ഇ​ത് കൂ​ട്ട​വം​ശ​ഹ​ത്യ; വെ​ടി​നി​ർ​ത്ത​ലി​ന് ഗൗ​ര​വ ഇ​ട​പെ​ട​ൽ വേ​ണം -ഖ​ത്ത​ർ അ​മീ​ർ

ദോ​ഹ: ഗ​സ്സ​ക്കു പി​റ​കെ ല​ബ​നാ​നി​ലേ​ക്കും ഇ​സ്രാ​യേ​ൽ ആ​​ക്ര​മ​ണം ശ​ക്ത​മാ​ക്കി​യ​തി​നു പി​ന്നാ​ലെ മേ​ഖ​ല​യി​ലെ യു​ദ്ധ​വ്യാ​പ​ന ആ​​ശ​ങ്ക​ക​ൾ പ​ങ്കു​വെ​ച്ച് ഏ​ഷ്യ​ൻ കോ​ഓ​പ​റേ​ഷ​ൻ രാ​ജ്യ​ങ്ങ​ളു​ടെ ദോ​ഹ ഉ​ച്ച​കോ​ടി.

ഇ​ന്ത്യ ഉ​ൾ​പ്പെ​ടെ 35 രാ​ജ്യ​ങ്ങ​ൾ പ​​ങ്കെ​ടു​ക്കു​ന്ന ഏ​ഷ്യ​ൻ സ​ഹ​ക​ര​ണ ഉ​ച്ച​കോ​ടി​യു​ടെ (എ.​സി.​ഡി) ഉ​ദ്ഘാ​ട​ന ച​ട​ങ്ങി​ൽ ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി ഇ​സ്രാ​യേ​ലി​നും അ​ന്താ​രാ​ഷ്ട്ര സ​മൂ​ഹ​ത്തി​നു​മെ​തി​രെ രൂ​ക്ഷ​വി​മ​ർ​ശ​ന​മു​ന്ന​യി​ച്ചു.

ഇ​സ്രാ​യേ​ൽ തു​ട​രു​ന്ന ആ​​ക്ര​മ​ണ​ങ്ങ​ളെ കൂ​ട്ട വം​ശ​ഹ​ത്യ​യെ​ന്ന് ആ​വ​ർ​ത്തി​ച്ച ഖ​ത്ത​ർ അ​മീ​ർ, ഗ​സ്സ​യെ മ​നു​ഷ്യ വാ​സ​യോ​ഗ്യ​മ​ല്ലാ​ത്ത മ​ണ്ണാ​ക്കി മാ​റ്റു​ന്ന​തി​നു​ള്ള കൂ​ട്ട​ക്ക​ശാ​പ്പാ​ണ് ന​ട​ക്കു​ന്ന​തെ​ന്നും വ്യ​ക്ത​മാ​ക്കി. കി​ഴ​ക്ക​ൻ ജ​റൂ​സ​ലം ത​ല​സ്ഥാ​ന​മാ​ക്കി സ്വ​ത​ന്ത്ര ഫ​ല​സ്തീ​ൻ രാ​ഷ്ട്രം സ്ഥാ​പി​ക്കാ​തെ മേ​ഖ​ല​യി​ൽ ശാ​ശ്വ​ത സ​മാ​ധാ​ന​മോ സു​ര​ക്ഷി​ത​ത്വ​മോ കൈ​വ​രി​ക്കാ​ൻ ക​ഴി​യി​ല്ലെ​ന്നും അ​മീ​ർ പ​റ​ഞ്ഞു.

