ലൂ​യി ഗാ​ർ​ഷ്യ ഖ​ത്ത​ർ കോ​ച്ച്

ദോ​ഹ: ഖ​ത്ത​ർ ദേ​ശീ​യ ഫു​ട്ബാ​ൾ ടീ​മി​ന്റെ പു​തി​യ പ​രി​ശീ​ല​ക​നാ​യി സ്പാ​നി​ഷു​കാ​ര​ൻ ലൂ​യി ഗാ​ർ​ഷ്യ​യെ നി​യ​മി​ച്ചു. അ​ന്നാ​ബി​യെ ഏ​ഷ്യ​ൻ ക​പ്പ് ഫു​ട്ബാ​ൾ കി​രീ​ട​ത്തി​ലേ​ക്ക് ന​യി​ച്ച മാ​ർ​ക്വേ​സ് ലോ​പ​സി​നെ ഒ​ഴി​വാ​ക്കി​യാ​ണ് സ​ഹ​പ​രി​ശീ​ല​ക​നാ​യി​രു​ന്ന ലൂ​യി ഗാ​ർ​ഷ്യ​യെ പു​തി​യ കോ​ച്ചാ​യി പ്ര​ഖ്യാ​പി​ച്ച​ത്.

റ​യ​ൽ മ​ഡ്രി​ഡ് യൂ​ത്ത് ടീ​മി​ലൂ​ടെ ഫു​ട്ബാ​ൾ ക​രി​യ​ർ തു​ട​ങ്ങി​യ ഗാ​ർ​ഷ്യ, ദീ​ർ​ഘ​കാ​ലം എ​സ്പാ​ന്യോ​ൾ താ​ര​വും ശേ​ഷം പ​രി​ശീ​ല​ക​നു​മാ​യി​രു​ന്നു. സ്പാ​നി​ഷ് ദേ​ശീ​യ ടീ​മി​ന് വേ​ണ്ടി​യും ര​ണ്ടു വ​ർ​ഷ​ത്തോ​ളം പ​ന്തു ത​ട്ടി. ക​ഴി​ഞ്ഞ ഏ​ഷ്യ​ൻ ക​പ്പി​ന് തൊ​ട്ടു​മു​മ്പാ​യാ​ണ് മാ​ർ​ക്വേ​സ് ലോ​പ​സി​ന്റെ അ​സി​സ്റ്റ​ന്റാ​യി ഖ​ത്ത​ർ ദേ​ശീ​യ ടീ​മി​​ന്റെ ഭാ​ഗ​മാ​യ​ത്. ഒ​രു വ​ർ​ഷ​ത്തി​നി​പ്പു​റം ടീ​മി​ന്റെ ഹെ​ഡ് കോ​ച്ച് പ​ദ​വി​യി​ലേ​ക്കും അ​ദ്ദേ​ഹ​മെ​ത്തി.

ഡി​സം​ബ​ർ 21ന് ​കു​വൈ​ത്തി​ൽ കി​ക്കോ​ഫ് കു​റി​ക്കു​ന്ന ഗ​ൾ​ഫ് ക​പ്പ് ചാ​മ്പ്യ​ൻ​ഷി​പ്പാ​യി​രി​ക്കും ഗാ​ർ​ഷ്യ​യു​ടെ ആ​ദ്യ അ​ന്താ​രാ​ഷ്ട്ര ദൗ​ത്യം. യു.​എ.​ഇ, കു​വൈ​ത്ത്, ഒ​മാ​ൻ എ​ന്നി​വ​ര​ട​ങ്ങി​യ ഗ്രൂ​പ് ‘എ’​യി​ലാ​ണ് ഖ​ത്ത​ർ മ​ത്സ​രി​ക്കു​ന്ന​ത്. ഇ​റാ​ഖ്, സൗ​ദി, ബ​ഹ്റൈ​ൻ, യെ​മ​ൻ എ​ന്നി​വ​രാ​ണ് ഗ്രൂ​പ് ‘ബി’​യി​ലു​ള്ള​ത്. ഇ​റാ​ഖാ​ണ് നി​ല​വി​ലെ ജേ​താ​ക്ക​ൾ.

