പകുതിയിലധികം ജനങ്ങളും കോവിഡ്​ വാക്​സിൻ എടുത്തു

ദോഹ: ഖത്തറിൽ കോവിഡ്​ വാക്​സിൻ കുത്തിവെപ്പ്​ കാമ്പയിൻ വിജയത്തിലേക്ക്​. വാക്സിനെടുക്കുന്നതിന് യോഗ്യരായ ജനസംഖ്യയിലെ 53.8 ശതമാനം പേരും ചുരുങ്ങിയത് ഒരു ഡോസ്​ വാക്സിനെങ്കിലും സ്വീകരിച്ചുകഴിഞ്ഞതായി പൊതുജനാരോഗ്യ മന്ത്രാലയം അറിയിച്ചു.60 വയസ്സിനു മുകളിലുള്ളവരിൽ 89.2 ശതമാനം പേരും ഒരു ഡോസ്​ എങ്കിലും വാക്സിനെടുത്തിട്ടുണ്ട്​. ഇവരിൽ 83.3 ശതമാനം ആളുകളും രണ്ട് ഡോസ്​ വാക്സിനും സ്വീകരിച്ചിട്ടുണ്ട്​.

അതേസമയം, ഇന്നലെ വരെ ആകെ 2190807 ഡോസ്​ വാക്​സിനാണ്​ നൽകിയിരിക്കുന്നത്​. ദിവസവും മുപ്പതിനായിരത്തിലധികം ഡോസ്​ ആണ്​ നൽകുന്നത്​. വാക്സിൻ സ്വീകരിച്ച ആളുകളുടെ ശതമാനക്കണക്കിൽ ഖത്തർ ലോകത്ത് ഒമ്പതാമതാണ്​. ഖത്തറിൽ എല്ലാവർക്കും ഫൈസർ, മൊഡേണ വാക്​സിനുകളാണ്​ സൗജന്യമായി നൽകുന്നത്​. വിവിധ ഭാഗങ്ങളിലുള്ള 27 പ്രാഥമികാരോഗ്യകേന്ദ്രങ്ങളിലും ക്യു.എൻ.സി.സി കേന്ദ്രത്തിലും ഇൻഡസ്​ട്രിയൽ ഏരിയയിലെ കേന്ദ്രത്തിലും ലു​ൈസലിലെയും വക്​റ ജനൂബ്​ സ്​റ്റേഡിയത്തിലെയും ഡ്രൈവ്​ ത്രൂ സെൻററുകളിലും വാക്​സ​ിൻ ലഭ്യമാണ്​. വാക്​സിൻ സ്വീകരിക്കാനുള്ള മുൻഗണനാപട്ടികയിൽ 30 വയസുള്ളവരെയും കഴിഞ്ഞ ദിവസം ഉൾപ്പെടുത്തിയിരുന്നു.

ഇതോടെ 30ഉം അതിന്​ മുകളിലും പ്രായമുള്ളവർക്ക്​ പി.എച്ച്​.സികളിൽ നിന്ന്​ വാക്​സിൻ എടുക്കാനുള്ള അപ്പോയ്​ൻമെൻറുകൾ അയക്കും. രാജ്യത്തെ പ്രവാസികളിൽ ഭൂരിഭാഗം പേരും 30 വയസ്സും അതിനു​ മുകളിലും പ്രായമുള്ളവരാണ്​. ഇതോടെ പ്രവാസികളടക്കം എല്ലാവർക്കും വാക്സിൻ കൂടുതൽ എളുപ്പത്തിൽ ലഭ്യമാകാനുള്ള വഴിയാണ്​ തുറന്നിരിക്കുന്നത്​. ദീർഘകാലരോഗമുള്ളവർ, ആരോഗ്യപ്രവർത്തകർ, പ്രധാന മന്ത്രാലയങ്ങളുമായി ബന്ധ​െപ്പട്ടവർ, സ്​കൂൾ അധ്യാപകരും ജീവനക്കാരും എന്നിവരാണ്​ നിലവിൽ വാക്​സിൻ മുൻഗണനപ്പട്ടികയിൽ ഉള്ള മറ്റുള്ളവർ. ഇൗ ഗണത്തിലുള്ളവരെ പ്രാഥമികാരോഗ്യ കേന്ദ്രങ്ങളിൽനിന്ന്​ നേരിട്ട്​ ബന്ധപ്പെടും.

