ദോഹ: വോഡഫോൺ ഖത്തറിെൻറ ബ്രാൻഡ് അംബാസഡറായി പ്രമുഖ മ ാധ്യമപ്രവർത്തകൻ മുഹമ്മദ് സഅദൂൻ അൽ കുവാരിയെ പ്രഖ്യാപിച്ചു. വോഡഫോണിെൻറ പുതിയ മുഖമായി ഇനി പരസ്യങ്ങളിൽ അൽ കുവാരി പ്രത്യക്ഷപ്പെടും. വോഡഫോൺ ഖത്തറിെൻറ 5ജി നെറ്റ്വർക്കിെൻറയും അതിനൂതന ഡിജിറ്റൽ ആശയങ്ങളുടെയും പ്രചാരണത്തിൽ മുഹമ്മദ് സഅദൂൻ അൽ കുവാരിയുടെ പിൻബലം വോഡഫോണിന് ലഭിക്കും. സമൂഹ മാധ്യമങ്ങളിൽ മിന മേഖലയിൽ ദശലക്ഷക്കണക്കിന് ഫോളോവേഴ്സാണ് പ്രമുഖ കായിക നിരീക്ഷനും അവതാരകനുമായ മുഹമ്മദ് സഅദൂൻ അൽ കുവാരിക്കുള്ളത്.
ഇതും വോഡഫോണിന് ഇനി മുന്നോട്ടുള്ള പാതയിൽ മുതൽക്കൂട്ടാകും. എ.ടി.പി ടൂറുകളിൽ പ്രഫഷനൽ ടെന്നീസ് താരമായിരുന്ന സഅദൂൻ അൽ കുവാരി, ഡേവിസ് കപ്പിൽ ഖത്തറിനെ പ്രതിനിധീകരിച്ചിട്ടുമുണ്ട്. വോഡഫോൺ ഖത്തർ കുടുംബത്തിൽ മുഹമ്മദ് സഅദൂൻ അൽ കുവാരിയെ പോലെയുള്ള ഒരാൾ അംഗമായി വരുന്നതിൽ അതിയായ സന്തോഷമുണ്ടെന്നും എല്ലാവർക്കും പ്രചോദനമേകുന്ന വ്യക്തിത്വമാണദ്ദേഹമെന്നും കമ്പനി സി.ഇ.ഒ ശൈഖ് ഹമദ് അബ്ദുല്ല ആൽഥാനി പറഞ്ഞു. പുതിയ ദൗത്യത്തിൽ അഭിമാനവും സന്തോഷവുമുണ്ടെന്ന് പ്രഖ്യാപനത്തിന് ശേഷം സഅദൂൻ അൽ കുവാരി വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.