ജില്ല മുസ്ലിംലീഗ് നേതാക്കൾക്ക് കെ.എം.സി.സി കൊയിലാണ്ടി മണ്ഡലം കമ്മിറ്റി നേതൃത്വത്തിൽ നൽകിയ സ്വീകരണം
ദോഹ: ബാഫഖി തങ്ങൾ കമ്യൂണിറ്റി റിസോഴ്സ് ഡെവലപ്മെന്‍റ് സെന്‍ററിന്റെ പ്രചാരണാർഥം ഖത്തറിൽ എത്തിയ കോഴിക്കോട് ജില്ല മുസ്ലിം ലീഗ് പ്രസിഡൻറ് എം.എ. റസാഖ് മാസ്റ്റർ, ജനറൽ സെക്രട്ടറി ടി.ടി. ഇസ്മായിൽ, ട്രഷറർ സൂപ്പി നരിക്കാട്ടേരി എന്നിവർക്ക് കൊയിലാണ്ടി മണ്ഡലം കെ.എം.സി.സി സ്വീകരണം നൽകി.
ആക്ടിങ് പ്രസിഡൻറ് ഫാസിൽ കൊല്ലം അധ്യക്ഷത വഹിച്ചു. കെ.എം.സി.സി ആസ്ഥാനത്ത് നടന്ന ചടങ്ങ് സംസ്ഥാന പ്രസിഡൻറ് ഡോ. അബ്ദുൽ സമദ് ഉദ്ഘാടനം ചെയ്തു.
ഹ്രസ്വ സന്ദർശനാർഥമെത്തിയ തൊടുവയിൽ മൊയ്തു ഹാജിക്ക് ചടങ്ങിൽ സ്നേഹാദരം നൽകി. എസ്.എസ്.പി കാമ്പയിനിൽ മികച്ച പ്രകടനം കാഴ്ചവെച്ച ചേമഞ്ചേരി, ചെങ്ങോട്ടുകാവ്, മൂടാടി, പയ്യോളി, തിക്കോടി കമ്മിറ്റിക്ക് ഉപഹാരം നൽകി. അരുണോദയ യൂനിവേഴ്സിറ്റിയിൽനിന്ന് ഗവേഷണ ബിരുദം നേടിയ അബ്ദുറഹ്മാൻ പുറക്കാടിന് ടി.ടി. ഇസ്മായിൽ ഉപഹാരം നൽകി.
ജില്ല ഭാരവാഹികളായ ടി.ടി. കുഞ്ഞമ്മദ്, അതീഖ് റഹ്‌മാൻ, ഫിർദൗസ്, നബീൽ നന്തി, നവാസ് കോട്ടക്കൽ, ഒ.പി. സാലിഹ് എന്നിവർ സംസാരിച്ചു.
കൊയിലാണ്ടി മണ്ഡലം ഭാരവാഹികളായ കെ.വി. ബഷീർ, ഷരീഫ് കാപ്പാട്, ഉസ്മാൻ പൂക്കാട്, അബ്ദുറഹ്മാൻ പുറക്കാട്, മുഫീദ് കോട്ടക്കൽ എന്നിവർ സന്നിഹിതരായിരുന്നു. ജനറൽ സെക്രട്ടറി ജൗഹർ പുറക്കാട് സ്വാഗതവും ട്രഷറർ നൗഫൽ അലങ്കാർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.