ബർലിനിൽ അമീർ-ജർമൻ ചാൻസലർ ചർച്ച

ദോഹ: ഔദ്യോഗിക സന്ദർശനത്തിന്‍റെ ഭാഗമായി ജർമനിയിലെത്തിയ അമീർ ശൈഖ് തമീം ബിൻ ഹമദ് ആൽഥാനി ബർലിനിൽ ചാൻസലർ ഒലഫ് ഷോൾസുമായി ചർച്ചനടത്തി.

ഖത്തറും ജർമനിയും തമ്മിലുള്ള നയതന്ത്രബന്ധവും വിവിധ മേഖലകളിൽ സഹകരണം ശക്തമാക്കുന്നതുമായി ബന്ധപ്പെട്ടും ചർച്ചയിൽ ഇരുരാഷ്ട്ര നേതാക്കളും ചർച്ചചെയ്തു.

വിദ്യാഭ്യാസ, സാമ്പത്തിക, നിക്ഷേപ, ഊർജ, പ്രതിരോധ മേഖലകളിൽ സഹകരണം കൂടുതൽ ഊട്ടിയുറപ്പിക്കുന്നതും കൂടിക്കാഴ്ചയിൽ ചർച്ചയായി.

മേഖല, അന്തർദേശീയതലങ്ങളിലെ ഏറ്റവും പുതിയ സംഭവവികാസങ്ങളും പൊതുതാൽപര്യ വിഷയങ്ങളും അമീർ-ചാൻസലർ ചർച്ചയിൽ വിശകലനം ചെയ്തു. ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുറഹ്മാൻ ആൽഥാനി, അമീരി ദീവാൻ ചീഫ് സഈദ് ബിൻ അബ്ദുറഹ്മാൻ ആൽഥാനി, ധനകാര്യമന്ത്രി അലി ബിൻ അഹ്മദ് അൽ കുവാരി, ഊർജ സഹമന്ത്രി സഅദ് ബിൻ ശെരീദ അൽ കഅ്ബി, വാണിജ്യ വ്യവസായ മന്ത്രി ശൈഖ് മുഹമ്മദ് ബിൻ ഹമദ് ബിൻ ഖാസിം അൽ അബ്ദുല്ല ആൽഥാനി എന്നിവർ ചടങ്ങിൽ സംബന്ധിച്ചു. ജർമൻ ഭരണകൂടത്തിലെ ഉന്നത വ്യക്തിത്വങ്ങളും ചർച്ചയിൽ പങ്കെടുത്തു.

നേരത്തേ പ്രസിഡന്‍റ് ഡോ. ഫ്രാങ്ക് വാൾട്ടർ സ്റ്റിൻമിയർ, വൈസ് ചാൻസലർ റോബർട്ട് ഹാബെക് എന്നിവരെയും അമീർ സന്ദർശിച്ചിരുന്നു. സ്പാനിഷ് സന്ദർശനം പൂർത്തിയാക്കിയാണ് അമീർ ബർലിനിലെത്തിയത്.

ഖ​ത്ത​ർ-​ജ​ർ​മ​നി ബ​ന്ധം ഏ​റെ പ്ര​ധാ​ന​പ്പെ​ട്ട​ത് -അ​മീ​ർ

ദോ​ഹ: ഖ​ത്ത​റും ജ​ർ​മ​നി​യും ത​മ്മി​ലു​ള്ള ബ​ന്ധം ഏ​റെ ത​ന്ത്ര​പ​ര​വും സ​വി​ശേ​ഷ​വു​മാ​ണെ​ന്ന് അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി. ബ​ർ​ലി​നി​ലെ ചാ​ൻ​സ​ല​റി​യി​ൽ ജ​ർ​മ​ൻ ചാ​ൻ​സ​​ല​ർ ഒ​ല​ഫ് ഷോ​ൾ​സു​മൊ​ത്ത് ന​ട​ത്തി​യ സം​യു​ക്ത വാ​ർ​ത്ത​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ജ​ർ​മ​ൻ സ​ന്ദ​ർ​ശ​ന​ത്തി​ലും ചാ​ൻ​സ​​ല​റു​മാ​യു​ള്ള കൂ​ടി​ക്കാ​ഴ്ച​യി​ലും ഏ​റെ സ​ന്തോ​ഷ​മു​ണ്ടെ​ന്നും ഇ​രു​രാ​ജ്യ​ങ്ങ​ളും ത​മ്മി​ലു​ള്ള ബ​ന്ധ​ത്തി​ൽ രാ​ഷ്ട്രീ​യ, നി​ക്ഷേ​പ, സാ​മ്പ​ത്തി​ക പ​ങ്കാ​ളി​ത്ത​ത്തി​ന് ഏ​റെ പ്രാ​ധാ​ന്യ​മു​ണ്ടെ​ന്നും അ​മീ​ർ കൂ​ട്ടി​ച്ചേ​ർ​ത്തു.

