ദോഹ: ഖത്തറിൽ വെള്ളിയാഴ്ച 244 പേർക്കുകൂടി പുതുതായി കോവിഡ് സ്ഥിരീകരിച്ചു. ഇതിൽ 173 പേർക്ക് സമൂഹ വ്യാപനത്തിലൂടെയാണ് രോഗബാധ.
71 പേർ വിദേശത്തുനിന്ന് തിരിച്ചെത്തിയവരാണ്. 119 പേരാണ് വെള്ളിയാഴ്ച രോഗമുക്തരായത്. വെള്ളിയാഴ്ച പുതിയ മരണങ്ങളുമില്ല.
നിലവിലുള്ള ആകെ രോഗികളുടെ എണ്ണം 2501 ആയി ഉയർന്നു. വെള്ളിയാഴ്ച 23,783 പേർക്കാണ് പരിശോധന നടത്തിയത്. 79 പേർ വിവിധ ആശുപത്രികളിലായി ചികിത്സയിലുണ്ട്.
ഇതിൽ എട്ടുപേരെ കഴിഞ്ഞ 24 മണിക്കൂറിനുള്ളിൽ പ്രവേശിപ്പിച്ചതാണ്. 24 പേർ തീവ്രപരിചരണ വിഭാഗത്തിൽ കഴിയുന്നുണ്ട്. ഇതിൽ രണ്ടുപേരെ വെള്ളിയാഴ്ച പ്രവേശിപ്പിച്ചതാണ്. 24 മണിക്കൂറിനിടെ 28,533 ഡോസ് വാക്സിൻ നൽകി. ഇതുവരെ ആകെ 40.67 ലക്ഷം ഡോസ് വാക്സിൻ നൽകിയതായി ആരോഗ്യ മന്ത്രാലയം അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.