എം.പി. അന്‍വര്‍
ജിദ്ദ: മത-സാമൂഹിക-സാംസ്കാരിക രംഗത്തെ സജീവ സാന്നിധ്യമായിരുന്ന തലശ്ശേരി സ്വദേശി എം.പി. അന്‍വര്‍ പ്രവാസത്തോട് വിടപറയുന്നു. 1988 മുതല്‍ ജിദ്ദയിലെ ഹിദാദ സ്റ്റീല്‍ കമ്പനിയില്‍ വിവിധ തസ്തികകളില്‍ ജോലി ചെയ്തുവരുകയായിരുന്നു. തനിമ കലാ-സാംസ്കാരിക വേദിയുടെയും പോഷക ഘടകങ്ങളുടെയും സജീവ പ്രവര്‍ത്തകനായ അന്‍വര്‍ ജിദ്ദയിലെ ജീവകാരുണ്യ രംഗത്തും സജീവ സാന്നിധ്യമായിരുന്നു.
വ്യായാമത്തിനായി രൂപവത്കരിച്ച ‘മാക് സെവൻ’ എന്ന വേദിയിലും സജീവമായിരുന്നു. തലശ്ശേരി മാഹി വെല്‍ഫെയര്‍ അസോസിയേഷെൻറ സ്ഥാപക മെമ്പറായ അന്‍വര്‍ തലശ്ശേരി ഗായകന്‍ കൂടിയാണ്. വിവിധ വേദികളില്‍ ഗാനങ്ങള്‍ ആലപിച്ചിട്ടുണ്ട്. നാട്ടില്‍ തിരിച്ചെത്തിയാല്‍ ജനസേവന പ്രവര്‍ത്തനങ്ങളിലും മറ്റെന്തെങ്കിലും തൊഴിലിലും ഏര്‍പ്പെടണമെന്നാണ് ആഗ്രഹമെന്ന് അദ്ദേഹം പറഞ്ഞു.
ഇപ്പോള്‍ കണ്ണൂരിലെ താണയിലാണ് അൻവറിന്റെ താമസം. നാട്ടിലും സൗദി അറേബ്യയിലുമായി നിരവധി സൗഹൃദ വലയമുണ്ട്. സമീറയാണ് ഭാര്യ. റജാഹ്, ഇര്‍ഫാന്‍, അബ്ദുല്‍ മുഈസ്, അബ്ദുല്‍ അസീസ്, മുഷ്അബ്, ഇഹാബ്, ഖദീജ എന്നിവര്‍ മക്കളാണ്. അദ്ദേഹവുമായി 0567106813 എന്ന ഫോൺ നമ്പറിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.