ജ​ർ​മ​നി​യി​ലെ ഏ​റ്റ​വും വ​ലി​യ നി​ക്ഷേ​പ​ക​രി​ൽ ഒ​ന്ന് ഖ​ത്ത​റാ​ണെ​ന്നും ഈ ​നി​ക്ഷേ​പ​ങ്ങ​ൾ വ​ർ​ധി​പ്പി​ക്കാ​നാ​യി ഖ​ത്ത​ർ പ്ര​വ​ർ​ത്തി​ക്കു​മെ​ന്നും വ്യ​ക്ത​മാ​ക്കി​യ അ​ദ്ദേ​ഹം, ഇ​രു​രാ​ജ്യ​ങ്ങ​ളും ത​മ്മി​ലു​ള്ള വ്യാ​പാ​ര വി​നി​മ​യ​ത്തി​ൽ സം​തൃ​പ്തി രേ​ഖ​പ്പെ​ടു​ത്തു​ക​യും ചെ​യ്തു.

ക​ഴി​ഞ്ഞ​വ​ർ​ഷം ഇ​രു​വ​രും ത​മ്മി​ലു​ള്ള വ്യാ​പാ​ര വ്യാ​പ്തി 80 ശ​ത​മാ​നം വ​ർ​ധി​ച്ച് ബി​ല്യ​ൻ ഡോ​ള​റി​ല​ധി​ക​മാ​യെ​ന്നും ദോ​ഹ​യി​ൽ ഫോ​ക്സ്​​വാ​ഗ​നും ജ​ർ​മ​ൻ ചെ​റു​കി​ട, ഇ​ട​ത്ത​രം സം​രം​ഭ​ക സ​മി​തി​ക​ളും ഈ​യി​ടെ തു​റ​ന്ന പ്രാ​ദേ​ശി​ക ഓ​ഫി​സു​ക​ളും അ​മീ​ർ സം​സാ​ര​ത്തി​നി​ടെ പ​രാ​മ​ർ​ശി​ച്ചു.

ഈ ​വ​ർ​ഷം അ​വ​സാ​ന​ത്തി​ൽ ഖ​ത്ത​ർ ആ​തി​ഥ്യ​മ​രു​ളു​ന്ന ഫി​ഫ ലോ​ക​ക​പ്പ് ഫു​ട്ബാ​ളി​ന്‍റെ ത​യാ​റെ​ടു​പ്പു​ക​ൾ സം​ബ​ന്ധി​ച്ച് ചാ​ൻ​സ​​ല​റു​മാ​യി സം​സാ​രി​ച്ചെ​ന്നും ഇ​തു​വ​രെ ജ​ർ​മ​നി​യി​ൽ​നി​ന്നും ആ​റു​ല​ക്ഷ​ത്തി​ല​ധി​കം ടി​ക്ക​റ്റ് അ​പേ​ക്ഷ​ക​ളാ​ണ് ല​ഭി​ച്ചി​രി​ക്കു​ന്ന​തെ​ന്നും ജ​ർ​മ​ൻ ആ​രാ​ധ​ക​രെ ദോ​ഹ​യി​ലേ​ക്ക് സ്വാ​ഗ​തം ചെ​യ്യു​ന്നു​വെ​ന്നും അ​മീ​ർ വ്യ​ക്ത​മാ​ക്കി.