നമ്മുടെ അടുക്കളത്തോട്ടം, ഫെഡറേഷൻ ഓഫ് ഇന്ത്യൻ നഴ്സസ് ഖത്തർ സംഘടിപ്പിച്ച ശിശുദിന പരിപാടിയിൽ കുട്ടികൾക്ക് തൈകൾ സമ്മാനിച്ചപ്പോൾ
ദോഹ: നമ്മുടെ അടുക്കളത്തോട്ടം ദോഹയും ഫെഡറേഷൻ ഓഫ് ഇന്ത്യൻ നഴ്സസ് ഖത്തറും സംയുക്തമായി ശിശുദിനാഘോഷം സംഘടിപ്പിച്ചു. രാജഗിരി സ്കൂൾ അങ്കണത്തിൽ നടന്ന പരിപാടിയുടെ ഉദ്ഘാടനം രാജഗിരി സ്കൂൾ പ്രിൻസിപ്പൽ സഞ്ജീവ് കുമാറും ഐ.സി.ബി.എഫ് പ്രതിനിധി ഇർഫാൻ ഹസൻ അൻസാരിയും ചേർന്നു ചെടികൾ നട്ട് നിർവഹിച്ചു.
വിവിധതരം തൈകൾ കുട്ടികൾക്കു നൽകിയത് പരിപാടിയുടെ മാറ്റുകൂട്ടി. അതോടൊപ്പം 'ഇനി വരുന്നൊരു തലമുറക്ക് ഇവിടെ വാസം സാധ്യമോ' എന്ന കവിതയുടെ വരികൾ സ്കൂൾ പ്രിൻസിപ്പൽ കുട്ടികളെക്കൊണ്ട് ഏറ്റുപാടിച്ചു. നമ്മുടെ അടുക്കളത്തോട്ടം ദോഹ, ഫിൻക്യൂ ഭാരവാഹികളും രാജഗിരി സ്കൂൾ പ്രതിനിധികളും പങ്കെടുത്തു. അടുക്കളത്തോട്ടം പ്രസിഡൻറ് ബെന്നി തോമസ് കുട്ടികൾക്ക് കൃഷിയെക്കുറിച്ച് അവബോധം നൽകി. ജനറൽ സെക്രട്ടറി ജിജി അരവിന്ദ് ആശംസകൾ നേർന്നു. രാജഗിരി സ്കൂൾ വിദ്യാർഥി ആദിത്യ വെങ്കടാഗിരീഷ് കൃഷി അനുഭവങ്ങൾ പങ്കുെവച്ചു. ക്യാത്തി നന്ദി പ്രകടിപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.