കമ്യൂണിറ്റി ലോകകപ്പ് ഫുട്ബാളിൽ മത്സരിക്കുന്ന ഇന്ത്യൻ ടീമിെൻറ ജഴ്സി അംബാസഡർ ഡോ. ദീപക് മിത്തൽ പ്രകാശനം ചെയ്യുന്നു
ദോഹ: ഖത്തറിൽ നടക്കുന്ന കമ്യൂണിറ്റി ലോകകപ്പ് ഫുട്ബാളിനുള്ള ഇന്ത്യൻ ടീമിെൻറ ജഴ്സി അംബാസഡർ ഡോ. ദീപക് മിത്തൽ പുറത്തിറക്കി. ഒക്ടോബർ ഒന്നിന് ഇംഗ്ലണ്ട് 'എ' ടീമിനെതിരെയാണ് ഇന്ത്യയുടെ ആദ്യ മത്സരം. ഖത്തർ ലോകകപ്പിെൻറ സംഘാടകരായ സുപ്രീം കമ്മിറ്റി ഫോർ ഡെലിവറി ആൻഡ് ലെഗസിക്കു കീഴിൽ ഖത്തർ കമ്യൂണിറ്റി ഫുട്ബാൾ ലീഗാണ് ടൂർണമെൻറ് സംഘടിപ്പിക്കുന്നത്. വിവിധ രാജ്യങ്ങളിൽനിന്നുള്ള അമേച്വർ താരങ്ങൾ അണിനിരക്കുന്ന ടീമുകളെ ഉൾപ്പെടുത്തിയാണ് ലോകകപ്പ് സംഘടിപ്പിക്കുന്നത്. ഒക്ടോബർ ഒന്നിന് അൽ റയ്യാൻ പരിശീലന ഗ്രൗണ്ടിലാണ് മത്സരം. വിവിധ രാജ്യങ്ങളിൽനിന്നായി 48 കമ്യൂണിറ്റി ടീമുകൾ ടൂർണമെൻറിൽ മത്സരിക്കുന്നുണ്ട്. ഇന്ത്യൻ സ്പോർട്സ് സെൻറർ പിന്തുണയോടെ സിറ്റി എക്സ്ചേഞ്ച് ഫുട്ബാൾ ക്ലബാണ് ഇന്ത്യൻ കമ്യൂണിറ്റി ടീമായി കളത്തിലിറങ്ങുന്നത്. സിറ്റി എക്സ്േചഞ്ച്, റിയ മണി ട്രാൻസ്ഫർ എന്നിവരാണ് ടീമിെൻറ സ്പോൺസർമാർ. ജഴ്സി പ്രകാശന ചടങ്ങിൽ ഇന്ത്യൻ സ്പോർട്സ് സെൻറർ പ്രസിഡൻറ് ഡോ. മോഹൻ തോമസ്, ചീഫ് കോഓഡിനേറ്റിങ് ഓഫിസർ അട്ല മോഹൻ, സിറ്റി എക്സ്ചേഞ്ച് ഹെഡ് ഓഫ് ഓപറേഷൻസ് ഷാനിബ് ശംസുദ്ദീൻ, ബി.ഡി.എം ഹുസൈൻ അബ്ദുല്ല, ഐ.എസ്.സി ഫുട്ബാൾ ഇൻചാർജ് ജോൺ ദേസ, ടീം ക്യാപ്റ്റൻ സതീഷ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.