12നും 15നും ഇടയിൽ പ്രായമുള്ളവർക്ക്​ ഫൈസർ വാക്​സിൻ സുരക്ഷിതവും ഫലപ്രദവുമാണെന്ന്​ തെളിയിക്കപ്പെട്ടതിനാൽ ഈ പ്രായക്കാർക്കും രാജ്യത്ത്​ ഉടൻതന്നെ വാക്​സ​ിൻ നൽകിത്തുടങ്ങും. ഇതിനായി രക്ഷിതാക്കൾ ആരോഗ്യമന്ത്രാലയം വെബ്​സൈറ്റിലൂടെ രജിസ്​റ്റർ ചെയ്യണം. https://appcovid19.moph.gov.qa/ar/instructions.html എന്ന ലിങ്കിലൂ​െടയാണ്​ രജിസ്​റ്റർ ചെയ്യേണ്ടത്​.

വരുന്ന സെപ്​റ്റംബർ മുതൽ അടുത്ത സ്​കൂൾ വർഷം തുടങ്ങാനിരിക്കെ രാജ്യത്തെ വിദ്യാഭ്യാസരംഗവും കോവിഡിനു​ മുമ്പുള്ള അവസ്​ഥയിലേക്ക്​ മടങ്ങിപ്പോകാൻ കുട്ടികളിലെ വാക്​സിനേഷനിലൂടെ കഴിയും. മേയ്​ 28 മുതൽ കൂടുതൽ കോവിഡ്​ നിയന്ത്രണങ്ങൾ നീക്കുകയാണ്​. അന്നുമുതൽ സ്​കൂളുകൾ 30 ശതമാനം ശേഷിയിൽ ​​െബ്ലൻഡഡ്​ പാഠ്യരീതിയിൽ പ്രവർത്തനം പുനരാരംഭിക്കും. അടുത്ത ഘട്ടത്തിൽ 50 ശതമാനം ശേഷിയിലും സ്​കൂളുകൾക്ക്​ പ്രവർത്തിക്കാം. സ്​കൂൾഅധ്യാപകർക്കും ജീവനക്കാർക്കും നേരത്തേ തന്നെ വാക്​സിൻ നിർബന്ധമാക്കിയിട്ടുണ്ട്​.

വാക്​സിൻ എടുത്തവർക്ക്​ മേയ്​ 28 മുതൽ നിരവധി ഇളവുകളാണ്​ വരുന്നത്​. ബാർബർ ഷോപ്പുകൾ, റസ്​റ്റാറൻറുകൾ, ജിം തുടങ്ങിയ ഇടങ്ങളിൽ വാക്​സിൻ എടുത്തവർക്കു​ മാത്രം പ്രവേശനം നൽകുകയാണ്​ ഈ ഘട്ടത്തിൽ ചെയ്യുക. ഖത്തറിൽനിന്ന്​ കോവിഡ്​ വാക്​സ​ിൻ സ്വീകരിച്ചവർക്ക്​ ഇനി ഒമ്പത്​ മാസത്തിനുള്ളിൽ തിരിച്ചെത്തിയാൽ ക്വാറൻറീൻ വേണ്ട എന്ന ഇളവും നിലവിൽ വന്നുകഴിഞ്ഞു. നേരത്തേ ഇത്​ ആറുമാസമായിരുന്നു.

എന്നാൽ ഇന്ത്യയടക്കമുള്ള ആറു രാജ്യങ്ങളിൽ നിന്നുള്ള എല്ലാവർക്കും ഖത്തറിൽ പത്തുദിവസം ക്വാറൻറീൻ നിർബന്ധമാണ്​. നാലുഘട്ടമായി രാജ്യത്തെ എല്ലാവർക്കും വാക്​സ​ിൻ നൽകുകയാണ്​ ആരോഗ്യമന്ത്രാലയത്തിൻെറ ലക്ഷ്യം. വിമാനയാത്രക്കടക്കം വാക്​സിൻ നിർബന്ധമാകാൻ പോകുകയാണ്​. നിലവിൽ വിവിധ വിമാനക്കമ്പനികൾ യാത്ര പുറ​െപ്പടുന്നതിനു​ മുമ്പു​തന്നെ വാക്​സിൻ സ്വീകരിച്ചത്​ സംബന്ധിച്ച വിവരങ്ങൾ കൂടി ചോദിക്കുന്നുണ്ട്​. വിവിധ രാജ്യങ്ങളും വാക്​സിൻ സ്വീകരിച്ചവരെ മാത്രം പ്രവേശിപ്പിക്കാനുള്ള നടപടികളിലാണ്​. ഇതിനകം ആസ്​ട്രേലിയ തങ്ങളുടെ രാജ്യത്തേക്ക്​ വാക്​സിൻ സ്വീകരിച്ചവരെ മാത്രമാണ്​ അനുവദിക്കുന്നത്​.

