ദോഹ: നടുമുറ്റം ഖത്തർ മദീന ഖലീഫയിലെ യാസ്മെഡ് മെഡിക്കൽ സെന്ററുമായി സഹകരിച്ച് മേയ് 31ന് മെഡിക്കൽ ക്യാമ്പ് സംഘടിപ്പിക്കുന്നു. വനിതകൾക്കും കുട്ടികൾക്കും മാത്രമായാണ് ക്യാമ്പ്. ജനറൽ മെഡിസിൻ, ഗൈനക്കോളജി, പീഡിയാട്രിക് ഉൾപ്പെടെ വിദഗ്ധ ഡോക്ടര്‍മാരുടെ സേവനങ്ങൾക്കുപുറമെ ലാബ് ടെസ്റ്റുകൾ, ഹെൽത്ത്‌ സ്ക്രീനിങ് തുടങ്ങിയവയും ക്യാമ്പിൽ സൗജന്യമായി ലഭ്യമാവും. വിദഗ്ധ ഡോക്ടർ നയിക്കുന്ന ആരോഗ്യ ക്ലാസും ക്യാമ്പിന്റെ ഭാഗമായി നടക്കും. കൂടാതെ എക്സ് ക്ലൂസിവ് ഓഫറിൽ ഡെന്റൽ ചെക്കപ്പും ലഭ്യമാവും. മുൻകൂട്ടി രജിസ്റ്റർ ചെയ്ത് ക്യാമ്പിൽ പങ്കെടുക്കുന്നവർക്ക് മെഡിക്കൽ ക്യാമ്പിനുശേഷം ഒരാഴ്ച വരെ സൗജന്യ സേവനവും ക്യാമ്പിന്റെ മുഴുവൻ ആനുകൂല്യങ്ങളും ലഭ്യമാകും. താൽപര്യമുള്ളവർക്ക് 974 7732 1436 എന്ന നമ്പറിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.