കെ.എം.സി.സി വനിത വിങ് നേതൃത്വത്തിൽ നടന്ന തെരഞ്ഞെടുപ്പ് വിജയാഘോഷത്തിൽ കേക്ക് മുറിക്കുന്നു
ദോഹ: കോഴിക്കോട്, വടകര, വയനാട് പാർലമെന്റ് മണ്ഡലങ്ങളിലെ ഐക്യജനാധിപത്യ മുന്നണി സ്ഥാനാർഥികളുടെ വിജയം ആഘോഷിച്ച് ഖത്തർ കെ.എം.സി.സി കോഴിക്കോട് ജില്ല വനിത വിങ്. കെ.എം.സി.സി ആസ്ഥാനത്ത് നടന്ന ചടങ്ങ് സംസ്ഥാന പ്രസിഡന്റ് ഡോ. അബ്ദുൽ സമദ് ഉദ്ഘാടനം നിർവഹിച്ചു. ഇബ്രാഹിം ശമ്മാസ് ഖിറാഅത്ത് നടത്തി. വിമൻസ് വിങ് കോഴിക്കോട് ജില്ല പ്രസിഡന്റ് ആയിഷ നജാദ് അധ്യക്ഷത വഹിച്ചു.
കെ.എം.സി.സി ഉപദേശകസമിതി ചെയർമാൻ ഷാഫി ഹാജി, ജില്ല ആക്ടിങ് പ്രസിഡന്റ് ഷരീഫ് പി.സി, ജില്ല ജനറൽ സെക്രട്ടറി അതീഖ് റഹ്മാൻ, വനിത വിങ് പ്രസിഡന്റ് സമീറ അബ്ദുൽ നാസർ, ജനറൽ സെക്രെട്ടറി സലീന കൂലത്ത് എന്നിവർ ആശംസകൾ അർപ്പിച്ചു. വടകര പാർലമെന്റ് മണ്ഡലത്തിൽനിന്നും വിജയിച്ച ഷാഫി പറമ്പിലിന്റെ സഹോദരി ഷെഫിൻ പറമ്പിൽ കേക്ക് മുറിച്ച് മധുര വിതരണം നടത്തി.
ട്രഷറർ സമീറ പി.കെ, സെക്രട്ടറി റുമീന, ഉപേദേശക സമിതി ചെയർപേഴ്സൻ മൈമൂന, വിമൻസ് വിങ് ഉപദേശക സമിതി അംഗമായ ഫദീല ഹസൻ, വിമൻസ് വിങ് കോഴിക്കോട് ജില്ല ഭാരവാഹികളായ റസീന, റൂബി, നസീഹ, കോഴിക്കോട് ജില്ല വിമൻസ് വിങ് എക്സിക്യൂട്ടിവ് അംഗങ്ങൾ, തലശേരി മണ്ഡലം വിമൻസ് വിങ് ഭാരവാഹികൾ, കോട്ടക്കൽ മണ്ഡലം വിമൻസ് വിങ് ഭാരവാഹികൾ എന്നിവർ സന്നിഹിതരായി.കോഴിക്കോട് ജില്ല വിമൻസ് വിങ് ജനറൽ സെക്രട്ടറി ഷംസീന നൗഫൽ സ്വാഗതവും നസീഹ നല്ലൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.