സ്ഥാ​ന​മൊ​ഴി​ഞ്ഞ പ​രി​ശീ​ല​ക​ൻ മാ​ർ​ക്വേ​സ് ലോ​പ​സി​ന് ഖ​ത്ത​ർ ഫു​ട്ബാ​ൾ ന​ന്ദി അ​റി​യി​ച്ചു. പ​രി​ശീ​ല​ക ജോ​ലി​യി​ലെ അ​ദ്ദേ​ഹ​ത്തി​ന്റെ സ​മ​ർ​പ്പ​ണം ദേ​ശീ​യ ടീ​മി​നെ വി​ജ​യ​ങ്ങ​ളി​ലേ​ക്ക് ന​യി​ച്ചു​വെ​ന്നും നേ​ട്ട​ങ്ങ​ൾ​ക്കും സം​ഭാ​വ​ന​ക​ൾ​ക്കും ന​ന്ദി അ​റി​യി​ക്കു​ന്ന​താ​യും യാ​ത്ര​യ​യ​പ്പ് സ​ന്ദേ​ശ​ത്തി​ൽ ക്യു.​എ​ഫ്.​എ അ​റി​യി​ച്ചു. ​ 2026 ലോ​ക​ക​പ്പ് യോ​ഗ്യ​ത റൗ​ണ്ടി​ൽ ക​ന​ത്ത തോ​ൽ​വി​ക​ൾ വ​ഴ​ങ്ങി​യ ഖ​ത്ത​റി​ന് മു​ന്നോ​ട്ടു​ള്ള യാ​ത്ര​യും വെ​ല്ലു​വി​ളി​യാ​ണ്.

ഗ​ൾ​ഫ് ക​പ്പ്: 29 അം​ഗ ടീ​മി​നെ പ്ര​ഖ്യാ​പി​ച്ചു

ദോ​ഹ: ഡി​സം​ബ​ർ 21ന് ​കു​വൈ​ത്തി​ൽ കി​ക്കോ​ഫ് കു​റി​ക്കു​ന്ന അ​റേ​ബ്യ​ൻ ഗ​ൾ​ഫ് ക​പ്പ് ഫു​ട്ബാ​ൾ ചാ​മ്പ്യ​ൻ​ഷി​പ്പി​നു​ള്ള ഖ​ത്ത​റി​ന്റെ സാ​ധ്യ​ത ടീ​മി​നെ പ്ര​ഖ്യാ​പി​ച്ചു. ടൂ​ർ​ണ​മെ​ന്റി​ന് മു​മ്പാ​യു​ള്ള സ​ന്നാ​ഹ ക്യാ​മ്പി​ലേ​ക്കാ​ണ് പു​തി​യ കോ​ച്ച് ലൂ​യി ഗാ​ർ​ഷ്യ 29 അം​ഗ സം​ഘ​ത്തെ തി​ര​ഞ്ഞെ​ടു​ത്ത​ത്. അ​ക്രം അ​ഫീ​ഫ്, മു​ഹ​മ്മ​ദ് മു​ൻ​താ​രി, അ​ൽ മു​ഈ​സ് അ​ലി ഉ​ൾ​പ്പെ​ടെ മു​ൻ​നി​ര താ​ര​ങ്ങ​ളെ ഉ​ൾ​ക്കൊ​ള്ളി​ച്ചാ​ണ് സാ​ധ്യ​ത സം​ഘം. ഇ​വ​രി​ൽ​നി​ന്ന് ടൂ​​ർ​ണ​മെ​ന്റ് ടീ​മി​നെ പ്ര​ഖ്യാ​പി​ക്കും.