ഗ​സ്സ​ക്കു പി​റ​കെ ല​ബ​നാ​നി​ലെ നി​ര​പ​രാ​ധി​ക​ളെ​യും കൊ​ന്നൊ​ടു​ക്കു​ന്ന അ​ധി​നി​വേ​ശ സേ​ന​യു​ടെ വ്യോ​മാ​ക്ര​മ​ണ​ങ്ങ​ളെ അ​മീ​ർ അ​പ​ല​പി​ച്ചു. നൂ​റു​ക​ണ​ക്കി​നു​പേ​രെ കൊ​ന്നൊ​ടു​ക്കു​ക​യും ദ​ശ​ല​ക്ഷ​ങ്ങ​ളെ അ​ഭ​യാ​ർ​ഥി​ക​ളാ​ക്കു​ക​യും ചെ​യ്ത​താ​യി അ​ദ്ദേ​ഹം പ​റ​ഞ്ഞു.

ക​ഴി​ഞ്ഞ വ​ർ​ഷം ഒ​ക്ടോ​ബ​റി​ൽ ആ​രം​ഭി​ച്ച നി​ഷ്ഠു​ര ആ​ക്ര​മ​ണ​ങ്ങ​ളി​ൽ​നി​ന്നും ഇ​സ്രാ​യേ​ലി​നെ പി​ന്തി​രി​പ്പി​ക്കാ​നോ, യു​ദ്ധം അ​വ​സാ​നി​പ്പി​ക്കാ​നോ ക​ഴി​യാ​ത്ത അ​ന്താ​രാ​ഷ്ട്ര ​ഏ​ജ​ൻ​സി​ക​ളു​ടെ​യും ലോ​ക​രാ​ജ്യ​ങ്ങ​ളു​ടെ​യും പ​രാ​ജ​യ​ത്തെ​യും അ​മീ​ർ വി​മ​ർ​ശി​ച്ചു. ഇ​സ്രാ​യേ​ലി​ന്റെ കു​റ്റ​കൃ​ത്യ​ങ്ങ​ൾ​ക്കെ​തി​രാ​യ അ​ന്താ​രാ​ഷ്ട്ര പ്ര​മേ​യ​ങ്ങ​ൾ ന​ട​പ്പാ​ക്കാ​ൻ വി​സ​മ്മ​തി​ക്കു​ന്ന​തി​ന്റെ പ്ര​ത്യാ​ഘാ​ത​ങ്ങ​ളെ കു​റി​ച്ച് നേ​ര​ത്തേ​ത​ന്നെ ഞ​ങ്ങ​ൾ മു​ന്ന​റി​യി​പ്പ് ന​ൽ​കി​യി​രു​ന്നു.

തു​ട​രു​ന്ന അ​ധി​നി​വേ​ശ​വും, മ​നു​ശ്യ​രാ​ശി​ക്കെ​തി​രാ​യ കു​റ്റ​കൃ​ത്യ​ങ്ങ​ളും ചോ​ദ്യം ചെ​യ്യ​പ്പെ​ടാ​തി​രി​ക്കു​ന്ന​ത് ആ​ക്ര​മ​ണം വ്യാ​പി​പ്പി​ക്കാ​ൻ അ​വ​​ർ​ക്കു​ള്ള സ്വാ​ത​ന്ത്ര്യ​മാ​വു​ന്നു. എ​ല്ലാ നി​യ​മ​ങ്ങ​ളെ​യും അ​വ​ഗ​ണി​ച്ച് ഫ​ല​സ്തീ​നി​ലും, പി​ന്നാ​ലെ ല​ബ​നാ​നി​ലും മ​നു​ഷ്യ​രെ കൊ​ന്നൊ​ടു​ക്കു​ന്നു.

യു​ദ്ധം അ​വ​സാ​നി​പ്പി​ക്കാ​നും വെ​ടി​നി​ർ​ത്ത​ലി​നും ഗൗ​ര​വ​പ​ര​മാ​യ ന​ട​പ​ടി​ക​ൾ ഇ​നി​യും വൈ​കി​ക്കൂ​ടാ -അ​മീ​ർ പ​റ​ഞ്ഞു. ഉ​ച്ച​കോ​ടി​യി​ൽ സം​സാ​രി​ച്ച കു​വൈ​ത്ത് കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​ൽ സ​ബാ​ഹും അ​ന്താ​രാ​ഷ്ട്ര സ​മൂ​ഹ​ത്തി​ന്റെ നി​ശ്ശ​ബ്ദ​ത​യെ വി​മ​ർ​ശി​ച്ചു.

