പാ​റ​ക്കെ​ട്ടി​നി​ട​യി​ൽ കു​ടു​ങ്ങി സൗ​ദി യു​വാ​വ്​; 20 മ​ണി​ക്കൂ​റി​ന്​ ശേ​ഷം ര​ക്ഷ​പ്പെ​ടു​ത്തി

ത​ബൂ​ക്ക്: പാ​ല​ക്കാ​ട് മ​ല​മ്പു​ഴ​യി​ൽ യു​വാ​വ് മ​ല​യി​ൽ കു​ടു​ങ്ങി​യ​തി​ന്​ സ​മാ​ന രീ​തി​യി​ൽ വ​ട​ക്ക​ൻ സൗ​ദി​യി​ലെ ത​ബൂ​ക്കി​ൽ യു​വാ​വ് പാ​റ​ക്കെ​ട്ടി​നി​ട​യി​ൽ കു​ടു​ങ്ങി. അ​ൽ​വാ​ജ് ഗ​വ​ർ​ണ​റേ​റ്റി​ലെ അ​ബു​റാ​ക്ക സെ​ന്‍റ​റി​ൽ പാ​റ​ക്കെ​ട്ടി​ൽ വീ​ണ 27 കാ​ര​നാ​യ സ്വ​ദേ​ശി യു​വാ​വി​നെ ത​ബൂ​ക്ക് സി​വി​ൽ ഡി​ഫ​ൻ​സ് ടീം ​ര​ക്ഷ​പ്പെ​ടു​ത്തി.

പ്ര​ദേ​ശ​ത്തെ പാ​റ​ക്കെ​ട്ട് കാ​ര​ണം വാ​ഹ​ന​ങ്ങ​ൾ ക​ട​ന്നു​പോ​കാ​നു​ള്ള ബു​ദ്ധി​മു​ട്ടിനെ തുടർന്ന് ര​ക്ഷാ​പ്ര​വ​ർ​ത്ത​നം 20 മ​ണി​ക്കൂ​റോ​ളം നീ​ണ്ട​താ​യി ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് സി​വി​ൽ ഡി​ഫ​ൻ​സ് അ​റി​യി​ച്ചു. പാ​റ​ക്കെ​ട്ടി​ന​ക​ത്ത് കു​ടു​ങ്ങി​യ​ത് മു​ത​ൽ ര​ക്ഷാ​സം​ഘം യു​വാ​വി​ന് വെ​ള്ള​വും ഓ​ക്സി​ജ​നും ഭ​ക്ഷ​ണ​വും ന​ൽ​കി​ക്കൊ​ണ്ടി​രു​ന്നു.

യു​വാ​വ് കു​ടു​ങ്ങി​യ പാ​റ​യി​ടു​ക്കി​ന​ക​ത്തേ​ക്ക് പ്ര​വേ​ശി​ക്കാ​ൻ ത​ട​സ്സ​മാ​യ പാ​റ​ക​ൾ നീ​ക്കം ചെ​യ്താ​യി​രു​ന്നു ര​ക്ഷാ​പ്ര​വ​ർ​ത്ത​നം. റെ​ഡ് ക്ര​സ​ന്‍റ്​ അ​തോ​റി​റ്റി മെ​ഡി​ക്ക​ൽ ടീ​മു​ക​ൾ, ത​ബൂ​ക്ക്, അ​ൽ​വാ​ജ് ഗ​വ​ർ​ണ​റേ​റ്റ് എ​ന്നി​വി​ട​ങ്ങ​ളി​ൽ നി​ന്നു​ള്ള പ്ര​ത്യേ​ക സം​ഘം, വ​ട​ക്ക​ൻ സെ​ക്ട​റി​ലെ കി​ങ് ഫൈ​സ​ൽ എ​യ​ർ​ബേ​സി​ൽ നി​ന്നു​ള്ള സ​പ്പോ​ർ​ട്ട് വി​മാ​നം എ​ന്നി​വ​രാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്.

സം​ഭ​വ​മ​റി​ഞ്ഞ ത​ബൂ​ക്ക് ഗ​വ​ർ​ണ​ർ അ​മീ​ർ ഫ​ഹ​ദ് ബി​ൻ സു​ൽ​ത്താ​ൻ യു​വാ​വി​ന് ആ​വ​ശ്യ​മാ​യ ആ​രോ​ഗ്യ സം​ര​ക്ഷ​ണം ന​ൽ​കാ​ൻ ബ​ന്ധ​പ്പെ​ട്ട എ​ല്ലാ അ​ധി​കാ​രി​ക​ളോ​ടും നി​ർ​ദേ​ശി​ച്ചു. യു​വാ​വ് വീ​ണ സ്ഥ​ല​ത്തു​നി​ന്ന് ആ​ശു​പ​ത്രി​യി​ലേ​ക്ക് കൊ​ണ്ടു​പോ​കാ​ൻ ഹെ​ലി​കോ​പ്ട​ർ സൗ​ക​ര്യം ഒ​രു​ക്കാ​നും അ​ദ്ദേ​ഹം നി​ർ​ദേ​ശം ന​ൽ​കി.

ട്ര​ക്കി​ങ്ങി​നി​ടെ യു​വാ​വ് ഇ​ടു​ങ്ങി​യ പാ​റ​യി​ടു​ക്കി​ലേ​ക്ക് വീ​ണ വി​വ​രം ചൊ​വ്വാ​ഴ്‌​ച​യാ​ണ് ത​ബൂ​ക്കി​ലെ സു​ര​ക്ഷ അ​ധി​കാ​രി​ക​ൾ അ​റി​ഞ്ഞ​ത്. തു​ട​ർ​ന്ന് സി​വി​ൽ ഡി​ഫ​ൻ​സ് ടീ​മു​ക​ൾ ന​ട​ത്തി​യ അ​ശ്രാ​ന്ത പ​രി​ശ്ര​മ​ത്തി​നൊ​ടു​വി​ലാ​ണ് ബു​ധ​നാ​ഴ്ച വൈ​കീ​ട്ടോ​ടെ യു​വാ​വി​നെ ര​ക്ഷി​ക്കാ​ൻ ക​ഴി​ഞ്ഞ​ത്.