ന​ഴ്സ​റി​ക​ളു​ടെ നി​ല​വാ​രം മെ​ച്ച​പ്പെ​ടു​ത്താ​ൻ മാ​ർ​ഗ​രേ​ഖ

ദോ​ഹ: ഖ​ത്ത​റി​ലെ ന​ഴ്സ​റി​ക​ളു​ടെ സേ​വ​ന നി​ല​വാ​രം മെ​ച്ച​പ്പെ​ടു​ത്താ​നും കാ​ര്യ​ക്ഷ​മ​ത ഉ​റ​പ്പാ​ക്കാ​നും ഖ​ത്ത​ർ വി​ദ്യാ​ഭ്യാ​സ -ഉ​ന്ന​ത വി​ദ്യാ​ഭ്യാ​സ മ​ന്ത്രാ​ല​യം മാ​ർ​ഗ​രേ​ഖ പു​റ​ത്തി​റ​ക്കി. ന​ൽ​കു​ന്ന സേ​വ​ന​ങ്ങ​ളും കു​ട്ടി​ക​ളു​ടെ പ്ര​ത്യേ​ക​ത​ക​ളും അ​ടി​സ്ഥാ​ന​മാ​ക്കി ന​ഴ്സ​റി​ക​ളെ മൂ​ന്ന് വി​ഭാ​ഗ​മാ​യി തി​രി​ച്ചു. ഓ​രോ​ന്നി​ലും ജീ​വ​ന​ക്കാ​ർ​ക്ക് ആ​വ​ശ്യ​മാ​യ യോ​ഗ്യ​ത​ക​ളും ജോ​ലി പ​രി​ച​യ​വും വേ​ണ്ട സൗ​ക​ര്യ​ങ്ങ​ളും നി​ശ്ച​യി​ച്ചി​ട്ടു​ണ്ട്. ജോ​ലി​ക്കാ​രാ​യ മാ​താ​പി​താ​ക്ക​ളു​ടെ ആ​വ​ശ്യ​ങ്ങ​ൾ നി​റ​വേ​റ്റാ​ൻ ശി​ശു​സം​ര​ക്ഷ​ണ സേ​വ​ന​ങ്ങ​ൾ ന​ൽ​കു​ന്ന​താ​ണ് ഒ​ന്നാ​മ​ത്തെ വി​ഭാ​ഗം. ഇ​വ ഡേ ​കെ​യ​ർ ന​ഴ്സ​റി​ക​ൾ എ​ന്നാ​ണ് അ​റി​യ​പ്പെ​ടു​ക. ഡേ ​കെ​യ​ർ സേ​വ​ന​ങ്ങ​ൾ ന​ൽ​കു​ന്ന​തി​നൊ​പ്പം കു​ട്ടി​ക​ൾ​ക്ക് ഭാ​ഷ, വാ​യ​ന, എ​ഴു​ത്ത്, ഗ​ണി​ത​ശാ​സ്ത്രം തു​ട​ങ്ങി​യ അ​ടി​സ്ഥാ​ന ക​ഴി​വു​ക​ൾ പ​ഠി​പ്പി​ക്കു​ക കൂ​ടി ചെ​യ്യു​ന്ന കെ​യ​ർ ആ​ൻ​ഡ് എ​ജു​ക്കേ​ഷ​ൻ ന​ഴ്സ​റി​ക​ളാ​ണ് ര​ണ്ടാ​മ​ത്തെ വി​ഭാ​ഗം. ശാ​രീ​രി​ക വൈ​ക​ല്യ​ങ്ങ​ളും പ​ഠ​ന വൈ​ക​ല്യ​ങ്ങ​ളു​മു​ള്ള കു​ട്ടി​ക​ളു​ടെ സം​ര​ക്ഷ​ണ​ത്തി​നാ​യു​ള്ള സ്‍പെ​ഷ​ലൈ​സ്ഡ് ന​ഴ്സ​റി​ക​ളാ​ണ് മൂ​ന്നാ​മ​ത്തേ​ത്.

ആ​ധു​നി​ക ഉ​പ​ക​ര​ണ​ങ്ങ​ളും ശാ​സ്ത്രീ​യ​രീ​തി​ക​ളും ഉ​പ​യോ​ഗി​ച്ച് കു​ട്ടി​ക​ളു​ടെ ക​ഴി​വു​ക​ൾ വി​ക​സി​പ്പി​ക്കു​ന്ന പ്ര​ത്യേ​ക പ​രി​പാ​ടി​ക​ൾ ഇ​വ​യി​ൽ ല​ഭ്യ​മാ​കും. ന​ഴ്‌​സ​റി​ക​ളി​ൽ ജോ​ലി ചെ​യ്യു​ന്ന​വ​രു​ടെ അ​ടി​സ്ഥാ​ന യോ​ഗ്യ​ത​ക​ളും തൊ​ഴി​ൽ പ​രി​ച​യ​വും പു​തി​യ ഉ​ത്ത​ര​വി​ൽ നി​ർ​ണ​യി​ച്ചി​ട്ടു​ണ്ട്. ന​ഴ്‌​സ​റി ലൈ​സ​ൻ​സ് നേ​ടാ​നും പു​തു​ക്കാ​നു​മു​ള്ള ഫീ​സ് 1000 ഖ​ത്ത​ർ റി​യാ​ലാ​ണ്. കു​ട്ടി​ക​ളു​ടെ ജീ​വി​ത​ത്തി​ന്റെ സു​പ്ര​ധാ​ന ഘ​ട്ട​ത്തി​ൽ ഏ​റ്റ​വും മി​ക​ച്ച പ​രി​ച​ര​ണ​വും ശി​ക്ഷ​ണ​വും ല​ഭ്യ​മാ​ക്കി കു​ട്ടി​ക​ൾ​ക്ക് വൈ​ജ്ഞാ​നി​ക​വും മാ​ന​സി​ക​മാ​യ വ​ള​ർ​ച്ച ഉ​റ​പ്പു​വ​രു​ത്താ​നാ​ണ് ല​ക്ഷ്യ​മാ​ക്കു​ന്ന​തെ​ന്ന് വി​ദ്യാ​ഭ്യാ​സ-​ഉ​ന്ന​ത വി​ദ്യാ​ഭ്യാ​സ മ​ന്ത്രാ​ല​യ​ത്തി​ലെ സ്വ​കാ​ര്യ വി​ദ്യാ​ഭ്യാ​സ കാ​ര്യ​ങ്ങ​ളു​ടെ അ​സി​സ്റ്റ​ന്റ് അ​ണ്ട​ർ സെ​ക്ര​ട്ട​റി ഒ​മ​ർ അ​ൽ-​നാ​മ പ​റ​ഞ്ഞു.