ഒ​ളി​മ്പി​ക്സ് സു​ര​ക്ഷ; ഖ​ത്ത​രി വി​ദ​ഗ്ധ​സം​ഘം പാ​രി​സി​ൽ

ദോ​ഹ: പാ​രി​സ് ഒ​ളി​മ്പി​ക്സി​ന് സു​ര​ക്ഷ​യൊ​രു​ക്കാ​ൻ ഖ​ത്ത​ർ ആ​ഭ്യ​ന്ത​ര മ​ന്ത്രാ​ല​യ​ത്തി​ൽ​നി​ന്നു​ള്ള വി​ദ​ഗ്ധ​സം​ഘം പു​റ​പ്പെ​ട്ടു. ആ​ഭ്യ​ന്ത​ര മ​ന്ത്രി​യും ഇ​ന്റേ​ണ​ൽ സെ​ക്യൂ​രി​റ്റി ഫോ​ഴ്സ് ക​മാ​ൻ​ഡ​റു​മാ​യ ശൈ​ഖ് ഖ​ലീ​ഫ ബി​ൻ ഹ​മ​ദ് ബി​ൻ ഖ​ലീ​ഫ ആ​ൽ​ഥാ​നി സം​ഘ​ത്തെ യാ​ത്ര​യാ​ക്കാ​നെ​ത്തി. ഈ ​അ​വ​സ​രം ഖ​ത്ത​രി സേ​ന​ക്ക് ല​ഭി​ക്കു​ന്ന ആ​ഗോ​ള അം​ഗീ​കാ​ര​മാ​ണെ​ന്ന് മ​ന്ത്രി പ​റ​ഞ്ഞു.

പ്ര​ത്യേ​ക യൂ​നി​റ്റ്, വ്യ​ക്തി​ഗ​ത സം​ര​ക്ഷ​ണം, ട്രാ​ക്കി​ങ്, സ്‌​ഫോ​ട​ക വ​സ്തു നി​ർ​മാ​ർ​ജ​നം, സൈ​ബ​ർ സു​ര​ക്ഷ, സു​ര​ക്ഷ പ​ട്രോ​ളി​ങ്, മൗ​ണ്ട​ഡ് പ​ട്രോ​ളി​ങ്, ആ​ന്റി-​ഡ്രോ​ൺ ടീ​മു​ക​ൾ, പ്ലാ​നി​ങ് ടീം, ​ലോ​ജി​സ്റ്റി​ക്സ്, എ​യ​ർ​പോ​ർ​ട്ട് സെ​ക്യൂ​രി​റ്റി തു​ട​ങ്ങി​യ വി​ഭാ​ഗ​ങ്ങ​ൾ ഖ​ത്ത​റി​നെ പ്ര​തി​നി​ധീ​ക​രി​ച്ച്‌ പാ​രി​സ് ഒ​ളി​മ്പി​ക്സി​ൽ സു​ര​ക്ഷ സേ​വ​ന​രം​ഗ​ത്ത് പ്ര​വ​ർ​ത്തി​ക്കും. ഒ​ളി​മ്പി​ക്‌​സ് സു​ര​ക്ഷ സ​ന്നാ​ഹ​ങ്ങ​ൾ ഏ​കോ​പി​പ്പി​ക്കാ​ൻ പ്ര​ത്യേ​ക സം​ഘ​ത്തി​ന് ഖ​ത്ത​ർ ആ​ഭ്യ​ന്ത​ര മ​ന്ത്രാ​ല​യം രൂ​പം ന​ൽ​കി​യി​രു​ന്നു.

ഫീ​ൽ​ഡ് പ​രി​ശീ​ല​നം ഉ​ൾ​പ്പെ​ടെ മൂ​ന്നാ​ഴ്ച​ത്തെ തീ​വ്ര ത​യാ​റെ​ടു​പ്പു​ക​ൾ ന​ട​ത്തി​യ ശേ​ഷ​മാ​ണ് പ്ര​ത്യേ​ക സം​ഘം ദോ​ഹ​യി​ൽ​നി​ന്ന് പാ​രി​സി​ലേ​ക്ക് തി​രി​ച്ച​ത്. അ​ത്യാ​ധു​നി​ക സാ​ങ്കേ​തി​ക​വി​ദ്യ​ക​ളു​ടെ സ​ഹാ​യ​ത്തോ​ടെ ഇ​രു​രാ​ജ്യ​ങ്ങ​ളി​ലെ​യും ഓ​പ​റേ​ഷ​ൻ റൂ​മു​ക​ൾ ബ​ന്ധി​പ്പി​ച്ചി​ട്ടു​ണ്ട്. ജൂ​ലൈ 26 മു​ത​ൽ ആ​ഗ​സ്റ്റ് 11 വ​രെ​യാ​ണ് ഫ്രാ​ൻ​സി​ൽ ഒ​ളി​മ്പി​ക്സ് ന​ട​ക്കു​ന്ന​ത്. ഒ​ളി​മ്പി​ക്സ് സു​ര​ക്ഷ​ക്ക് പി​ന്തു​ണ ന​ൽ​കു​ന്ന​തു​മാ​യി ബ​ന്ധ​പ്പെ​ട്ട് ക​ഴി​ഞ്ഞ ഫെ​ബ്രു​വ​രി​യി​ലാ​ണ് ഖ​ത്ത​റും ഫ്രാ​ൻ​സും ക​രാ​റി​ൽ ഒ​പ്പു​വെ​ച്ച​ത്. കാ​യി​ക​താ​ര​ങ്ങ​ള്‍ക്കും ആ​രാ​ധ​ക​ര്‍ക്കും പ​ഴു​ത​ട​ച്ച സു​ര​ക്ഷ ഉ​റ​പ്പാ​ക്കു​ന്ന​തി​ന് ആ​തി​ഥേ​യ​രാ​യ ഫ്രാ​ന്‍സ് ഖ​ത്ത​റി​ന്റെ സ​ഹാ​യം തേ​ടു​ക​യാ​യി​രു​ന്നു.

ക​ഴി​ഞ്ഞ ഫു​ട്ബാ​ൾ ലോ​ക​ക​പ്പ് കു​റ്റ​മ​റ്റ രീ​തി​യി​ലും സു​ര​ക്ഷ പ​ഴു​തു​ക​ളി​ല്ലാ​തെ​യും ന​ട​ത്താ​ൻ ക​ഴി​ഞ്ഞ​താ​ണ് ഖ​ത്ത​റി​ന്റെ സ​ഹാ​യം തേ​ടാ​ൻ വി​ക​സി​ത രാ​ഷ്ട്ര​ങ്ങ​ളെ പോ​ലും പ്രേ​രി​പ്പി​ക്കു​ന്ന​ത്. അ​മേ​രി​ക്ക​യും കാ​ന​ഡ​യും മെ​ക്സി​കോ​യും സം​യു​ക്ത​മാ​യി ആ​തി​ഥേ​യ​ത്വം വ​ഹി​ക്കു​ന്ന അ​ടു​ത്ത ഫു​ട്ബാ​ൾ ലോ​ക​ക​പ്പി​ലും ഖ​ത്ത​റി​ന്റെ സു​ര​ക്ഷ സ​ഹ​ക​ര​ണ​മു​ണ്ടാ​കും. ഇ​തു​സം​ബ​ന്ധി​ച്ച് യു.​എ​സും ഖ​ത്ത​റും ര​ണ്ടാ​ഴ്ച മു​മ്പ് ക​രാ​റി​ൽ ഒ​പ്പു​വെ​ച്ചി​രു​ന്നു.