മഹാമാരി ഈ രൂപത്തിൽ തുടരുകയും കൃത്യമായ ചികിത്സ ഇല്ലാതിരിക്കുകയും ചെയ്​താൽ രാജ്യങ്ങൾക്ക്​ വാക്​സിനേഷൻ നിർബന്ധമാക്കുകയല്ലാതെ നിവൃത്തിയുണ്ടാകി​െല്ലന്നാണ്​ ഖത്തർ എയർവേ​സ്​ ​ഗ്രൂപ്പ്​ സി.ഇ.ഒ അക്​ബർ അൽ ബാകിർ പറയുന്നത്​. നിലവിൽ പല കമ്പനികളും യാത്രക്കാരോട്​ കോവിഡ്​ വാക്​സിനേഷൻെറ രേഖകൾ ആവശ്യ​െപ്പടുന്നുണ്ട്​. വിമാനയാത്രയുടെ അടുത്ത ഘട്ടത്തിൽ എല്ലാവർക്കും വാക്​സിനേഷൻ വേണ്ടിവരുന്ന സ്​ഥിതിയാണ്​. അടുത്തുതന്നെ എല്ലാ രാജ്യങ്ങളും ഇത്​ നിർബന്ധമാക്കുമെന്നും ബാകിർ പറഞ്ഞു. വിമാനയാത്രക്ക്​ വാക്​സിനേഷൻ നിർബന്ധമാക്കുന്ന നടപടികളിലാണ്​ ഖത്തർ എയർവേസും.

• ലോകകപ്പിനെത്തുന്നവർക്കും വാക്​സിൻ

2022ൽ ഖത്തറിൽ നടക്കുന്ന ഫിഫ ലോകകപ്പ്​ ഫുട്​ബാളിനായി എത്തുന്ന എല്ലാവർക്കും കോവിഡ്​ വാക്​സിൻ നിർബന്ധമായേക്കും. ഇതിനകം ഖത്തറിൽ നടന്ന വിവിധ കായികമേളകൾക്ക്​ എത്തുന്ന എല്ലാവർക്കും വാക്​സിൻ ഉറപ്പുവരുത്തിയിരുന്നു. ഖത്തർ ലോകകപ്പിന്​ എത്തുന്ന എല്ലാവർക്കും വാക്​സിൻ ഉറപ്പുവരുത്തുമെന്ന്​ ഉപപ്രധാനമന്ത്രിയും വിദേശകാര്യമന്ത്രിയുമായ ശൈഖ്​ മുഹമ്മദ്​ ബിൻഅബ്​ദുറഹ്​മാൻ ആൽഥാനി പറഞ്ഞിട്ടുണ്ട്​​. ഇതിനായി വാക്​സ​ിൻ വിതണക്കാരുമായി ഖത്തർ ചർച്ചകൾ നടത്തിവരുകയാണ്​. ഇതുസംബന്ധിച്ച കൂടിയാലോചനകൾ പുരോഗമിക്കുകയാണ്​.

ടൂർണമെൻറിൽ പ​​ങ്കെടുക്കുന്ന എല്ലാവർക്കും വാക്​സിൻ നൽകുന്നത്​ എങ്ങനെ വിജയിപ്പിക്കാൻ കഴിയുമെന്നതിലാണ്​​ ചർച്ച. പൂർണമായും കോവിഡ്​മുക്​തമായ ലോകകപ്പ്​ നടത്തുകയെന്നതാണ്​ ഖത്തർ ലക്ഷ്യമിടുന്നത്​. ഖത്തറിൽ നടന്ന മോ​ട്ടോ ജി.പി 2021 ലോക ബൈക്ക്​ റേസിങ്​ ചാമ്പ്യൻഷിപ്പിൽ പ​​ങ്കെടുത്തവർക്കും വാക്​സിൻ ഉറപ്പാക്കിയിരുന്നു. ഖത്തർ ലോകകപ്പ്​ സ്​റ്റേഡിയങ്ങളിലേക്കടക്കം പ്ര​േവശനത്തിന് വാക്​സിൻ നിർബന്ധമാക്കുമെന്ന്​ അധികൃതർ നേരത്തേ അറിയിച്ചിരുന്നു.