അപെക്സ് ലൈഫ് ടൈം അച്ചീവ്മെന്റ് പുരസ്കാരം ഖത്തർ എയർവേസ് ഗ്രൂപ്പ് സി.ഇ.ഒ അക്ബർ അൽ ബാകിർ
ഏറ്റുവാങ്ങുന്നു
ദോഹ: വ്യോമയാന മേഖലയിലെ സമഗ്ര സംഭാവനക്കുള്ള ആദരവായി ഖത്തർ എയർവേസ് ഗ്രൂപ്പ് സി.ഇ.ഒ അക്ബർ അൽ ബാകിറിന് അപെക്സ് ഐ.എഫ്.എസ്.എ പുരസ്കാരം. വിമാനയാത്രികരുടെ അന്താരാഷ്ട്ര കൂട്ടായ്മയായ എയർലൈൻ പാസഞ്ചർ എക്സ്പീരിയൻസ് അസോസിയേഷൻ (അപെക്സ്), ഇന്റർനാഷനൽ ൈഫ്ലറ്റ് സർവിസസ് അസോസിയേഷൻ (ഐ.എഫ്.എസ്.എ) എന്നിവർ സംയുക്തമായി സമ്മാനിക്കുന്ന പുരസ്കാരം വ്യോമയാന മേഖലയിലെ തന്നെ ഏറ്റവും വിലയേറിയ അംഗീകാരം കൂടിയാണ്.
അപെക്സ് സി.ഇ.ഒ ഡോ. ജോ ലീഡർ പുരസ്കാരം സമ്മാനിച്ചു. ഖത്തർ എയർവേസിനെ ലോകോത്തര നിലവാരത്തിലേക്ക് ഉയർത്തുകയും വിമാനയാത്ര ഏറ്റവും മികച്ച അനുഭവമാക്കി മാറ്റുകയും ചെയ്ത നേതൃമികവിനുള്ള അംഗീകാരംകൂടിയാണിത്. ഖത്തർ എയർവേസിനും, തങ്ങളുടെ സർവിസിനെ ലോകോത്തരമാക്കി ഉയർത്തിയജീവനക്കാർക്കുമുള്ള അംഗീകാരമാണിതെന്ന് അക്ബർ അൽ ബാകിർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.