ഗ്രാൻഡ് ഹൈപ്പർമാർക്കറ്റ് നടത്തിയ ഓൺലൈൻ ചിത്രരചന മത്സരത്തിലെ വിജയികൾക്ക് സമ്മാനം നൽകിയപ്പോൾ
ദോഹ: ഗ്രാൻഡ് ഹൈപ്പർമാർക്കറ്റ് നടത്തിയ ഓൺലൈൻ ചിത്രരചന മൽസരത്തിലെ വിജയികൾക്ക് സമ്മാനങ്ങൾ നൽകി. 'ബാക്ക് ടു സ്റ്റഡി' പ്രമോഷൻെറ ഭാഗമായാണ് ഗ്രാൻഡ് ഹൈപ്പർമാർക്കറ്റ് എസ്താൻ മാൾ അൽ വുകൈറിൽ വെച്ച് പരിപാടി നടത്തിയത്. മൂന്നു വ്യത്യസ്ത കാറ്റഗറികളിലായി നടത്തിയ മൽസരത്തിൽ 400ഓളം കുട്ടികൾ പങ്കെടുത്തിരുന്നു.
കാറ്റഗറി 'എ'യിൽ മൂന്നിനും അഞ്ചിനും ഇടയിലുള്ള കുട്ടികൾ 'ഡ്രീം ഹൗസ്', കാറ്റഗറി 'ബി'യിൽ ആറിനും ഒമ്പതിനും ഇടയിലുള്ളവർ 'സേവ് ദ എർത്ത്', കാറ്റഗറി 'സി'യിൽ 10നും 13നും ഇടയിലുള്ളവർ 'ഡേയ്സ് ഓഫ് സർവൈവൽ' എന്നീ വിഷയങ്ങളിലാണ് മൽസരിച്ചത്.
സ്കൂൾ തുറക്കുന്നതിൻെറ ഭാഗമായി ഗ്രാൻഡ് ഹൈപ്പർമാർക്കറ്റ് 'ബാക്ക് ടു സ്റ്റഡി' പ്രൊമോഷൻ തുടങ്ങിയിരുന്നു. വിദ്യാർഥികൾക്ക് ആവശ്യമായ നിരവധി സാധനങ്ങളാണ് വൻ ഓഫറിൽ ഒരുക്കിയിരിക്കുന്നതെന്ന് റീജനൽ ഡയറക്ടർ അഷ്റഫ് ചിറക്കൽ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.