മീഡിയ വൺ ഖിഫ് സൂപ്പർ കപ്പിൽ വെള്ളിയാഴ്ച രാത്രി നടന്ന വയനാട് കൂട്ടം - ട്രാവൻകൂർ എഫ്.സി മത്സരത്തിൽ നിന്ന്
ദോഹ: മീഡിയ വൺ ഖിഫ് സൂപ്പർ കപ്പ് ഫുട്ബാളിൽ വ്യാഴാഴ്ച രാത്രി നടന്ന രണ്ടാം അങ്കത്തിൽ കോഴിക്കോട് കെ.എം.സി.സി ടീമിന് ജയം. കോഴിക്കോടൻ ടീമുകളുടെ പോരാട്ടമായി മാറിയ മത്സരത്തിൽ മാക് കോഴിക്കോടിനെതിരെ 2-0ത്തിനായിരുന്നു കെ.എം.സി.സി ടീമിന്റെ വിജയം. മാക്കിനെതിരെ ജസീമും ആഷിഫും കെ.എം.സി.സിയുടെ ഗോളുകൾ നേടി. കളിയുടെ ആദ്യ പകുതിയിൽ തന്നെ മാക്കിനും കെ.എം.സി.സിക്കും ഓരോ താരങ്ങളെ ചുവപ്പ് കാർഡിലൂടെ നഷ്ടമായിരുന്നു.
വെള്ളിയാഴ്ച രാത്രി നടന്ന ആദ്യ മത്സരത്തിൽ വയനാട് കൂട്ടം-ട്രാവൻകൂർ എഫ്.സി ടീം ഓരോ ഗോൾ വീതം നേടി സമനിലയിൽ പിരിഞ്ഞു. തുല്യശക്തികൾ തമ്മിലെ മത്സരത്തിൽ വയനാടിനായി മുഹമ്മദ് ഷംനൂറും, ട്രാവൻകൂർ എഫ്.സിക്കായി മുഹമ്മദ് ഷാനും ഗോൾ നേടി.
വ്യാഴാഴ്ച നടന്ന ആദ്യ മത്സരത്തിൽ അനക്സ് പാലക്കാട് - യുനൈറ്റഡ് എറണാകുളം മത്സരം 2-2 ന് സമനിലയിൽ പിരിയുകയായിരുന്നു. എറണാകുളത്തിന് വേണ്ടി സുബി വർഗീസ്, ആകാശ് എന്നിവരും, പാലക്കാടിനു വേണ്ടി മുബശ്ശിർ, മുസമ്മിൽ എന്നിവരും ഗോൾ നേടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.