ടോക്യോ ഒളിമ്പിക്സ് റോവിങ്ങിൽ മത്സരിക്കുന്ന ഖത്തറിൻെറ തലാ അബുബാറ
ദോഹ: ടോക്യോ ഒളിമ്പിക്സ് ഖത്തറിൻെറ പ്രതീക്ഷകൾക്കൊപ്പം തുഴ പിടിക്കുകയാണ് തലാ അബുബാറ.വനിതാ റോവിങ് സിംഗ്ൾസ് സ്കൾസ് സെമി ഫൈനലിൽ ഉജ്വല പ്രകടനം കാഴ്ചവെച്ച തലാ അബുബാറ ഒന്നാം സ്ഥാനത്തെത്തിയാണ് ഫൈനലിലേക്ക് യോഗ്യത നേടിയത്.
നേരത്തെ ഹീറ്റ്സിലും റെപാഷെ റൗണ്ടിലും നിറം മങ്ങിയ താരം മികച്ച പ്രകടനത്തോടെ സെമിയിൽ ഒന്നാമതെത്തി. ആറു കാറ്റഗറിയിലായി നടക്കുന്ന ഫൈനൽ ജുലൈ 30ന് നടക്കും.
ബീച്ച് വോളിബാളിൽ മത്സരിച്ച ഖത്തറിൻെറ ഷെരിഫ് യൂനുസ് സാംബ-അഹമ്മദ് തിജാൻ സഖ്യവും ആദ്യ കളിയിൽ ജയം നേടി. പൂൾ 'സി'യിലെ ആദ്യ മത്സരത്തിൽ സ്വിറ്റ്സർലൻഡ് ടീമിനെ 2-0ത്തിനാണ് തോൽപിച്ചത്. പൂളിൽ നിന്നും ആദ്യ രണ്ട് സ്ഥാനക്കാർ പ്രീക്വാർട്ടറിൽ ഇടം നേടും.അതേസമയം, ജുഡോയിൽ അയൂബ് അൽ ഇദിരിസ് ആദ്യറൗണ്ടിൽ ബെലാറുസ് താരത്തിനു മുന്നിൽ തോൽവി വഴങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.