ഹ​മ​ദി​ന്റെ ചു​മ​രു​ക​ളി​ൽ കോ​വി​ഡ് അ​തി​ജീ​വ​ന​ത്തി​ന്റെ ഓ​ർ​മ​ക​ൾ

ദോ​ഹ: കോ​വി​ഡ് മ​ഹാ​മാ​രി​യെ​ന്ന വൈ​റ​സും പു​തി​യ ജീ​വി​ത​രീ​തി​ക​ളു​മെ​ല്ലാം ലോ​കം പ​രി​ച​യ​പ്പെ​ട്ടി​ട്ട് മൂ​ന്നു​വ​ർ​ഷം പി​ന്നി​ട്ടു​ക​ഴി​ഞ്ഞു. ഒ​രു​പാ​ട് ജീ​വ​ൻ ന​ഷ്ട​മാ​വു​ക​യും സാ​മ്പ​ത്തി​ക​മാ​യും ആ​രോ​ഗ്യ​മേ​ഖ​ല​യി​ലും പു​തി​യ പാ​ഠ​ങ്ങ​ൾ പ​ഠി​ക്കു​ക​യും ചെ​യ്ത കാ​ല​ത്തെ​ക്കു​റി​ച്ചു​ള്ള ഓ​ർ​മ​ക​ൾ ഇ​ന്നും ഭീ​തി​ദ​മാ​ണ്. മ​നു​ഷ്യ​ന് ഏ​റെ പാ​ഠ​ങ്ങ​ൾ പ​ക​ർ​ന്നു​ന​ൽ​കി​യ മ​ഹാ​മാ​രി​ക്കാ​ലം പു​തി​യ ജീ​വി​ത​ത്തി​ര​ക്കി​നി​ട​യി​ൽ എ​ളു​പ്പ​ത്തി​ൽ മ​റ​ക്കാ​ൻ പാ​ടു​ണ്ടോ? ഇ​ല്ല എ​ന്ന് ഓ​ർ​മ​പ്പെ​ടു​ത്തു​ക​യാ​ണ് ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​നു കീ​ഴി​ലെ വി​വി​ധ ആ​ശു​പ​ത്രി​ക​ളു​ടെ ചു​മ​രു​ക​ൾ. കോ​വി​ഡ് കാ​ല​ത്തെ പോ​രാ​ട്ട​ങ്ങ​ളും അ​തി​ജീ​വ​ന​വും അ​ട​യാ​ള​പ്പെ​ടു​ത്തു​ന്ന ക​ലാ​സൃ​ഷ്ടി​ക​ൾ ഹ​മ​ദി​ന്റെ വി​വി​ധ ആ​ശു​പ​ത്രി​ക​ളു​ടെ ചു​മ​രു​ക​ളി​ൽ സ​ന്ദ​ർ​ശ​ക​ർ​ക്ക് ഒ​രു ഓ​ർ​മ​പ്പെ​ടു​ത്ത​ലാ​യി ഇ​നി​യു​ണ്ടാ​കും.

ഖ​ത്ത​ർ മ്യൂ​സി​യ​വും ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​നും പ​ങ്കു​ചേ​ർ​ന്നാ​ണ് ചി​ത്ര​ങ്ങ​ൾ സ്ഥാ​പി​ച്ച​ത്. 2020ൽ ​ദോ​ഹ ഫി​ലിം ഇ​ൻ​സ്റ്റി​റ്റ്യൂ​ട്ട് കോ​വി​ഡ് പോ​രാ​ട്ടം പ്ര​മേ​യ​മാ​ക്കി ന​ട​ത്തി​യ ‘ഔ​ട്ട്ബ്രേ​ക്ക്’ പ്ര​ദ​ർ​ശ​ന​ത്തി​ലു​ള്ള ചി​ത്ര​ങ്ങ​ളാ​ണ് ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​നി​ൽ സ്ഥാ​പി​ച്ച​ത്. വി​മ​ൻ​സ് വെ​ൽ​ന​സ് ആ​ൻ​ഡ് റി​സ​ർ​ച് സെ​ന്റ​റി​ൽ ഖ​ത്ത​ർ മ്യൂ​സി​യം​സ് ചെ​യ​ർ​പേ​ഴ്സ​ൻ ശൈ​ഖ അ​ൽ മ​യാ​സ ബി​ൻ​ത് ഹ​മ​ദ് ആ​ൽ​ഥാ​നി​യും ആ​രോ​ഗ്യ​മ​ന്ത്രി ഡോ. ​ഹ​നാ​ൻ മു​ഹ​മ്മ​ദ് അ​ൽ കു​വാ​രി​യു​മാ​ണ് ക​ലാ​സൃ​ഷ്ടി​ക​ൾ ഉ​ദ്ഘാ​ട​നം ചെ​യ്ത​ത്.

