെ. മുഹമ്മദ് ഈസ, ഡോ. അബ്ദുസ്സമദ്, സവാദ് വെളിയങ്കോട്, അബ്ദുൽ അക്ബർ വെങ്ങശ്ശേരി, കോയ കൊണ്ടോട്ടി, റഫീഖ് പള്ളിയാളി, ജലീൽ പള്ളിക്കൽ, ഷമീർ മണ്ണറോട്ട്, ഷുഹൈബ് ഹുദവി എന്നിവർ സംസാരിച്ചു.
പുളിക്കൽ പഞ്ചായത്ത് കെ.എം.സി.സി പ്രസിഡന്റ് കെ.കെ സാദിഖ് അധ്യക്ഷത വഹിച്ചു. ജനറൽ സെക്രട്ടറി പി.ടി. ഫിറോസ് സ്വാഗതവും സെക്രട്ടറി മുഹമ്മദ് അലി ഷാ നന്ദിയും പറഞ്ഞു. നസീഫ് സനീൽ അരീക്കോട്, മുഹമ്മദ് ഹുദവി അരിമ്പ്ര, ഖുബൈബ് അഞ്ചച്ചവിടി, ഷംസീർ പൊന്നാനി, ഷാജിന മലപ്പുറം, മുർഷിദ് ചെമ്മാട്, റാഷിദ് ചെറുമിറ്റം എന്നിവർ ക്വിസ് മത്സരത്തിൽ വിജയികളായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.