പശ്ചിമേഷ്യയിലെ സംഘർഷ സാഹചര്യത്തിൽ ഇന്ത്യൻ വിദേശകാര്യ സഹമന്ത്രി കീർത്തി വർധൻ സിങ് ഉത്കണ്ഠ പ്രകടിപ്പിച്ചു. സംയമനം പാലിക്കാനും ചർച്ചകളിലും നയതന്ത്രത്തിലൂടെയും പ്രശ്നങ്ങൾ പരിഹരിക്കാനും ശ്രമിക്കണമെന്നും ഉച്ചകോടിയിൽ പ​ങ്കെടുത്തുകൊണ്ട് അദ്ദേഹം ആഹ്വാനം ചെയ്തു.

അ​ന്താ​രാ​ഷ്ട്ര നി​യ​മ​ങ്ങ​ൾ ന​ട​പ്പാ​ക്കു​ന്ന​തി​ലും മ​നു​ഷ്യാ​വ​കാ​ശം സം​ര​ക്ഷി​ക്കു​ന്ന​തി​ലു​മു​ള്ള ലോ​ക​ത്തി​ന്റെ ഇ​ര​ട്ട​ത്താ​പ്പാ​ണ് ഗ​സ്സ​യി​ലൂ​ടെ വ്യ​ക്ത​മാ​വു​ന്ന​തെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി. ഫ​ല​സ്തീ​​ൻ പ്ര​ശ്നം ഏ​ഷ്യ​ൻ വ​ൻ​ക​ര​യെ ത​ന്നെ വേ​ട്ട​യാ​ടു​ന്ന വേ​ദ​ന​യാ​ണെ​ന്നും അ​ദ്ദേ​ഹം പ​റ​ഞ്ഞു.

ഇ​റാ​ൻ പ്ര​സി​ഡ​ന്റ് ​മ​സൂ​ദ് പെ​സ​ഷ്കി​യാ​ൻ, ത​ജി​കി​സ്താ​ൻ പ്ര​സി​ഡ​ന്റ് ഇമാമലി റഹ്മാൻ, യു.​എ.​ഇ വൈ​സ് പ്ര​സി​ഡ​ന്റും ഉ​പ​പ്ര​ധാ​ന​മ​ന്ത്രി​യു​മാ​യ ശൈ​ഖ് മ​ൻ​സൂ​ർ ബി​ൻ സാ​യി​ദ് അ​ൽ ന​ഹ്യാ​ൻ, താ​യ്‍ല​ൻ​ഡ് പ്ര​ധാ​ന​മ​ന്ത്രി പ​യേ​തു​ങ്താ​ൻ ഷി​ന​വ​ത്ര, ഇ​ന്ത്യ​ൻ വി​ദേ​ശ​കാ​ര്യ സ​ഹ​മ​ന്ത്രി കീ​ർ​ത്തി വ​ർ​ധ​ൻ സി​ങ്, സൗ​ദി വി​ദേ​ശ​കാ​ര്യ മ​ന്ത്രി പ്രി​ൻ​സ് ഫൈ​സ​ൽ ബി​ൻ ഫ​ർ​ഹാ​ൻ ബി​ൻ അ​ബ്ദു​ല്ല എ​ന്നി​വ​ർ ഉ​ൾ​പ്പെ​ടെ 35 രാ​ഷ്ട്ര​പ്ര​തി​നി​ധി​ക​ൾ ഉ​ച്ച​കോ​ടി​യി​ൽ പ​​ങ്കെ​ടു​ത്തു.