ഖ​ത്ത​രി ക​ലാ​കാ​ര​ന്മാ​രാ​യ അ​ൻ​ഫ​ൽ അ​ൽ ക​ൻ​ദാ​രി, മു​ഹ​മ്മ​ദ് അ​ൽ സു​വൈ​ദി, റോ​ദ ആ​ൽ​ഥാ​നി, ഇ​റാ​ഖി-​ഖ​ത്ത​രി ക​ലാ​കാ​ര​ൻ അ​ഹ​മ്മ​ദ് ബ​ഹ്റാ​നി എ​ന്നി​വ​രു​ടെ സൃ​ഷ്ടി​ക​ളാ​ണ് സ്ഥാ​പി​ച്ച​ത്.

ആ​ശു​പ​ത്രി​ക​ളി​ൽ ക​ലാ​സൃ​ഷ്ടി​ക​ൾ പ്ര​ദ​ർ​ശി​പ്പി​ക്കു​ന്ന​ത് രോ​ഗി​ക​ളി​ൽ സാ​ന്ത്വ​ന​ത്തി​നും പോ​സി​റ്റി​വ് ചി​ന്ത​ക​ൾ​ക്കും സൗ​ക​ര്യ​മൊ​രു​ക്കു​മെ​ന്ന് ഡോ. ​ഹ​നാ​ൻ മു​ഹ​മ്മ​ദ് അ​ൽ കു​വാ​രി പ​റ​ഞ്ഞു. ‘ചി​ത്ര​ര​ച​ന​ക​ളും ശി​ൽ​പ​ങ്ങ​ളും പെ​യി​ന്റി​ങ്ങും ഉ​ൾ​പ്പെ​ടെ ക​ലാ​സൃ​ഷ്ടി​ക​ളു​മാ​യി ഇ​ട​പെ​ടു​ന്ന​ത് രോ​ഗി​ക​ളി​ൽ ശാ​രീ​രി​ക​വും മാ​ന​സി​ക​വു​മാ​യ ഗു​ണ​ങ്ങ​ൾ പ​ക​രും. ആ​ശു​പ​ത്രി​യി​ലെ​ത്തു​ന്ന രോ​ഗി​ക​ൾ, ജീ​വ​ന​ക്കാ​ർ ഉ​ൾ​പ്പെ​ടെ എ​ല്ലാ​വ​ർ​ക്കും ക​ലാ​സൃ​ഷ്ടി​ക​ളു​ടെ ആ​സ്വാ​ദ​ന​ത്തി​ലൂ​ടെ സ​മ്മ​ർ​ദ​ങ്ങ​ളും ഉ​ത്ക​ണ്ഠ​യും വി​ഷാ​ദ​വും ല​ഘൂ​ക​രി​ക്കാ​ൻ ക​ഴി​യു​ന്നു​വെ​ന്ന​ത് വ​സ്തു​ത​യാ​ണ്.

രോ​ഗ​വും ചി​കി​ത്സ​യും മ​രു​ന്നും എ​ന്ന ചു​റ്റു​പാ​ടി​ൽ​നി​ന്നും ആ​ശു​പ​ത്രി​യെ സാ​ന്ത്വ​ന​വും പ​രി​ച​ര​ണ​വും സു​ര​ക്ഷ​യും ന​ൽ​കു​ന്ന ഒ​രി​ട​മാ​ക്കി മാ​റ്റാ​ൻ ക​ല​ക​ളു​ടെ സാ​ന്നി​ധ്യ​ത്തി​ന് ക​ഴി​യും’ -ഡോ. ​ഹ​നാ​ൻ മു​ഹ​മ്മ​ദ് അ​ൽ കു​വാ​രി പ​റ​ഞ്ഞു. ഈ ​പ​ങ്കാ​ളി​ത്ത​ത്തി​ന് ശൈ​ഖ മ​യാ​സ ബി​ൻ ഹ​മ​ദ് ആ​ൽ​ഥാ​നി​യോ​ട് ന​ന്ദി പ​റ​യു​ന്ന​താ​യും അ​വ​ർ പ​റ​ഞ്ഞു.

ഹ​മ​ദ് ബി​ൻ ഖ​ലീ​ഫ മെ​ഡി​ക്ക​ൽ സി​റ്റി ആ​ശു​പ​ത്രി​ക​ളും അ​ൽ വ​ക്റ അ​ൽ മ​ഹ സെ​ന്റ​റും 24ഓ​ളം ക​ലാ​കാ​ര​ന്മാ​രു​ടെ സൃ​ഷ്ടി​ക​ൾ പ്ര​ദ​ർ​ശി​പ്പി​ക്കും. കോ​വി​ഡി​നെ​തി​രാ​യ പോ​രാ​ട്ടം ന​യി​ച്ച ഖ​ത്ത​റി​ലെ ആ​രോ​ഗ്യ​പ്ര​വ​ർ​ത്ത​ക​ർ​ക്കു​ള്ള ആ​ദ​ര​വും​കൂ​ടി​യാ​യി​രു​ന്നു ‘ഔ​ട്ട്ബ്രേ​ക്ക്’ പ്ര​ദ​ർ​ശ​നം.