ദോഹ: ഡിസ്‌നി ആരാധകർക്കൊരു സന്തോഷവാർത്ത. വിസിറ്റ് ഖത്തർ അവതരിപ്പിക്കുന്ന ഡിസ്‌നി ഓൺ ഖത്തറിന്റെ ഏറ്റവും പുതിയ പ്രദർശനമായ ‘നമുക്ക് ആഘോഷിക്കാം’ (ലെറ്റസ് സെലിബ്രേറ്റ്) നവംബർ 22 മുതൽ അലി ബിൻ ഹമദ് അൽ അതിയ്യ അരീനയിൽ നടക്കും. നവംബർ 30 വരെ കുടുംബങ്ങൾക്കും കുട്ടികൾക്കും അവിസ്മരണീയമായ അനുഭവമായിരിക്കും ഡിസ്‌നി ഓൺ ഐസ് വാഗ്ദാനം ചെയ്യുക.
മിക്കി മൗസും, മിനി മൗസും ഡൊണാൾഡ് ഡക്കും ഗൂഫിയും ഒരിക്കൽ കൂടി ഖത്തറിലെത്തി ആരാധകരെ കൈയിലെടുക്കും. തങ്ങളുടെ പ്രിയപ്പെട്ട ഓർമകൾ അയവിറക്കാനുള്ള യാത്രയാണ് ലെറ്റസ് സെലിബ്രേറ്റ്.
മിക്കിയുടെ മൗസ് പാഡ് ഉപയോഗിച്ച് ആരാധകരെക്കൂടി പ്രവർത്തനങ്ങളുടെ ഭാഗമാകാൻ പ്രോത്സാഹിപ്പിക്കുന്ന വിധമാണ് പ്രദർശനം ആസൂത്രണം ചെയ്തിരിക്കുന്നത്. വിർജിൻ മെഗാസ്റ്റോർ വഴിയാണ് ടിക്കറ്റ് വിൽപന. രണ്ട് വയസ്സിന് മുകളിലുള്ളവർക്ക് പ്രവേശനത്തിന് ടിക്കറ്റ് നിർബന്ധമാണ്. 16 വയസ്സിന് താഴെയുള്ളവർക്കൊപ്പം മുതിർന്നവർ ഉണ്ടായിരിക്കണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.