ഹ​മാ​സ് നേ​താ​ക്ക​ൾ ദോ​ഹ​യി​ലി​ല്ല; ഓ​ഫി​സ് അ​ട​ച്ചി​ട്ടി​ല്ല -ഖ​ത്ത​ർ

ദോ​ഹ: ഗ​സ്സ​യി​ലെ വെ​ടി​നി​ർ​ത്ത​ൽ ച​ർ​ച്ച​ക​ളി​ൽ പ്ര​ധാ​ന പ​ങ്കു​വ​ഹി​ച്ച ഖ​ത്ത​റി​ലെ ഹ​മാ​സി​ന്റെ രാ​ഷ്ട്രീ​യ കാ​ര്യ ഓ​ഫി​സ് അ​ട​ച്ചു​പൂ​ട്ടി​യി​ട്ടി​ല്ലെ​ന്ന് വ്യ​ക്ത​മാ​ക്കി വി​ദേ​ശ​കാ​ര്യ​മ​ന്ത്രാ​ല​യം. ഗ​സ്സ​യി​ലെ യു​ദ്ധം അ​വ​സാ​നി​പ്പി​ക്കു​ന്ന​ത് സം​ബ​ന്ധി​ച്ച് നി​ല​വി​ൽ മ​ധ്യ​സ്ഥ ച​ർ​ച്ച​ക​ളൊ​ന്നു​മി​ല്ലാ​ത്ത​തി​നാ​ൽ, ദോ​ഹ​യി​ലെ ഹ​മാ​സ് ഓ​ഫി​സ് ആ ​ത​ര​ത്തി​ൽ പ്ര​വ​ർ​ത്തി​ക്കു​ന്നി​ല്ലെ​ന്നും, എ​ന്നാ​ൽ ഓ​ഫി​സ് അ​ട​ച്ചു​പൂ​ട്ടി​യി​ട്ടി​ല്ലെ​ന്നും ദോ​ഹ​യി​ൽ ന​ട​ന്ന വാ​ർ​ത്ത​സ​മ്മേ​ള​ന​ത്തി​ൽ ഖ​ത്ത​ർ വി​ദേ​ശ​കാ​ര്യ​മ​ന്ത്രാ​ല​യ വ​ക്താ​വ് മാ​ജി​ദ് അ​ൽ അ​ൻ​സാ​രി അ​റി​യി​ച്ചു.

മ​ധ്യ​സ്ഥ ച​ർ​ച്ച​ക​ളു​ടെ ഭാ​ഗ​മാ​യി ​പ്ര​വ​ർ​ത്തി​ച്ച ഹ​മാ​സ് നേ​താ​ക്ക​ൾ നി​ല​വി​ൽ ദോ​ഹ​യി​ൽ ഇ​ല്ലെ​ന്നും അ​വ​ർ പ​തി​വാ​യി വി​വി​ധ രാ​ജ്യ​ങ്ങ​ളി​ലേ​ക്ക് നീ​ങ്ങു​ന്ന​താ​ണെ​ന്നും അ​ദ്ദേ​ഹം പ​റ​ഞ്ഞു.

‘‘ദോ​ഹ​യി​ലെ ഹ​മാ​സ് രാ​ഷ്ട്രീ​യ കാ​ര്യ ഓ​ഫി​സ് ച​ർ​ച്ച​ക​ൾ​ക്കു​ള്ള കേ​ന്ദ്ര​മെ​ന്ന നി​ല​യി​ൽ തു​റ​ന്ന​താ​ണ്. മ​ധ്യ​സ്ഥ പ്ര​ക്രി​യ ഇ​ല്ലെ​ങ്കി​ൽ ഓ​ഫി​സി​​ന്‍റെ ഒ​രു പ്ര​വ​ർ​ത്ത​ന​വും ഉ​ണ്ടാ​കി​ല്ല. ഓ​ഫി​സ് സം​ബ​ന്ധ​മാ​യ കാ​ര്യ​ങ്ങ​ൾ ഔ​ദ്യോ​ഗി​ക കേ​ന്ദ്ര​ങ്ങ​ൾ വ​ഴി അ​റി​യി​ക്കും. ഊ​ഹാ​പോ​ഹ​ങ്ങ​ളു​ടെ ഭാ​ഗ​മാ​ക​രു​ത്’’ -വാ​ർ​ത്ത​സ​മ്മേ​ള​ന​ത്തി​ൽ ചോ​ദ്യ​ങ്ങ​ൾ​ക്ക് ഉ​ത്ത​ര​മാ​യി വി​ദേ​ശ​കാ​ര്യ വ​ക്താ​വ് വ്യ​ക്ത​മാ​ക്കി.

ഗ​സ്സ​യി​ലെ വെ​ടി​നി​ർ​ത്ത​ൽ ച​ർ​ച്ച​ക​ൾ സം​ബ​ന്ധി​ച്ച് നേ​ര​ത്തേ​യും ഖ​ത്ത​ർ ഇ​ക്കാ​ര്യ​ങ്ങ​ൾ വ്യ​ക്ത​മാ​ക്കി​യി​രു​ന്നു. യു​ദ്ധ​ത്തി​ലെ ക​ക്ഷി​ക​ളാ​യ ഹ​മാ​സും ഇ​സ്രാ​യേ​ലും ആ​ത്മാ​ർ​ഥ​മാ​യി സ​ന്ന​ദ്ധ​ത അ​റി​യി​ച്ചാ​ൽ മാ​ത്ര​മേ ഇ​നി ച​ർ​ച്ച തു​ട​രൂ എ​ന്നും, നി​ല​വി​ൽ ഒ​രു ച​ർ​ച്ച​യും ന​ട​ക്കു​ന്നി​ല്ലെ​ന്നും 10 ദി​വ​സം മു​മ്പ് വാ​ർ​ത്ത​ക്കു​റി​പ്പി​ലൂ​ടെ വി​ദേ​ശ​കാ​ര്യ​മ​ന്ത്രാ​ല​യം വെ​ളി​പ്പെ​ടു​ത്തി​യി​രു​ന്നു. ഭാ​വി​യി​ലെ മ​ധ്യ​സ്ഥ ദൗ​ത്യ​ങ്ങ​ൾ ഇ​രു ക​ക്ഷി​ക​ളു​ടെ​യും സ​ന്ന​ദ്ധ​ത​യെ ​ആ​ശ്ര​യി​ച്ചി​രി​ക്കു​മെ​ന്നും വ്യ​ക്ത​മാ​ക്കി.