ദോഹ: ഖത്തർ പ്രവാസം മതിയാക്കി നാട്ടിലേക്ക് മടങ്ങുന്ന ഗൾഫ് ടൈംസ് ഫോട്ടോഗ്രാഫറും ഇന്ത്യൻ മീഡിയ ഫോറം വൈസ്പ്രസിഡൻറുമായ മുഹമ്മദലി അറക്കലിന് ഐ.എം.എഫ് പ്രവർത്തക യോഗം യാത്രയയപ്പു നൽകി. സ്‌കിൽസ് ഡെവലപ് സെൻററിൽ ചേർന്ന യോഗത്തിൽ ഐ.എം.എഫ് പ്രസിഡൻറ് പി.സി. സൈഫുദ്ദീൻ അധ്യക്ഷത വഹിച്ചു.
കഴിഞ്ഞ 10 വർഷമായി ഐ.എം.എഫിൽ അംഗമായ മുഹമ്മദ് അലി മൂന്നു പതിറ്റാണ്ടായി ഗൾഫ് ടൈംസിൽ ഫോട്ടോഗ്രാഫറായി ജോലി ചെയ്യുകയായിരുന്നു. സാദിഖ് ചെന്നാടൻ, അഹമ്മദ് കുട്ടി, കെ. ഹുബൈബ്, ഫിറോസ് അഹമ്മദ്, സക്കറിയ എന്നിവർ സംസാരിച്ചു. ജനറൽ സെക്രട്ടറി ഐ.എം.എ റഫീഖ് സ്വാഗതവും ഓമനക്കുട്ടൻ നന്ദിയും പറഞ്ഞു. മുഹമ്മദലി അറക്കൽ മറുപടി പ്രസംഗം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.