ദോഹ: ഖത്തർ ഇന്ത്യൻ ഫുട്ബാൾ ഫോറം (ഖിഫ്) ഫുട്ബാൾ ടൂർണമെന്റ് 14ാം എഡിഷനായുള്ള ടീം രജിസ്ട്രേഷൻ പുരോഗമിക്കുന്നതായി സംഘാടകർ അറിയിച്ചു.
ഒക്ടോബർ 19ന് ദോഹ സ്റ്റേഡിയത്തിൽ ആരംഭിക്കുന്ന ടൂർണമെന്റിൽ ഖത്തറിൽ സജീവമായ ജില്ലാ സംഘടനകളുടെ ടീമുകളാണ് മാറ്റുരക്കുന്നത്.
പ്രവാസികൾക്കിടയിൽ ഫുട്ബാൾ കൂടുതൽ ജനകീയമാക്കുന്നതിന്റെ ഭാഗമായി സ്വന്തമായി ടീമുകളില്ലാത്ത ജില്ലകൾക്ക് സംയുക്തമായി ടീമുകൾ രൂപവത്കരിച്ച് രജിസ്റ്റർ ചെയ്ത് മത്സരത്തിൽ പങ്കെടുക്കാമെന്ന തീരുമാനം ഈ വർഷം മുതൽ നടപ്പിൽ വരുത്തുന്നുണ്ടെന്നും സംഘാടകർ കൂട്ടിച്ചേർത്തു.ഈ സീസണിലെ മത്സരങ്ങൾക്കായുള്ള രജിസ്ട്രേഷൻ സെപ്റ്റംബർ 10നകം പൂർത്തിയാക്കേണ്ടതാണ്. 2007ൽ ആരംഭിച്ച ഖിഫ് ഫുട്ബാൾ ടൂർണമെന്റ് ഖത്തറിലെയും ജി.സി.സിയിലെയും ഏറ്റവും ജനകീയ ടൂർണമെന്റുകളിലൊന്നാണ്. കോവിഡും തുടർന്ന് ലോകകപ്പ് ഫുട്ബാളിനുമായുള്ള ചെറിയൊരു ഇടവേളക്കുശേഷം വിപുലമായ ഒരുക്കങ്ങളോടെയാണ് 14ാം സീസണ് തുടക്കം കുറിക്കുന്നത്.ടൂർണമെൻറ് സംബന്ധമായ വിശദ വിവരങ്ങൾക്ക് ജനറൽ സെക്രട്ടറി ഷമീനെ 55252219 നമ്പറിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.